ދިވެހިރާއްޖޭގައި މަގުބޫލު ކޮސްމެޓިކްސް ބްރޭންޑެއް ކަމުގައިވާ "ނޯޓް ކޮސްމެޓިކްސް" ގެ ޓްރެއިނިން ޕްރޮގްރާމެއް ބާއްވައިފި އެވެ.

ނިއުއެޑިޝަންގެ ފަރާތުން ޔޫތު މިނިސްޓްރީއާ ގުޅިގެން ކުރިޔަށް ގެންދިޔަ މި ޓްރެއިނިންގައި ޖުމްލަ 30 ފަރާތަކުން ވަނީ ބައިވެރިވެފައެވެ. މި ޓްރެއިނިންގް ގައި ސްކިންކެއަރ އަދި ބިއުޓީކެއަރ އާ ގުޅޭ މުހިންމު މައުލޫމާތުތަކެއް ބައިވެރިންނާ ހިއްސާކޮށްފައެވެ. ވަކިން ހާއްސަކޮށް ނޯޓްގެ އުފެއްދުންތަކާ ގުޅޭ ގިނަ މައުލޫމާތުތަކެއް ހިއްސާކޮށްފައިވެ އެވެ.

މި ޓްރެއިނިންގ ފުރިހަމަކުރި ފަރާތްތަކަށް ލިޔުން ހަވާލުކޮށްދީފައިވަނީ ޔޫތު މިނިސްޓްރީގެ ނައިބު ޙުސެއިން ޖަވާޒް (ޖަވާ) އަދި ނޯޓްގެ ޓްރެއިނިންގ މެނޭޖަރ ސާފިޔޭ އައިޓެކް އެވެ.

މި ޓްރެއިނިން ޕްރޮގްރާމް މިހާފުރިހަމަކޮށް ކުރިޔަށް ގެންގޮސްފައިވާތީ ޖަވާ ވަނީ ނިއުއެޑިޝަން އަށް ޝުކުރު އަދާކުރަށްވާފައެެވެ. އަދި މި ފަދަ ޓްރެއިނިންތަކުގެ މަގްސަދަކީ ޒުވާނުންނަށް މަސައްކަތް ދަސްކޮށްދިނުންކަމުގައި ޖަވާ ފާހަގަކުރަށްވާފައިވެއެވެ.

ނޯޓުގެ އުފެއްދުންތައް ބޭނުންކުރާ ކަސްޓަމަރުންނަށް ފެންވަރު ރަނގަޅު ހިދުމަތެއް ދިނުމަށްޓަކާ މިފަދަަ ޓްރެއިނިންތައް ބޭއްވުމަކީ ނޯޓުގެ ފަރާތުން ވަރަށް ބޮޑު އިސްކަމެއް ދޭކަމެއްކަމުގައި، ނޯޓުގެ ޓްރެއިނިންގ މެނޭޖަރު ވިދާޅުވެފައިވެ އެވެ. އަދި މޭކަޕްކުރުމަށް ލޯބިކުރާ ފަރާތްތަކަށް އެންމެ ފުރިހަމަ އުފެއްދުންތައް ފޯރުކޮސްދިނުމަށް ނޯޓުން އަބަދުވެސް މަސައްކަތްކުރާނެ ކަމަށް އޭނާ ފާހަގަކުރެއްވި އެވެ.

ނޯޓުގެ މި ޓްރެއިނިން ޕްރޮގްރާގައި ވަޒީފާގެ މާހައުލުގައިވެސް ބޭނުންކުރެވޭނެ މުހިންމު މައުލޫމާތުތަކެއް ލިބިފައިވާކަމަށް ޓްރެއިނިންގ ގެ ބައެއް ބައިވެރިން ފާހަގަކޮށްފައިވެ އެވެ. އަދި މޫނުގެ ހަންގަނޑުގެ ދުޅަހެޔޮކަމާ ގުޅޭ ކަންކަން ދަސްވެފައިވާކަމަށް ބައިވެރިން ފާހަގަކޮށްފައިވެއެވެ.

ނޯޓަކީ ދުނިޔޭގެ މާކެޓުގައި ވެސް އެންމެ ކުރީގައި އުޅޭ 10 މޭކަޕް ބްރޭންޑުގެ ތެރެއިން އެއް ބްރޭންޑެވެ. އަދި ދިވެހީންގެ މެދުގައިވެސް މިހާރު އެންމެ މަގުބޫލު އެއް މޭކްއަޕް ބްރޭންޑަކީ ނޯޓެވެ. ނޯޓުގެ އޮރިޖިނަލް އުފެއްދުންތައް މާލެ އަދި ހުޅުމާޅެގައި ހުންނަ ނޯޓުގެ ފިހާރަތަކުން ލިބޭނެއެވެ.