ލީސާއަށް ލިބުނީ ފިރިހެން ކުއްޖެއް!

"ކްއީން" އާއި "ހައުސްފުލް 3" ފަދަ ފިލްމްތައް ކުޅެފައިވާ ބޮލީވުޑްގެ ބަތަލާ އަދި މޮޑެލް ލީސާ ހޭޑަން ފިރިހެން ކުއްޖަކު ވިހައިފިއެވެ. ލީސާވަނީ އޭނާއަށް މެއި 17 ވަނަ ދުވަހުގައި ފިރިހެން ކުއްޖެއް ލިބިފައިވާކަމަށާއި ވަރަށް އުފަލުން ހުރިކަމަށް ބުނެ އިންސްޓަގްރާމް ކޮށްފައެވެ. އަދި އޭނާގެ ފިރިހެން ދަރިފުޅަށް ދީފައިވާ ނަމަކީ ޒެކް ލަލްވާނީ ކަމަށް ބުނެފައިވެއެވެ. ޑީނޯ ލަލްވާނީ އާއި ލީސާ ކައިވެނި ކުރީ މިދިޔަ އަހަރުގެ އޮކްޓޯބަރު މަހުގެ ތެރޭގައެވެ.

ދަރިއަކު ލިބުމަށްފަހު އޭނާގެ ދިރިއުޅުން ބަދަލުވެއްޖެކަމަށް ލީސާ ބުންޏެވެ.

"ދިރިއުޅުން އެއްކޮށް ބަދަލުވީ ދަރިއަކު ލިބުމުން. ކައިވެނީގެ ސަބަބުން ދިރިއުޅުމަށް މާބޮޑު ބަދަލެއް ނާދޭ" ލީސާ ބުނެފައިވެއެވެ.

ލީސާ ވަނީ އޭނާ ކުޅުނު ފިލްމު "ކުއީން" އިން ފިލްމް ފެއާ އެވޯޑްގައި ބެސްޓް ސަޕޯޓިން އެކްޓްރެސްއަށް ނޮމިނޭޓްވެފައެވެ. އެންމެ ފަހުން އޭނާ ފެނިފައިވަނީ "އޭ ދިލް ހޭ މުޝްކިލް" އިންނެވެ.

އޭނާއަށް ވަނީ 2014 ވަނަ އަހަރު ވޯގް ބިއުޓީ އެވޯޑް ފޯ ބެސްޓް ބްރޭކްތުރޫ އެވޯޑް ވެސް ލިބިފައެވެ. އަދި އޭނާ ވަނީ 2015 ވަނަ އަހަރު ލަޔަންސް ގޯލްޑް އެވޯޑް ފޯ ފެވަރިޓް އެކްޓްރެސް އިން ސަޕޯޓިން ރޯލް ވެސް ހާސިލްކޮށްފައެވެ.

ލީސާ ވިހެއިކަން އިއުލާން ކުރުމަށްފަހު އޭނާ ވަނީ ފިރިމީހާ އާއި ދަރިފުޅާ އެކު ގޭގެ ބޭރުގައި މަޑުކޮށްގެން ތިބެ ނަގާފައިވާ ފޮޓޯއެއް ވެސް އިންސްޓަގްރާމްކޮށްފައެވެ.