އުތުރު ކޮރެއާ އިން އިތުރު ނިއުކްލިއާ ޓެސްޓެއްކޮށްފިނަމަ ރޭޑިއޯއެކްޓިވް ލީކުވުން އެކަށީގެންވޭ: ދެކުނު ކޮރެއާ

އުތުރު ކޮރެއާގެ ނިއުކްލިއާ ޓެސްޓްތައް ކުރާ ފަރުބަދަމަތީ ސަރަހައްދުގައި އިތުރު އާ ނިއުކްލިއާ ޓެސްޓެއް ކޮށްފިނަމަ ރޭޑިއޯއެކްޓިވް މެޓީރިއަލް ލީކުުވުމަކީ އެކަށީގެންވާ ކަމެއް ކަމަށް ދެކުނު ކޮރެއާގެ އެންމެ އިސް މީޓިއޮރޮލޮޖިސްޓް ވިދާޅުވެއްޖެއެވެ.

ދެކުނު ކޮރެއާގެ ނިއުސް އެޖެންސީ، ޔޮންހަޕް ނަމް ޖެއި-ޗޮލް ވިދާޅުވީ އުތުރު ކޮރެއާ އިން އާ ނިއުކްލިއާ ޓެސްޓެއްކޮށްފިނަމަ "މައުންޓް މެންޓަޕް" ގެ އަޑީގައި، 100 މީޓަރުގެ ދިގުމިން ހުންނަ ހުސްތަންގަނޑެއް ގޮވުން އެކަށީގެންވާ ކަމަށެވެ.

މިދިޔަ ސެޕްޓެމްބަރު މަހު ކުރީކޮޅު އުތުރު ކޮރެެއާ އިން އެންމެ ފަހުން ކުރި ނިއުކްލިއާ ޓެސްޓު ކުރުމާ ގުޅިގެން ގިނަ އަދަދެއްގެ ބިންގަނޑުކަނޑައިގެން ދިޔުމުގެ ހާދިސާތައް ހިނގާފައިވެއެވެ. 2006 އިން ފެށިގެން އުުތުރު ކޮރެއާ އިން ވަނީ ނިއުކްލިއާ ހަ ޓެސްޓެއްކޮށްފައެވެ.

އުތުރު ކޮރެއާގެ މީޑިއާތައް ބުނާގޮތުން ސެޓެލައިޓް ލޯންޗް ކުުރުމަކީ އެގައުމަށް ލިބިގެންވާ ހައްގެކެވެ. ރިޕޯޓުތައް ބުނާގޮތުން އުތުރު ކޮރެއާ އިން ވަަރަށް އަވަހަށް ސެޓެލައިޓެއް ލޯންޗް ކުރާނެއެވެ. އެއީ އެގައުމުގެ ބެލިސްޓިލް މިސައިލް ޓެކްނޮލޮޖީ އާ ގުޅޭ ކަމެެއް ކަމަށްވެސް ރިޕޯޓުތައް ބުނެއެވެ.

ބައިނަލްއަގްވާމީ ދުނިޔެއިން ތަކުރާރުކޮށް އުުތުރު ކޮރެއާ އަށް އަންގަމުން ދަނީ ނިއުކްލިއާ ހަތިޔާރު ފައްކާކުރުމުގެ ޕްރޮގްރާމް ހުއްޓާލުމަށާއި އަދި މިސައިލް ޓެސްޓްތައް ކުރުން ހުއްޓާލުމަށެވެ. އެހެން ނަމަވެސް އުތުރު ކޮރެއާ އިން ބައިނަލްއަގްވާމީ ދުނިޔޭގެ ގޮވުންތަކަށް ދަނީ ބީރުކަންފަތެއް ދެމުންނެވެ. މިހާތަނަށް އދ އާއި އެމެރިކާ އިން ވެސް ވަނީ އުތުރު ކޮރެއާ އާ ދެކޮޅަށް ދަތިކުރުމުގެ ފިޔަވަޅު އަޅާފައެވެ. އެހެންނަމަވެސް އުތުރު ކޮރެއާގެ އަމަލުތަކަަަކަށް ބަދަލެއް ނާދެއެވެ.