އުފަންވެލި ފިހާރަތަކުން ކުރިއަށް އޮތް 3 ދުވަހު ޚާއްސަ ޕްރޮމޯޝަނެއް!
14 އޮކްޓޯބަރު 2026 | ބުދަ 09:05މާލެ އާއި ހުޅުމާލޭގައި ހުންނަ އުފަންވެލި ފިހާރަތަކުން ތާޒާ މޭވާ އާއި ތަރުކާރީގެ އިތުރުން ގްރޯސަރީގެ ގިނަ ބާވަތްތަކެއް ހެޔޮ އަގުގައި ލިބޭނެ އިންތިޒާމު މަޑިހާ ކުންފުނިން ވަނީ ހަމަޖައްސާފައި. މި ފުރުސަތުގެ ދަށުން ކާބޯތަކެތީގެ މުހިންމު ބާވަތްތައް މެދުނުކެނޑި ފޯރުކޮށްދީ، އާންމު ގޭބިސީތަކާއި ވިޔަފާރިތަކަށް ބޭނުންވާ ތަކެތި ރާއްޖޭގެ ބާޒާރުގައި ލިބެން ހުރި އެންމެ އަގުހެޔޮކޮށް ފޯރުކޮށްދިނުމަށް އެ ކުންފުނިން އަމާޒުކުރޭ
މަޑިހާ ކޮމްޕެނީ ޕްރައިވެޓް ލިމިޓެޑުގެ ހުޅުމާލޭގައި އުފަންވެލި ފިހާރަ | އުފަންވެލި ފިހާރަ
މަޑިހާ ކޮމްޕެނީ ޕްރައިވެޓް ލިމިޓެޑުން ހިންގާ އުފަންވެލި ފިހާރަތަކުން އޮކްޓޯބަރު 15 ވާ ބުރާސްފަތި ދުވަހުން ފެށިގެން އޮކްޓޯބަރު 17 ވަނަ ދުވަހުގެ ހޮނިހިރު ދުވަހާ ހަމައަށް ތިން ދުވަހުގެ ޚާއްސަ ޕްރޮމޯޝަނެއް ކުރިއަށް ގެންދިއުމަށް ނިންމައިފި އެވެ.
މި ޕްރޮމޯޝަނުގައި ކަސްޓަމަރުންނަށް ގިނަ ބާވަތްތަކެއްގެ ތާޒާ މޭވާ، ކާބޯތަކެތި އަދި ގްރޯސަރީ ބާވަތްތަކަށް ޚާއްސަ އަގުތަކެއްގައި ލިބިގެންދާނެ އެވެ. މާލެ އަދި ހުޅުމާލޭ ގައި ހުންނަ އުފަންވެލީގެ ފިހާރަތަކުގައި ކުރިއަށްގެންދާ މި ޕްރޮމޯޝަނަކީ ގޭބިސީތަކަށް އަދި ވިޔަފާރިތަކަށް ދުވަހުން ދުވަހަށް ބޭނުންވާ ބާވަތްތައް ރާއްޖޭގައި ލިބެން ހުރި އެންމެ ހެޔޮ އަގުތަކުގައި ގަންނަން ލިބޭނެ ރަނގަޅު ފުރުސަތެކެވެ.
މި ޚާއްސަ ޕްރޮމޯޝަނުގައި ހިމެނޭ ބާވަތްތަކުގެ ތެރޭގައި ފިޔާ، އަލުވި، ކުކުޅު، ކެވެންޑިޝް ދޮންކެޔޮ، ބްރައުން އެގްސް، އަންނާރު، އާފަލު އަދި އޮރެންޖު ހިމެނެ އެވެ. މި ޕްރޮމޯޝަނުގައި ކާނާ ތައްޔާރުކުރުމަށް ބޭނުންވާ މުހިންމު ބާވަތްތަކާއި މަގުބޫލު މޭވާތައް ހިމެނިފައިވުމުން ގޭބިސީތަކަށް ދުވަހުން ދުވަހަށް ބޭނުންވާ ތަކެތި ލިބިގެންދާނެ ކަމަށް މަޑިހާ ކުންފުނިން ބުނެ އެވެ.
އުފަންވެލި ފިހާރަތަކުން ގްރޯސަރީ ބާވަތްތަކާއި، ތާޒާ މޭވާ، ތަރުކާރީ އަދި މަހުގެ ބާވަތްތައް ކަސްޓަމަރުންނަށް އިތުރަށް ފަސޭހަކަމާއެކު އަދި ހެޔޮ އަގުތަކުގައި ލިބޭނެ ގޮތް ހަދައިދިނުމަށް މަސައްކަތް ކުރާ ކަމަށް ވެސް އެ ކުންފުނިންނ ބުނެ އެވެ.
އޭގެ އިތުރުންއެ ކުންފުނީގެ މަގުސަދަކީ ކާބޯތަކެތީގެ މުހިންމު ބާވަތްތަކުގެ ސަޕްލައި އެއް ދެމެހެއްޓުމާއެކު، ރީޓެއިލް އައުޓްލެޓްތަކުގައި ރަނގަޅު، ހެޔޮ އަގުތަކެއް ދެމެހެއްޓުން ކަމަށް ވެސް މަޑިހާ އިން ބުނެ އެވެ.
