ފާރިސް ގެއަށް ބަދަލުކޮށްފައިވަނީ ބުދަދުވަހު
ކުރީގެ ރައީސް މައުމޫނު
ދިއްގަރު ދާއިރާގެ މެމްބަރު ފާރިސް މައުމޫނު ވަގުތީގޮތުން ގޭ ބަންދަށް ބަދަލުކުރެއްވުމާ ގުޅިގެން ކުރީގެ ރައީސް މައުމޫން އަބްދުލް ގައްޔޫމް، ރައީސް އަބްދުﷲ ޔާމީނަށް ޝުކުރު އަދާކުރައްވައިފި އެވެ.
ރައީސް މައުމޫނު ކުރެއްވި އެހެން ޓުވީޓެއްގައި ވިދާޅުވެފައިވަނީ 85 ދުވަސްވަންދެން ޖަލުގައި ހޭދަކުރެއްވުމަށްފަހު އާއިލާ ކައިރިއަށް ގެއަށް ބަދަލުކުރީތީ އުފާކުރައްވާ ކަމަށާއި ﷲގެ ހަޒްރަތައް ދުޢާ ދަންނަވާ ކަމަށެވެ.
ފާރިސް ގޭބަންދަށް ބަދަލުކުރީ މާފުށީ ޖަލުގައި އޭނާ ބަހައްޓަވާފައި ހުންނެވި ގޮޅި މަރާމާތުކޮށް ނިމެންދެން ކަމަށް ކަރެކްޝަނަލް ސާވިސްއިން ބުނެ އެވެ.
ރައީސް އަބްދުﷲ ޔާމީނަށް ބޮޑުބޭބެ ވިދާޅުވާ ފާރިސް ބަންދުކޮށްފައިވަނީ ގާނޫނާ ހިލާފަށް ކަމަށް ބުނެ، އިދިކޮޅު ފަރާތްތަކުން އަންނަނީ ސަރުކާރަށް ވަރަށް ބޮޑަށް ފާޑުކިޔަމުންނެވެ.
