500 މީޓަރުގެ ޓަނަލެއް ކޮނެގެން ބޭންކެއް ފަޅާލަން ރޭވި ބަޔަކު ހައްޔަރުކޮށްފި

ފަސް ސަތޭކަ މީޓަރުގެ ޓަނަލެއް ކޮނެގެން ބޭންކެއް ފަޅާލަން ރޭވި ބަޔަކު ބްރެލެޒިލްގެ ފުލުހުން ހައްޔަރުކޮށްފި އެވެ.

ބްރެޒިލްގެ "ސައު ޕައުލޯ" ބޭންކްގެ ޕަބްލިކް ސޭފްޓީ ޑިޕާޓްމަންޓުން އަންގާރަ ދުވަހު ނެރުނު ބަޔާނެއްގައި ބުނެފައިވަނީ ފުލުހުން އެ ގޭންގަށް ނިސްބަތްވާ މީހުންގެ ހަރަކާތްތަކަށް ފާރަލާތާ ތިން މަސް ދުވަސް ވެއްޖެ ކަމަށާއި ގޭންގުން ހަދާފައިވާ ޓަނަލް ފުލުހުންނަށް ފެނިފައިވަނީ ހޯމަ ދުވަހުގައި ކަމަށެވެ.

މި ގޭންގްގައި ސޯޅަ މީހުން ހިމެނޭ ކަމަށާއި ޓަނަލް ހެދުމަށްޓަކައި 1.27 މިލިއަން ޑޮލަރު ހަރަދުކޮށްފައިވެ އެވެ.

މިތުހްމަތުގައި ހައްޔަރުކުރި މީހަކު ފުލުހުންނަށް މައުލޫމާތު ދިން ގޮތުގައި އެމީހުންގެ ވިސްނުން ހުރީ މަދުވެގެން 317 މިލިއަން ޑޮލަރު ބޭންކުން ވަގަށް ނެގުމަށެވެ.

މީގެ 12 އަހަރު ކުރިން ބްލެޒިލްގެ ބޭންކެއް ފަޅާލައި 70 މިލިއަންއަށް ވުރެ ގިނަ ބްލެޒިލިއަން ރިއަލް ނަގާފައިވެ އެވެ.