އަމާން އުދަރެސް-2 ޓަވަރުން އިރުއިރުކޮޅާ ކަރަންޓު ކެނޑޭ މައްސަލަ: އަދިވެސް ހައްލެއް ނުލިބޭ، ރައްޔިތުން ބޮޑު ތަކުލީފެއްގައި!
18 ނޮވެމްބަރު 2026 | ބުދަ 17:24ހުޅުމާލެ ފޭސް 2 ގެ "އަމާން އުދަރެސް-2" ޓަވަރުން ބުދަ ދުވަހުގެ ހެނދުނުން ފެށިގެން މެދުކެނޑިނުއެޅި ކަރަންޓު ކެނޑެމުންދާތީ، އެ އިމާރާތުގައި ދިރިއުޅޭ އާންމުންނަށް ބޮޑެތި ދަތިތަކަކާ ކުރިމަތިލާން ވަނީ ޖެހިފައި. މި މައްސަލަ ހައްލުކުރުމަށް ފަހި ދިރިއުޅުން ކޯޕަރޭޝަނުން މަސައްކަތް ކުރަމުންދިޔަ ނަމަވެސް، ޚިދުމަތް މެދުކެނޑެން މެދުވެރިވި ސަބަބާއި އަލުން ކަރަންޓު ނުކެނޑި މިކަން ހައްލުވާނެ ވަގުތެއް ސާފުނުވާތީ އާންމުން ދަނީ ކަންބޮޑުވުން ފާޅުކުރަމުން


އަމާން އުދަރެސް-2 ޓަވަރުން އިރުއިރުކޮޅާ ކަރަންޓު ކެނޑޭތީ އެޕާޓްމަންޓްތަކުގައި ދިރިއުޅޭ ބަޔަކު ބޭރުގައި މަޑުކޮށްލައިގެން | ރާއްޖެއެމްވީ
ހުޅުމާލެ ފޭސް 2 ގައި ތަރައްގީކޮށްފައިވާ "އަމާން އުދަރެސް-2" ޓަވަރުގެ ހުރިހާ އެޕާޓްމަންޓްތަކަކުން ބުދަ ދުވަހުގެ ހެނދުނުން ފެށިގެން އިރުއިރުކޮޅާ ކަރަންޓު ކެނޑި، އެ އިމާރާތުގައި ދިރިއުޅޭ ގިނަ އަދަދެއްގެ ރައްޔިތުން ބޮޑު ތަކުލީފަކާ ކުރިމަތިލާން ޖެހިއްޖެ އެވެ.
ރާއްޖެއެމްވީއަށް އެ ޓަވަރުގައި ދިރިއުޅޭ ރައްޔިތަކު މައުލޫމާތު ދިން ގޮތުގައި ބުދަ ދުވަހުގެ ހެނދުނު ގާތްގަނޑަކަށް 10:00 ހާއިރުން ފެށިގެން އިރުއިރުކޮޅާ ކަރަންޓު ކެނޑޭ ކަމަށާއި، ބްރޭކަރު އެރުވި ނަމަވެސް، ކަރަންޓު ކެނޑެމުންދާ ކަމަށް ބުންޏެވެ. މިގޮތަށް ކަރަންޓު ކެނޑޭތީ އެކަން އެވަގުތު މިކަމާ ގުޅިގެން ފަހި ދިރިއުޅުން ކޯޕަރޭޝަން (އެފްޑީސީ)ގެ ސަމާލު ކަމަށް ގެނެސްފައިވާ ކަމަށާއި، އެ މައްސަލަ ހައްލު ކުރުމަށް މަސައްކަތް ކުރަމުންދާ ކަމަށް އެ ކޯޕްރޭޝަނުން ބުނެފައިވާ ކަމަށް ވެސް އޭނާ ބުންޏެވެ.

އަމާން އުދަރެސް-2 ޓަވަރުން އިރުއިރުކޮޅާ ކަރަންޓު ކެނޑޭ މައްސަލަ ބޮޑު. ބުދަ ދުވަހުގެ ހެނދުނު 10:00ން ފެށިގެން އަދިވެސް ދަނީ ކަރަންޓު ކެނޑުމުން | ރާއްޖެއެމްވީ
ނަމަވެސް ކަރަންޓު ކެނޑެން ދިމާވެގެން އުޅޭ މައްސަލައެއް ސާފުކޮށް ނުދޭ ކަމަށާއި، މިމައްސަލަ ހައްލުވެ، ކަރަންޓު ލިބޭނެ ވަގުތެއް އެފްޑީސީން އަންގާފައިނުވާ ކަމަށް އޭނާ ބުންޏެވެ.
މިއަދު ހެނދުނު ކަރަންޓު ކެނޑެން ފެށީ. އަދިވެސް މިރޭގެ މިހިސާބަށް ކަރަންޓެއް ނުލިބޭ. ގިނަ ބަޔަކު މިތަނުގެ ބޭރުގައި އެބަތިބި އެޕާޓްމަންޓަށް ކަރަންޓު ނުލިބޭތީއާއްމު ރައްޔިތެއް
އިރުއިރުކޮޅާ ކަރަންޓު ކެނޑޭތީ ޒަރޫރީ އެތައް ކަމަކަށް ވަނީ ބުރޫ އަރައިފައިކަން ފާހަގަކޮށް އޭނާ ބުނީ، އެޕާޓްމަންޓްތަކަށް ގަނެފައިވާ ކަރަންޓު ބޭނުންކުރާ ގިނަ އެއްޗިއްސަށް މިކަމުގެ ސަބަބުން ގެއްލުންވާ ކަމަށާއި، ހަލާކުވުމުގެ ބިރު އެބައޮތް ކަމަށެވެ.
އަދި މިއިން ކޮންމެ އެޕާޓްމަންޓެއްގައި ގިނަ ބަޔަކު ދިރިއުޅެމުންދާއިރު، ކަރަންޓުގެ މި މައްސަލައާ ގުޅިގެން އުމުރުން ދުވަސްވީ މީހުންނާއި ނުކުޅެދުންތެރިކަން ހުންނަ ފަރާތްތަކުގެ އިތުރުން، ސްކޫލު ކުދީންނަށް މިކަމުގެ ސަބަބުން ވަނީ އިންތިހާއަށް ދަތިތަކާ ކުރިމަތިލާން ޖެހިފައި ކަމަށް ވެސް އޭނާ ބުންޏެވެ.
މީގެ އިތުރުން އަސާސީ މިފަދަ ޚިދުމަތެއް ދިގުލައިގެންދާ ގޮތަށް މެދުކެނޑި، އަންދާޒާ ކުރެވޭ ވަގުތެއް ވެސް ނޭނގި އުޅެން ޖެހުމަކީ އިންތިހާއަށް ކަންބޮޑުވާ ކަމެއް ކަމަށް އޭނާ ފާހަގަކުރި އެވެ.
އަމާން އުދަރެސް-2 ގެ އެޕާޓްމަންޓްތަކުން ކަރަންޓު ކެނޑުނު ނަމަވެސް ލިފްޓް އޭރިޔާއިން ކަރަންޓެއް ނުކެނޑެ އެވެ.











