ނޯޓްގެ މުވައްޒަފުން ތަމްރީނުކުރުމަށް ކޮރެއާގެ ސްކިންކެއަރ ތަޖުރިބާކާރުން ރާއްޖެ ގެނެސްފި
27 ސެޕްޓެމްބަރު 2026 | އާދީއްތަ 10:07ސްކިންކެއާގެ ބައިނަލްއަގުވާމީ ތަޖުރިބާކާރުން މެދުވެރިކޮށް ނޯޓްގެ މުވައްޒަފުން ތަމްރީނުކުރުމުގެ މައިގަނޑު މަގުސަދަކީ ކަސްޓަމަރުންގެ ހަމުގެ ބާވަތަށް އެންމެ އެކަށޭނަ އުފެއްދުންތައް ދެނެގަނެ، ފުރިހަމަ އިރުޝާދު ދިނުން. މި ތަމްރީނުތަކުގެ ސަބަބުން ކަސްޓަމަރުންނަށް ބޭނުންވާ ޚާއްސަ ސްކިންކެއާ ރޫޓީންތައް އެކުލަވާލުމުގައި މުވައްޒަފުންގެ ފަންނީ އެހީތެރިކަން ލިބި، ހަމަށް އެންމެ ރަނގަޅު ނަތީޖާ ލިބޭނެ ގޮތްތައް މަގުފަހިވާނެ
ނޯޓްގެ މުވައްޒަފުން ތަމްރީނުކުރުމަށް ކޮރެއާގެ ސްކިންކެއަރ ތަޖުރިބާކާރުންނާއެކު ކުރިއަށް ގެންދިޔަ ސެޝަނެއްގެ ތެރެއިން | ރާއްޖެއެމްވީ
ރާއްޖޭގެ މަގުބޫލު ބްރޭންޑެއް ކަމަށްވާ 'ނޯޓް' އިން އެ ފިހާރައިގެ ކަސްޓަމަރުންނަށް ޚާއްސަކޮށްގެން އަގުހުރި ޚިދުމަތްތަކެއް ފޯރުކޮށްދިނުމުގެ ގޮތުން، މުވައްޒަފުން ތަމްރީނުކުރުމަށް ކޮރެއާގެ ބައިނަލްއަގުވާމީ ސްކިންކެއަރ ތަޖުރިބާކާރުން ރާއްޖެ ގެނެސްފި އެވެ.
މިއީ ސްކިންކެއަރ އަށް ލޯބިކުރާ ފަރާތްތަކުގެ ހަންގަނޑު މާއޮމާންކޮށް އަދި ރީތިކޮށް ބެލެހެއްޓުމަށް މަގުފަހިކޮށްދިނުމުގެ ގޮތުން ފެށި ޚާއްސަ ހަރަކާތެކެވެ.
މި ތަމްރީނުތަކުގެ ތެރެއިން، ތަފާތު އެކި ވައްތަރުގެ ހަންގަނޑަށް އެންމެ އެކަށޭނަ ޕްރޮޑަކްޓްތަކަކީ ކޮބައިކަމާއި، ބޭނުންކުރަންވީ ތަކެއްޗާއި، އަދި އެ ތަކެތި ފަހަރަކު އެއްޗެއް ލޭޔަރ ކުރާނެ ރަނގަޅު ގޮތްތައް ބައިނަލްއަގުވާމީ ތަޖުރިބާކާރުން ނޯޓްގެ މުވައްޒަފުންނަށް ދަސްކޮށްދޭނެ އެވެ.
މި ތަމްރީނުތަކާއެކު، ނޯޓް ފިހާރައަށް ޒިޔާރަތްކުރާ ކަސްޓަމަރުންނަށް އެމީހުންގެ ހަމުގެ ބާވަތާ އެންމެ ގުޅޭ ޚާއްސަ ސްކިންކެއަރ ރޫޓީނެއް އެކުލަވާލުމަށް މުވައްޒަފުންގެ އެހީތެރިކަން ލިބިގެންދާނެ އެވެ. އަދި ހަމައެކަނި އެވަގުތަކު މާކެޓުގައި އެންމެ ހިނގާ އެއްޗެއް ދިނުމުގެ ބަދަލުގައި، މުވައްޒަފުން އިރުޝާދު ދޭނީ ކަސްޓަމަރުންގެ ހަމަށް އެންމެ ރަނގަޅު ނަތީޖާއެއް ލިބޭނެ ޕްރޮޑަކްޓްތައް ހިޔާރުކުރުމަށެވެ.
ނޯޓް އިން ފާހަގަކުރާ ގޮތުގައި، ކޮރެއާގެ ތަޖުރިބާކާރުންގެ ފަރާތުން މުވައްޒަފުން ހޯދާ މި ތަމްރީނުގެ ސަބަބުން، ކަސްޓަމަރުން ފިހާރައަށް ވަދެ ހަމައެކަނި ފެންނަ އެއްޗެއް ގަތުމުގެ ބަދަލުގައި ފުރިހަމަ ލަފަޔާއި އިރުޝާދު ލިބިގެންދާނެ އެވެ.
