ރައީސް ސޯލިހުގެ ސަރުކާރުން ދ. ކުޑަހުވަދޫގައި ގާއިމުކުރި ޖުވެނައިލް ރެޒިޑެންޝަލް ސެންޓަރުގެ އިމާރާތް ބޭނުންނުކޮށް ވީރާނާ ވާން ދޫކޮށްލާފައި!
18 އޯގަސްޓު 2026 | އަންގާރަ 13:27ދ. ކުޑަހުވަދޫގައި 21 މިލިއަން ރުފިޔާ ހަރަދުކޮށްގެން ބިނާކުރި ޖުވެނައިލް ރެޒިޑެންޝަލް ސެންޓަރު ބޭނުންނުކޮށް ދޫކޮށްލުމުގެ ސަބަބުން އިމާރާތް ވީރާނާވަމުންދާތީ އެ ރަށު ކައުންސިލުން ކަންބޮޑުވުން ފާޅުކޮށްފި. މި ބޮޑު އިސްރާފު ހުއްޓުވުމަށްޓަކައި، އެ ރަށުގައި މިހާރު ހިންގާ ކުޑަކުދިންގެ ހިޔާ އެ އިމާރާތަށް ބަދަލުކުރުމަށް ނުވަތަ ސަރުކާރުގެ އިދާރާއެއް ހިންގުމަށް ކައުންސިލުން ވަނީ ގޮވާލާފައި
ރައީސް އިބްރާހީމް މުހައްމަދު ސޯލިހުގެ ސަރުކާރުން ދ. ކުޑަހުވަދޫގައި ގާއިމުކުރި ޖުވެނައިލް ރެޒިޑެންޝަލް ސެންޓަރު ބޭނުން ނުކޮށް ވީރާނާ ވާން ދޫކޮށްލާފައި! | ރާއްޖެ އެމްވީ
ރައީސް އިބްރާހީމް މުހައްމަދު ސޯލިހުގެ ސަރުކާރުން ދ. ކުޑަހުވަދޫގައި ގާއިމުކުރި ޖުވެނައިލް ރެޒިޑެންޝަލް ސެންޓަރުގެ އިމާރާތް ބޭނުން ނުކޮށް ވީރާނާ ވާން ދޫކޮށްލާފައިވާ ކަމަށް ކުޑަހުވަދޫ ކައުންސިލްގެ ރައީސް މުހައްމަދު ސަލީމް ވިދާޅުވެއްޖެ އެވެ.
މިކަމުގެ ކަންބޮޑުވުން ފާޅުކުރައްވާ ދ. ކުޑަހުވަދޫ ކައުންސިލްގެ ރައީސް މުހައްމަދު ސަލީމް ރާއްޖެޓީވީއަށް ދެއްވި އިންޓަވިއުއެއްގައި ވިދާޅުވީ ޖުވެނައިލް ރެޒިޑެންޝަލް ސެންޓަރުގެ އިމާރާތަކީ ކުރީގެ ރައީސް އިބްރާހީމް މުހައްމަދު ސޯލިހުގެ ސަރުކާރުގައި ހަދާ ނިންމާފައިވާ އިމާރަތެއް ކަމަށެވެ. އަދި މި އިމާރާތަކީ 21 މިލިއަން ރުފިޔާ ހަރަދުކޮށްގެން ހަދާފައިވާ އިމާރާތެއް ކަމަށެވެ.
މި އިމާރާތުގައި މި ބަހައްޓަނީ ކުށުގެ ވެށިން ނަގާ ކުދިން، އެކުދިން ތަރުބިއްޔަތު ކުރަން ހަދާފައި ހުންނަ އިމާރާތެއް މި އިމާރަތަކީ، ދެން މިތަން ހަދާ ނިންމައިފި، އިބްރާހީމް މުހައްމަދު ސޯލިހުގެ ސަރުކާރު ނިމުން ތަނުން ހަމަމުހައްމަދު ސަލީމް
ނަމަވެސް ރައީސް ޑރ. މުހައްމަދު މުއިއްޒުގެ ސަރުކާރުން މިހާތަނަށް އެ އިމާރަތް ބޭނުން ނުކުރާ ކަމަށާއި، ބޮޑު ހަރަދެއް ކޮށްފައި އެހާ ފުރިހަމައަށް ހަދާފައި ހުރި އިމާރާތެއް ވީރާނާވުމަށް ދޫކޮށްލުމަކީ ބޮޑު އިސްރާފެއް ކަމަށް ވިދާޅުވެ، މުހައްމަދު ސަލީމް ވަނީ ކަންބޮޑުވުން ފާޅުކުރައްވާފަ އެވެ.
އެގޮތުން ޖުވެނައިލް ރެޒިޑެންޝަލް ސެންޓަރަށް އެޅި މި އިމާރަތަށް ފެން ވެހި، ސީލިން ވެއްޓި، އިމާރަތް ހުރީ ކުރިން ކުރި ހަރަދު ކުރަން ޖެހޭ ފަދަ ހާލަތެއްގައި ކަމަށް މުހައްމަދު ސަލީމް ވިދާޅުވި އެވެ. އަދި މި އިމާރަތް ބެލެހެއްޓުމަށް ހޯމް މިނިސްޓްރީން ހަވާލުކޮށްފައި ވަނީ ކުޑަހުވަދޫގެ ޕޮލިސް ސްޓޭޝަނަށް ކަމަށް ވިދާޅުވި އެވެ.
މުހައްމަދު ސަލީމް ވިދާޅުވީ މިހާރު ވެސް ކުޑަހުވަދޫގައި އެހެން އިމާރާތެއްގައި ކުޑަކުދިންގެ ހިޔާ ހިންގަމުންދާ ކަމަށާއި ނަމަވެސް އެއީ ކުދިން އެތަނުގައި ގެންގުޅެވޭ ވަރަށް ވުރެ ކުޑަ އިމާރާތެއް ކަމަށެވެ. އެހެންކަމުން، އެކުދިން ޖުވެނައިލް ރެޒިޑެންޝަލް ސެންޓަރަށް އެޅި މި އިމާރާތައް ބަދަލުކުރުމަށް ނުވަތަ ކުޑަހުވަދޫގައި ހުރި ސަރުކާރުގެ އިދާރާއެއް ނަމަވެސް މި އިމާރާތަށް ބަދަލުކުރުމަށް އޭނާ ވަނީ ގޮވާލައްވާފަ އެވެ.
