ރާއްޖެޓީވީން ކުޑަކުދިންނަށް ހާއްސަކޮށްގެން ޖާދޫގެ ޝޯއެއް ބާއްވައިފި
އެމިލް އެރަނގަ ވަނީ ކުޑަކުދިންނާ ގުޅޭ ތަފާތު އެކި ވައްތަރުގެ ޖާދޫތައް ހަދާފައި
ސްރީލަންކާގެ މަޝްހޫރު ޖާދޫގަރު އެމިލް އެރަނގަ
ރާއްޖެޓީވީ ނައިޓް 2017 ގައި ބައިވެރިވި ސްރީލަންކާގެ މަޝްހޫރު ޖާދޫގަރު އެމިލް އެރަނގަ ކުޑަކުދިންނަށް ހާއްސަ ހަވީރެއް ބާއްވައިފިއެވެ.
މި ކުޑަކުދިންގެ ހަވީރު ބާއްވާފައި ވަނީ ނޮވެލް ރެސްޓޯރެންޓްގައެވެ. އަދި ނޮވެލް ރެސްޓޯރެންޓްގެ ފަރާތުން ކުޑަކުދިންގެ ހަވީރަށް ހާއްސަކޮށްގެން ވަނީ ކުޑަކުދިންނަށް ހާއްސަ މެނޫއެއް ވެސް ތައާރަފުކޮށްފައެވެ.
އެމިލް އެރަނގަ ވަނީ ކުޑަކުދިންނާ ގުޅޭ ތަފާތު އެކި ވައްތަރުގެ ޖާދޫތައް ހަދާފައެވެ.
ރާއްޖެޓީވީ އަށް އިންޓަވިއު ދެމުން އެމިލް ބުނީ މި އަންނަ އަހަރާ ދިމާކޮށް ރާއްޖެޓީވީއާ ގުޅިގެން ޖާދޫގެ ކުރު ކޯސްތަކެއް ރާއްޖޭގައި ހިންގުމަށް ނިންމާފައިވާ ކަމަށާއި ކުޑަކުދިންނަށް އޭނާގެ ޖާދޫގެ ހުނަރުތައް ކަމުގޮސްފައިވާ ކަމަށެވެ.
ކުޑަކުދިންގެ މި ހަވީރުގައި ގިނަ އަދަދެއްގެ ކުދިން ވަނީ ބައިވެރިވެފައެވެ.
އެމިލް އެރަނގަ ވަނީ ހަތަރު ފަހަރެއްގެ މަތިން ރާއްޖޭގައި ޖާދޫ ދަސްކޮށްދިނުމުގެ ކޯސްތައް ހިންގައިދީ، އޮލިމްޕަހުގައި ޖާދޫގެ ޝޯއެއް ވެސް ހުށަހަޅައިދީފައެވެ.
