ސައުދީ އަރަބިއްޔާ އާއި އިރާގުގެ އޮފިޝަލުންގެ މެދުގައި ބާއްވާ ބައްދަލުވުމެއްގައި ބައިވެރިވެވަޑައިގަތުމަށްޓަކައި ސައުދީގެ ރިޔާދަށް އެމެރިކާގެ ޚާރިޖީ ވަޒީރު ރެކްސް ޓިލާސަން ހޮނިހިރު ދުވަހު ވަޑައިގެންފިއެވެ.
ސައުދީ އާއި އިރާގުގެ އޮފިޝަލުން ރިޔާދުގައި ބައްދަލު ކުރައްވަނީ ދެގައުމުގެ ގުޅުން ރަނގަޅު ކުރުމަށާއި އަދި އިރާނުގެ ބާރު ސަރަހައްދުގައި ގަދަވުމުން ސަލާމަތްކުރުމުގައި ކުރެވޭނެ ކަންކަމާ ގުޅޭ މަޝްްވަރާކުރެއްވުމަށްޓަކައެވެ.
އެމެރިކާގެ ރައީސް ޑޮނަލްޑް ޓްރަމްޕް ދާދިފަހުން ވަނީ 2015 ވަނަ އަހަރު އިރާނުން ވި ބައިނަލްއަގްވާމީ އެއްބަސްވުން ނުވަތަ އިރާނުން ނިއުކްލިއާ ހަތިޔާރު ތަރައްގީ ކުރުން ހުއްޓުވުމާ ބެހޭ އެއްބަސްވުމުގައި މައްސަލަތައް އުޅޭ ކަމަށް ވިދާޅުވެ އެ އެއްބަސްވުން ނިމުމަކަށް ގެނައުމަށް މަސައްކަތް ކުރައްވާ ކަމަށް ވިދާޅުވެފައެވެ.
ޓިލާސަން ވަނީ ހޮނިހިރު ދުވަހު ސައުދީގެ ފޮރިން މިނިސްޓަރާ ބައްދަލު ކުރައްވާފައެވެ.
ޓިލާސަން ގައުމުން ބޭރަށް ކުރައްވާ ހަ ދުވަހުގެ ދަތުރުފުޅުގައި ގަތަރު، ޕާކިސްތާން، އިންޑިއާ އަދި ސްވިޓްޒަލޭންޑަށް ވަޑައިގަންނަވާނެއެވެ.
