އިހަވަންދޫގެ ދެ ގެއަކުން ސިހުރުހަދަން ބޭނުން ކުރާ ގިނައަދަދެއްގެ ތަކެތި ހޯދައިފި!
މިތަކެތި ހޯދީ އިހަވަންދޫގައި ގާއިމްވެ ތިބޭ ފުލުހުން
ފުލުހުން ކުރިން އަތުލައިގެންފައިވާ ސިހުރު ހަދަން ބޭނުންކުރާ ބައެއް ތަކެތި
ސިހުރުހަދަންބޭނުން ކުރާ ޒާތުގެ ގިނަ ތަކެތި، ހއ. އިހަވަންދޫގެ ދެ ގެއެއް ބަލާފާސްކޮށް، ފުލުހުން އަތުލައިފިއެވެ.
މިތަކެތި ހޯދީ، ފުލުހުންގެ އިންޓެލިޖެންސަށް ލިބުނު މައުލޫމާތަކާ ގުޅިގެން އިހަވަންދޫގައި ގާއިމްވެ ތިބޭ ފުލުހުން މިދިޔަ އާދީއްތަ އަދި ހޯމަ ދުވަހު ހިންގި އޮޕަރޭޝަނެއްގައި، ކޯޓު އަމުރެއްގެ ދަށުން އެ ދެ ގެއަށް ވަދެ ބަލާފާސް ކޮށްގެން ކަމަށް ފުލުހުން ބުންޏެވެ. މީގެ އިތުރުން ފުލުހުން ބުނެފައިވަނީ، އެ ދެ ގެ ބަލަފާސްކުރިއިރު، އޭގެ ތެރެއިން އެއް ގެއަކުން ސިހުރުހާހޫރަ ހަދަން ބޭނުންކުރާ ޒާތުގެ ތަކެތި ލިޔެފައި ހުރި 32 ފޮތާއި ސިހުރުހާހޫރަ ކަމަށް ބެލެވޭ އެއްޗެއް ލިޔެފައިވާ ކަރުދާސް ތަކެއް ވެސް ފެނުނު ކަމަށެވެ. އެތަކެތި ފުލުހުން ގެންގޮސްފައިވީ ނަމަވެސް އެއްވެސް މީހަކު މިމައްސަލާގައި ހައްޔަރު ކޮށްފައެއް ނުވެއެވެ.
މިކަމާއި ގުޅޭ ތަހުޤީޤެއް ފުލުހުން މިހާރުވަނީ ފަށާފައެވެ.
