ޕާކިސްތާނުގައި ހަރަކާތްތެރިވާ ހަނގުރާމަވެރި ގްރޫޕްތަކާ ދެކޮޅަށް މިހާރަށްވުރެ ބޮޑަށް މަސައްކަތްކުރަން ޖެހޭ ކަމަށް އެމެރިކާގެ ޚާރިޖީ ވަޒީރު ރެކްސް ޓިލާސަން ވިދާޅުވެއްޖެއެވެ. 

އެމަނިކުފާނު މިމޭރުމުން ވާހަކަފުޅު ދެއްކެވީ އަންގާރަ ދުވަހު ޕާކިސްތާނުގެ އިސްވެރިންނާ ބައްދަލު ކުރައްވަން އެގައުމަށް ކުރެއްވި ދަތުރުފުޅެއްގައެވެ. 

ރެކްސް ޓިލާސަން، ޕާކިސްތާނުގެ އިސްލާމްއާބަދަށް އަންގާރަ ދުވަހު ވަޑައިގެން އެގައުމުގެ ބޮޑު ވަޒީރު ޝާހިދު ހައްގާން އައްބާސީ އާއި ޕާކިސްތާނުގެ އިސް އެހެން އޮފިޝަލުންނާ މަޝްވަރާތައް ބޭއްެވެވިއެވެ. 

ޕާކިސްތާނުގެ ބޮޑު ވަޒީރާ އެކު ރަސްމީ ވާހަކަތައް ބޭއްވެވުމުގެ ކުރިން، އެމެރިކާގެ ޚާރިޖީ ވަޒީރު ޓިލާސަން ވިދާޅުވީ ޕާކިސްތާނު ހިމެނޭ ސަރަހައްދުގައި، ޕާކިސްތާނަކީ އެމެރިކާ އަށް މުހިންމު ބައިވެރިއެއް ކަަމަށާ ސަބަބަކީ ސަރަހައްދަށް ހަމަޖެހުން ގެނައުމުގައި އެމެރިކާ އާ ގުޅިގެން މަަސައްކަތް ކުރާ ގައުމަަކަށް ވާތީ ކަމަށެވެ.  

ޓިލާސަން ވަނީ ހޯމަ ދުވަހު އަފްގާނިސްތާނަށް ވެސް ވަޑައިގެންފައެވެ. 

އެމެރިކާގެ ޚާރިޖީ ވަޒީރު ގެންދަވަނީ މެދުއިރުމައްޗާއި އަދި ދެކުނު އޭޝިއާގެ ބައެއް ގައުމުތަކަށް ޒިޔާރަތް ކުރައްވަމުންެނެވެ.