ރާނީ މުކްރަޖީގެ ބައްޕަ މަރުވެއްޖެ

ބޮލީވުޑްގެ ތަރި ރާނީ މުކްރަޖީގެ ބައްޕަ ރާމް މުކްރަޖީ މަރުވެއްޖެއެވެ.

ފިލްމު މޭކާ އަދި ސްކްރީން ލިޔުންތެރިޔާ މަރުވެފައިވަނީ އާދީއްތަ ދުވަހުގެ ހެނދުނުގެ ވަގުތެއްގައެވެ. އޭނާ މަރުވިއިރު އުމުރަކީ 84 އަހަރެވެ. އިންޑިއާގެ ނޫސްތަކުގައި ވާގޮތުން ރާމް މުކްރަޖީ މަރުވެފައި ވަނީ 5 ދުވަހު ބަލިވެއުޅުމަށް ފަހުގައެވެ. އަދި އޭނާގެ ބްލަޑް ޕްރެޝާ ކުއްލިއަކަށް މައްޗަށް ގޮސް ހޮނިހިރު ދުވަހުގެ ރޭ މުމްބާއީ ހޮސްޕިޓަލުގެ އިމަޖެންސީގައި ފަރުވާ ދެމުން ދަނިކޮށް މަރުވީ ކަމަށް ނޫސްތަކުގައި ވެއެވެ.

ރާމް މުކްރަޖީގެ ދަރިންނަނީ ރާނީ ގެ އިތުރުން ރާޖް މުކްރަޖީއެވެ.

ރާމް މުކްރަޖީ ވަނީ ހިންދީ ފިލްމުތަކުގެ އިތުރުން ބެންގަލީ ސިނަމާގައި ވެސް މަސައްކަތް ކޮށްފައެވެ.

ރާމް މުކްރަޖީ ޑައިރެކްޓް ކޮށްފައިވާ ފިލްމު ތަކުގެ ތެރޭގައި ހަމް ހިންދުސްތާނީ(1960)، ލީޑާ(1964)، އޭކް ބާރު މޫސްކުރާ ޑޯ(1972)، ރަކްޓަލޭކާ(1992) ހިމެނެއެވެ. އޭނާ ވަނީ ފިލްމު "ސަންބަންދު"(1969) ގައި ޕްރޮޑިއުސް ވެސް ކޮށްފައެވެ.