އުފަންވެލީގެ ޕްރޮމޯޝަނެއް: ތަރުކާރީ، މޭވާ އަދި ކުކުޅު ފަދަ ތަކެތި ހެޔޮ އަގުގައި!

މަޑިހާ ކޮމްޕެނީ ޕްރައިވެޓް ލިމިޓެޑުން ހިންގަމުން އަންނަ އުފަންވެލި ފިހާރަތަކުން ކާބޯތަކެތީގެ ބާވަތްތަކުން އަގުހެޔޮކޮށް ލިބޭ ހާއްސަ ޕްރޮމޯޝަނެއް ފަށައިފި އެވެ.

މި ޕްރޮމޯޝަން ކުރިއަށްދާނީ  އޮކްޓޫބަރު މަހުގެ 1 ވަނަ ދުވަހުން ފެށިގެން 3 ވަނަ ދުވަހުގެ ނިޔަލަށެވެ. މާލެ އަދި ހުޅުމާލޭގައި ހުންނަ އުފަންވެލި ފިހާރަތަކުގައި ކުރިއަށްދާ މި ޕްރޮމޯޝަނުގެ ދަށުން، އާންމުކޮށް ކެއްކުމަށް ބޭނުންކުރާ ތަރުކާރީ އާއި މޭވާގެ އިތުރުން ގްރޯސަރީގެ ބާވަތްތަކުން ބޮޑެތި ޑިސްކައުންޓްތަކެއް ވަނީ ދީފަ އެވެ. މިގޮތުން ފިޔާ، އަލުވި، ކައްޓަލަ، ރީނދޫ ލުނބޯ، ބޮޑު ބަރަބޯ އަދި ކެވަންޑިޝް ދޮންކެޔޮ މި ޕްރޮމޯޝަނުގެ ދަށުން ހެޔޮ އަގުގައި ލިބެން ހުންނާނެ އެވެ.

މީގެ އިތުރުން ކެއްކުމަށް ބޭނުންކުރާ 2 ލީޓަރުގެ ތެޔޮ ފުޅިއާއި ތަފާތު ސައިޒުތަކުގެ ކުކުޅު ވެސް މި ޕްރޮމޯޝަނުގެ ދަށުން ހާއްސަ އަގުތަކެއްގައި ލިބެން ހުންނާނެ ކަމަށް އުފަންވެލިން މައުލޫމާތުދެ އެވެ. އޭގެ ތެރޭގައި 900 ގްރާމް، 1000 ގްރާމް، 1200 ގްރާމް އަދި 1400 ގްރާމްގެ ކުކުޅު ހިމެނެ އެވެ. މިއީ އާންމު ގޭބިސީތަކަށާއި ކެފޭ ރެސްޓޯރެންޓް ފަދަ ކާބޯތަކެތީގެ ހިދުމަތްދޭ ތަންތަނަށް ބޭނުންވާ މުހިންމު ބާވަތްތައް އަގުހެޔޮކޮށް ހޯދުމަށް ލިބޭ ރަނގަޅު ފުރުސަތެކެވެ.

މަޑިހާ ކޮމްޕެނީން ބުނި ގޮތުގައި މި ޕްރޮމޯޝަން ކުރިއަށްގެންދިއުމުގެ މައިގަނޑު މަގުސަދަކީ ކަސްޓަމަރުންނަށް ބޭނުންވާ ތާޒާ މޭވާ އާއި ތަރުކާރީ އަދި ކާބޯތަކެތީގެ ބާވަތްތައް ހެޔޮ އަގުގައި ފަސޭހަކަމާއެކު ފޯރުކޮށްދިނުމެވެ. އުފަންވެލި ފިހާރަތަކަކީ އަބަދުވެސް ކަސްޓަމަރުންނަށް ބޭނުންވާ ތާޒާ އުފެއްދުންތައް ވާދަވެރި އަގުތަކެއްގައި ފޯރުކޮށްދިނުމަށް އިސްކަންދޭ ތަނެކެވެ.

މި ޕްރޮމޯޝަން ކުރިއަށްދާ ތިން ދުވަހުގެ ތެރޭގައި ސްޓޮކް ހުސްވަންދެން މާލެ އާއި ހުޅުމާލޭގެ އުފަންވެލި ފިހާރަތަކުން މި ހާއްސަ އަގުތަކުގައި މުދާ ލިބެން ހުންނާނެތީ، ވީހާވެސް އަވަހަށް ފިހާރަތަކަށް ޒިޔާރަތްކޮށް މި ފުރުސަތުގެ ބޭނުން ހިފުމަށް އެ ކުންފުނިން އިލްތިމާސްކުރެ އެވެ. މަޑިހާ ކޮމްޕެނީން އަންނަނީ އުފަންވެލި ފިހާރަތައް މެދުވެރިކޮށް ރާއްޖޭގެ ބާޒާރަށް ބޭނުންވާ ތަފާތު ބާވަތްތަކުގެ މޭވާ އާއި ތަރުކާރީ އަދި މަސްމަހާމެހީގެ ބާވަތްތައް ފުޅާ ދާއިރާއެއްގައި ފޯރުކޮށްދެމުންނެވެ.