ޓީޗަރުން ތައުލީމީ ދާއިރާ ދޫކޮށް ދަނީ ސްކޫލްތަކުގެ އިދާރީ މަސައްކަތްތަކާއި އެހެނިހެން މަސައްކަތްތަކުގައި މަސްއޫލުވެގެން އުޅެން ޖެހުމުން: އަނޫޝާ
13 އޮކްޓޯބަރު 2026 | އަންގާރަ 09:13ޓީޗަރުންނަށް ކުރިމަތިވާ އިދާރީ މަސައްކަތްތަކާއި މުސާރައިގެ މައްސަލަތަކާ ހުރެ ދާއިރާ ދޫކޮށް ދިއުމުގެ ސަބަބުން، ދަރިވަރުންގެ ކިޔެވުމަށް ބޮޑެތި ގެއްލުންތަކެއްވަމުންދާ ކަމަށް އެމްޑީޕީގެ އެޑިއުކޭޝަން ކޮމިޓީން ބުނެފި. ދަރިވަރުންނަށް ނަފްސާނީ ގޮތުން ކުރިމަތިވާ ޕްރެޝަރުތައް ކުޑަކުރުމަށް މިނިސްޓްރީން މިކަންކަން ބަލައި ހައްލުކޮށްދިނުމަށް އެ ކޮމިޓީން ވަނީ ގޮވާލާފައި
އެމްޑީޕީގެ އެޑިއުކޭޝަން ކޮމިޓީގެ މެންބަރު އަނޫޝާ އަބްދުލްލަތީފް | ރާއްޖެ އެމްވީ
ޓީޗަރުންނަށް އިދާރީ މަސައްކަތްތަކާއި އެހެނިހެން މަސައްކަތްތަކުގައި މަސްއޫލުވެގެން އުޅެން ޖެހުމުގެ ސަބަބުން ތައުލީމީ ދާއިރާ ދޫކޮށް ޓީޗަރުންދާ ކަމަށް އެމްޑީޕީގެ އެޑިއުކޭޝަން ކޮމިޓީގެ މެންބަރު އަނޫޝާ އަބްދުލްލަތީފް ވިދާޅުވެއްޖެ އެވެ.
އެމްޑީޕީގެ އެޑިއުކޭޝަން ކޮމިޓީން ބޭއްވި ނޫސްވެރިންގެ ބައްދަލުވުމުގައި ވާހަކަދައްކަވަމުން އަނޫޝާ ވިދާޅުވީ، ޓީޗަރުން ތައުލީމީ ދާއިރާ ދޫކޮށް ދިޔުމުން ގްރޭޑް 10 ގައި ކިޔަވާ ދަރިވަރުންނަށް ޓީޗަރެއް ނުލިބިގެން ސިލަބަސް ނުނިމި އޯލެވަލް ކައިރިވެފައި ހުންނަ ހާލަތްތަކުގައި ކުދިންނަށް ވަރަށް ބޮޑު ގެއްލުމެއް ލިބޭ ކަމަށެވެ.
ބައެއް ސްކޫލްތަކުން ޓީޗަރެއް ނުލިބިގެން މަސްދުވަސް ވަންދެން މަޑުކުރަން ޖެހޭ ކަން ފާހަގަކުރައްވާ އަނޫޝާ ވިދާޅުވީ، ސްކޫލްތަކަށް ޓީޗަރުން ލިބެނީ އެޑިއުކޭޝަން މިނިސްޓްރީގައި އިންނަ ޕްރޮޓޮކޯލްއެއްގެ ދަށުން ޓީޗަރު ނަން މިނިސްޓްރީން ފޮނުވުމުން ކަމަށެވެ.
އެހެންވީމަ މިކަހަލަ ލޯންގް ޕްރޮސީޖާއެއް އޮންނަ ކަމެއްގެ ތެރޭގައި އޮއްވާ، ޓީޗަރުންނަށް މިހާ ބޮޑު ޕްރެޝަރތަކެއް ދިނީމަ މިވާ ގޮތަކީ ޓީޗަރުން މި ކަންކަމުން ކިޔަވައިދިނުމުގެ ފީލްޑް އިން ފޫހިވެގެން ދާތަން އަޅުގަނޑުމެންނަށް މިފެންނަނީ ދެން ގިނަ ފަހަރު ބައެއް ޓީޗާސްއިންނާ ވާހަކަދައްކާލީމަ އަޅުގަނޑުމެންނަށް މައުލޫމާތު ލިބިފައި މިވަނީ އެޑްމިނިސްޓްރޭޓިވް ވޯކް އެބޭފުޅުންނަށް ކުރަން ޖެހުމާއި އަދި އޭގެ އިތުރުން ވެސް ގިނަ ވަގުތު ސްކޫލް ތެރޭ އެހެން ކަންކަމުގައި މަސްއޫލުވެ ކަންކަން ކުރަން އެބޭފުޅުންނަށް ޖެހިވަޑައިގަންނަވާތީވެ، އެބޭފުޅުންނަށް މި ކިޔަވާ ދިނުމަށް ހޭދަކުރަން ޖެހޭ ވަގުތު ނުވަތަ އެދޭން ޖެހޭ ވަގުތުތައް ނުދެވުމުގެ ސަބަބުން މި ފީލްޑް އިން ފޫހިވެ ދާން މިޖެހޭ ސަބަބަކީއަނޫޝާ އަބްދުލްލަތީފް
އިތުރަށް އަނޫޝާ ވިދާޅުވީ ޓީޗަރުންގެ މުސާރައަށް ގެނައި ބަދަލުތަކުގެ ސަބަބުން ވެސް ހިތްހަމަނުޖެހިގެން ޓީޗަރުން ދާއިރާ ދޫކޮށްފައިދާ މަންޒަރު ފެންނަ ކަމަށެވެ.
މީގެ އިތުރުން، އަނޫޝާ ވަނީ ސްކޫލް ވަގުތު ނިންމާފައި އެކިއެކި ޓިއުޝަނަށް ދިޔުން ފަދަ އެކިއެކި ހަރަކާތްތަކުގައި ދަރިވަރުން އުޅެން ޖެހުމުގެ ސަބަބުން ވަރަށް ބޮޑަށް ޕްރެޝަރު އަންނަ ކަމަށާއި، މި ކަންކަން ހަމަޖެއްސުމުގައި ދަރިވަރުންނަށް ނަފްސާނީ ވަރަށް ގިނަ ކަންކަމާއި ކުރމަތިލާން ޖެހޭ ކަމަށް ވިދާޅުވެފަ އެވެ.
އެހެންކަމުން، މިފަދަ ކަންކަން އެޑިއުކޭޝަން މިނިސްޓްރީން ބަލަން ޖެހޭ ކަމަށް އަނޫޝާ ވިދާޅުވި އެވެ. އަދި ކިޔަވާ ކުދިން ހެލްޕް ލައިންގެ ބޭނުން ހިފުމަށް ވެސް އަނޫޝާ ވަނީ އެދިވަޑައިގެންފައި އެވެ.
