ޗައިނާ އޯޕަންގެ ކުއާޓަރ ފައިނަލުން ނަޑާލް ޖާގަ ހޯދައިފި
ކުއާޓަރ ފައިނަލްގައި ނަޑާލް ނިކުންނާނީ އެމެރިކާގެ ޖޯން އިސްނާ އާއި ދެކޮޅަށް
ދުނިޔޭގެ އެއްވަނަ ޓެނިސް ކުޅުންތެރިޔާ ސްޕެއިންގެ ރަފައެލް ނަޑާލް
ޗައިނާ އޯޕަން ޓެނިސް މުބާރާތުގެ ކުއާޓަރ ފައިނަލުން ދުނިޔޭގެ އެއްވަނަ ޓެނިސް ކުޅުންތެރިޔާ ރަފައެލް ނަޑާލް ޖާގަ ހޯދައިފި އެވެ.
ބެއިޖިންގައި ކުރިއަށްދާ ޗައިނާ އޯޕަންގެ ކުއާޓަރ ފައިނަލުން ސްޕެއިންގެ ނަޑާލް ޖާގަ ހޯދީ، ރަޝިއާގެ ކަރެން ޚަޗަނޯފްގެ މައްޗަށް 6-3، 6-3 ން ކުރި ހޯދައިގެންނެވެ.
ދުނިޔޭގެ 42 ވަނަ އަށް ރޭންކް ކޮށްފައިވާ ޚަޗަނޯފްގެ މައްޗަށް ނަޑާލް ކުރި ހޯދީ، ހަތަރުވަނަ ގޭމުގައެވެ. އޭގެ ފަހުން މުޅި މެޗު ކޮންޓްރޯލް ކޮށްފައިވަނީ ނަޑާލް އެވެ.
މުބާރާތުގެ ކުއާޓަރ ފައިނަލްގައި ނަޑާލް ބައްދަލުކުރަން ޖެހޭނީ އެމެރިކާގެ ޖޯން އިސްނާ އާއެވެ. ކުއާޓަރގެ ޖާގަ އިސްނާ ހޯދީ އާޖެންޓީނާގެ ލިއޮނާޑޯ މޭޔަރގެ މައްޗަށް 6-0 އަދި 6-3 ން ކުރި ހޯދައިގެންނެވެ.
ސްޕެއިންގެ ރަފާ ނަޑާލް ވަނީ މިއަހަރުގެ މިހާތަނަށް ގްރޭންޑް ސްލޭމްގެ ދެ މުބާރާތް ކާމިޔާބު ކޮށްފައެވެ. އޭނާ އަކީ މިއަހަރުގެ ފްރެންޗް އޯޕަން އަދި ޔޫއެސް އޯޕަންގެ ޗެމްޕިއަން އެވެ.
