ޕާކިސްތާނުގެ ޑިޕްލޮމެޓިކް މުވައްޒަފަކު އަފްޣާނިސްތާނުގައި މަރާލައިފި
7 ނޮވެމްބަރު 2017 | އަންގާރަ 01:37ހަމަލާގެ ޒިންމާ އެއްވެސް ފަރާތަކުން އުފުލާފައެއް ނުވޭ
އަފްޣާނިސްތާނުގެ ނަންގަހާރް ޕްރޮވިންސްގެ ވެރިރަށަކީ ޖަލާލަބާދް
އަފްޣާނިސްތާނުގެ އިރުމަތީ ސަރައްދުގެ ސިޓީއެއް ކަމަށްވާ ޖަލާލަބާދްގައި ހަނގުރާމަވެރިންތަކެއް ޕާކިސްތާނުގެ ޑިޕްލޮމެޓިކް މުވައްޒަފަކު މަރާލައިފިއެވެ.
ރަނާ ނަޔަރު ނަމަކަށް ކިޔާ މީހާ މަރާލާފައި ވަނީ ޖަލާލަބާދްގައި ހުންނަ އޭނާގެ ގޭގެ ބޭރުގައި ކަމަށް ރިޕޯޓުތައް ބުނެއެވެ. މިކަން ޕާކިސްތާނުން މިކަން ކަށަވަރުކޮށްދީފަ އެވެ.
ޕާކިސްތާނުގެ ޑިޕްލޮމެޓިކް މުވައްޒަފަކު މަރާލުން އެ ގައުމުން ވަނީ ވަރަށް ބޮޑަށް ކުށްވެރިކޮށްފައެވެ. ޕާކިސްތާނުން ބުނީ އަފްޣާނިސްތާނުގައި ހަރަކާތްތެރިވާ އެގައުމުގެ ޑިޕްލޮމެޓިކް މުވައްޒަފުންނަށް ދޭ ރައްކާތެރިކަން މިހާރުން މިހާރަށް ރަނގަޅު ކުރަން ޖެހޭ ކަމަށެވެ.
މި މައްސަލައާ ގުޅިގެން، ޕާކިސްތާނުގައި ހުންނަނަވާ އަފްޣާނިސްތާނުގެ އެންމެ އިސް ޑިޕްލޮމެޓިކް ވަނީ ޕާކިސްތާނުގެ ފޮރިން މިނިސްޓްރީއަށް ހާޒިރުކޮށްފަ އެވެ.
އަފްޣާނިސްތާނުގެ ޖަލާލަބާދްގައި ހުންނަ ޕާކިސްތާނުގެ ކޮންސިއުލޭޓްގެ މުވައްޒަފަކު ހަނގުރާމަވެރިން މަރާލާފައިވާއިރު، ހަމަ މި ކޮންސިއުލޭޓްގެ ދެ މުވައްފަކު ވަނީ މީގެ މަސްތަކެއް ކުރިން ރަހީނުކޮށް ފަހުން ދޫކޮށްލާފައެވެ.
