"ބޭވޮޗް": ފުރަތަމަ ދުވަހު ލިބުނީ 4.5 މިލިއަން ޑޮލަރު
ކުރިއަށް އޮތް ހަފްތާގައި "ބޭވޮޗް" އަށް 40 މިލިއަން ޑޮލަރު ލިބޭނެކަމަށް ލަފާކުރެވޭ
ބޭވޮޗްގެ ޕޯސްޓަރ
ބުރާސްފަތި ދުވަހު ސިނަމާތަކަށް އައިސްފައިވާ ހޮލީވުޑްގެ ފިލްމު"ބޭވޮޗް" އަށް އެ ފިލްމު އެޅުވިތާ ފުރަތަމަ ދުވަހުގައި 4.5 މިލިއަން ޑޮލަރުގެ އާމްދަނީއެއް ލިބިއްޖެއެވެ.
ކުރިއަށް އޮތް ހަފްތާގައި އެކަނިވެސް "ބޭވޮޗަށް" 40 މިލިއަން ޑޮލަރު ލިބޭނެ ކަމަށް ލަފާކުރެވޭ ކަމަށް އެނަލިސްޓުން ބުނެއެވެ. ބޭވޮޗް އަޅުވާފައިވަނީ 2554 ސްކްރީނެއްގައެވެ. އެހެން ނަމަވެސް ހަފްތާއެއްހާ ދުވަސް ފަހުން 3647 ސްކްރީނެއްގައި ފިލްމު އަޅުވާނެކަމަށް ރިޕޯޓްތައް ބުނެއެވެ.
"ބޭވޮޗް" އަކީ 69 މިލިއަން ޑޮލަރުގެ ބަޖެޓަކުން އުފައްދާފައިވާ ފިލްމެކެވެ. މި ފިލްމުން ފެނިގެން ދަނީ ސެތު ގޯޑެން ޑައިރެކްޓްކޮށް، ޑްވޭން ޖޯންސަން (ރޮކް) އާއި ޒެކް އެފްރޯން، އެލެގްޒެންޑާ ޑަޑާރިއޯ އަދި ޕްރިޔަންކާ ޗޮޕްރާއެވެ. ޕްރިޔަންކާ "ބޭވޮޗް" އާއި ބެހޭގޮތުން މީގެ ކުރިން ބުނެފައިވަނީ މިއީ ޒުވާނުންތަކެއްގެ ތެރޭގައި ހިނގާ، ޒުވާން ކަންތައްތަކެއް ދައްކުވައި ދޭނެ ފިލްމެއް ކަމަށެވެ. މި ފިލްމު ހަދާފައިވަނީ ނުވަދިހައިގެ އަހަރުތަކުގައި މަޝްހޫރުވެގެން ދިޔަ ޓީވީ ސިލްސިލާ "ބޭވޮޗް" އަށް ބިނާކޮށް ހަމަ އެނަމުގައެވެ.
