އދ ގެ އެހީދިނުމުގެ ކަންކަމާ ގުޅޭ އިސްވެރިޔާ ޔަމަނުގެ ހާލަތާ ބެހޭ ގޮތުން ކަންބޮޑުވުން ފާޅުކުރައްވައިފި

އދ ގެ އެހީދިނުމުގެ ކަންކަމާ ގުޅޭ އިސްވެރިޔާ މާކް ލޯކޮކް ޔަމަނަށް ވަޑައިގެން އެގައުމަށް ކުރިމަތިވެފައިވާ އިންސާނީ ކާރިސާ ބެހޭގޮތުން ކަންބޮޑުވުން ފާޅުކުރައްވައިފިއެވެ.

ސެޕްޓެމްބަރު 1 ގައި މާކް ލޯކޮކް ވަނީ އދ ގެ އަންޑާ ސެކްރެޓަރީ ޖެނެރަލް ކަމަަށާއި އަދި އިމާޖެންސީ ރިލީފް ކޯޑިނޭޓަރުގެ މަގާމަށް އައްޔަން ކުރައްވާފައެވެ.

އދ އިން ބުނާގޮތުން ޔަމަނުގައި ހިނގަމުންދާ ދާހިލީ ހަނގުރާމައިގެ ސަބަބުން 10،000 އަށްވުރެ ގިނަ މީހުން މަރުވެފައިވެއެވެ. ހަތް މިލިއަން މީހުންނަށް ކާބޯތަކެތީގެ އެހީ ބޭނުންވެއެވެ. އަދި އިތުރު އެތަައް މިލިއަން މީހުންނަަށް ސާފު ފެނާއި، ސިއްހީ ފަރުވާާ ބޭނުންެވެއެވެ.

މާކް ލޯކޮކް ވިދާޅުވީ ޔަމަނަށް ވަޑައިގަތީ އެ ގައުމުގެ ހާލަތާ ބެހޭގޮތުން ނުހަނު ކަންބޮޑުވެވަޑައިގަންނަވާތީ ކަމަށާއި އަދި ޔަމަނުގެ ހާލަތު ދަނީ ދަަށަށް ކަމަަށް ކަމަށެވެ.

ޔަަމަނުގެ ދާހިލީ ހަނގުރާމަ 2015 ގައި ފެށިގެން ދިޔައީ، ޔަމަނުގެ ސަރުކާރުގެ ހަގީގީ ބާރުލިބިގެންވާކަމަށް ދައުވާ ކުރާ ދެބައިމީހުންގެ ތެރޭގަޔާއި އެބައިމީހުންނަށް ތާއިދު ކުރާ ފަރާތްތަކުގެ މެދުގައެވެ.