މެލްބަރންގައި ކާރެއް ދުއްވާފައި ގޮސް ދިން ހަމަލާއާ ގުޅިގެން ދެ މީހަކު ހައްޔަރު ކޮށްފި
21 ޑިސެމްބަރު 2017 | ބުރާސްފަތި 11:15ސާދަ މީހަކު ޒަޚަމްވި އިރު އެތައް ބައެއްގެ ހާލު ސީރިއަސް
އަބުދުﷲ މުހައްމަދު | 21 ޑިސެމްބަރު 2017 | ބުރާސްފަތި 11:15
މި ހާދިސާ ހިނގާފައިވަނީ ކާރޫބާރު ބޮޑު ފްލިންޑަރސް ސްޓްރީޓްގައި
މެލްބަރންގައި މީހުން ތަކެއްގެ ތެރެއަށް ގަސްތުގައި ކާރެއް ދުއްވާފައި ގޮސް ވައްދާލި ހާދިސާއާ ގުޅިގެން ދެ މީހަކު ހައްޔަރުކޮށްފިއެވެ.
ވިކްޓޯރިއާގެ ފުލުހުން ބުނެފައިވަނީ ކާރުން އެތައް ކުޑަކުދިންނެއްގެ ގައިގައި ޖެހިފައިވާ ކަމަށެވެ.
މި ހާދިސާ ހިނގާފައިވަނީ ކާރޫބާރުބޮޑު ފްލިންޑަރސް ސްޓްރީޓްގައެވެ.
ސާދަ މީހަކު ޒަޚަމްވި އިރު އެތައް ބައެއްގެ ހާލު ސީރިއަސްއެވެ.
ފުލުހުންބުނީ މިއީ ގަސްތުގައި ހިންގާފައިވާ އަމަލެއް ކަމަށާއި ނަމަވެސް ޓެރެރިޒަމްގެ އަމަލެއްތޯ ނިންމުމަށް އަދި މާ އަވަސް ކަމަށެވެ.
ހައްޔަރު ކޮށްފައިވަނީ ޑްރައިވަރާ އަދި އިތުރު މީހެކެވެ.
"މަގުސަދަކީ ކޮބައިކަމެއް ނޭނގެ" ފުލުހުންގެ ކޮމާންޑަރ ރަސެލް ބެރޭ ވިދާޅުވިއެވެ.
