މިއަހަރުގެ ފުރަތަމަ 9 މަސްދުވަހު އަވަށްޓެރި ސްރީލަންކާގައި ހިނގި މަގުމަތީ އެކްސިޑެންޓްތަކުގައި މަރުވި މީހުންގެ އަދަދު 2228 އަށް އަރައިފިއެވެ. ލަންކާ ފުލުހުން ބުނާ ގޮތުގައި މިއަހަރު ފެށުނީއްސުރެ މިދިޔަ ސެޕްޓެމްބަރު މަހުގެ 21ވަނަ ދުވަހާއި ހަމަޔަށް 2216 އެކްސިޑެންޓް ހިނގާފައިވާކަމަށާއި، އެ އެކްސިޑެންޓްތަކުގައި 2228 މީހުން މަރުވެފައިވާކަމަށެވެ.

މިއީ މިދިޔަ އަހަރު ލަންކާގައި ހިނގި އެކްސިޑެންޓްތަކާއި، އެ އެކްސިޑެންޓްތަކުގައި މަރުވި މީހުންގެ އަދަދާއި އަޅާބަލައިރު ދަށް އަދަދެކެވެ. ލަންކާގެ ފުލުހުންގެ ތަފާސް ހިސާބުތައް ދައްކާ ގޮތުން މިދިޔަ އަހަރު އެޤައުމުގެ އެކި ކަންކޮޅުތަކުގައި 2798 ނުރައްކާތެރި އެކްސިޑެންޓް ހިނގި އިރު އެކްސިޑެންޓްތަކުގައި މަރުވި މީހުންގެ އަދަދު ތިން ހާހާއި ގާތްކުރެއެވެ. އަދި ކުދި އެކްސިޑެންޓްތަކުގެ އަދަދު މިދިޔަ އަހަރު 14 ހާހާއި ގާތްކުރެއެވެ.

ލަންކާގެ ރަށްފުށު ހިސާބުތަކުގެ މަގުތައް ރަނގަޅު ފެންވަރަކަށް ހެދުމަށް ސަރުކާރުން މަސައްކަތްކުރަމުން އަންނައިރު، މައި ރަށްތަކުގެ މަގުތަކާއި އެކްސްޕްރެސް ވޭ ތަކުގައި ޓްރެފިކް ބެލެހެއްޓުން ހަރުދަނާކުރުމަށްވެސް ދަނީ މަސައްކަތްކުރަމުންނެވެ.

ސްރީލަންކާގައި މިދިޔަ އަހަރާއި މިއަހަރުވެސް ހިނގި މަގުމަތީ އެކްސިޑެންޓްތަކުގައި ބައެއް ދިވެހިންނަށްވެސް އަނިޔާވެފައިވެއެވެ.