ފަލަސްތީނުގެ ބޮޑު ވަޒީރު ތާރީޚީ ދަތުރުފުޅެއްގައި ގާޒާ އަށް ވަޑައިގެންފި
ހަމްދުﷲ ގާޒާ އަށް ވަޑައިގެންނެވީ ފަތަަހަ ޖަމާއަތާއި ހަމާސްއާ ދެމެދު އެއްބައިވަންތަކަމުގެ ސަރުކާރެއް ގާއިމު ކުރެއްވުމަށް
ފަލަސްތީނުގެ ބޮޑު ވަޒީރު (ކ) ހަމްދުﷲ ހަމާސްގެ ލީޑަރު އިސްމާއިލް ހަނިއްޔާއާ ސަލާމް ކުރައްވަނީ
ފަލަސްތީނުގެ ބޮޑު ވަޒީރު ރާމީ ހަމްދުﷲ ތާރީޚީ ދަތުރުފުޅެއްގައި ގާޒާ އަށް ހޯމަ ދުވަހު ވަޑައިގެންފިއެވެ.
ބޮޑު ވަޒީރު ރާމީ ހަމްދުﷲ ގާޒާ އަށް ވަޑައިގެންނެވީ ހުޅަނގު އައްސޭރީގައި ވެރިކަން ކުރަމުން އަންނަ ފަތަަހަ ޖަމާއަތާ އަދި ގާޒާގައި ވެރިކަން ކުރަމުން އަންނަ ހަމާސްއާ ދެމެދު އެއްބައިވަންތަކަމުގެ ސަރުކާރެއް ގާއިމު ކުރެއްވުމަށް ކުރައްވާ މަސައްކަތްޕުޅުގެ ދަށުންނެވެ.
ގާޒާ އަށް ވަަޑައިގެން ހަމްދުﷲ ވިދާޅުވީ "މިއީ ތާރީޚި ވަގުތުކޮޅެއް ކަމަށާާއި" ސަބަބަކީ މިއީ ފަލަސްތީނުގެ ރައްޔިތުންގެ އެއްބައިވަންތަކަމަށްޓަކައި ކުރެވޭ މަސައްކަތެއް ކަަމަށެވެ. ހަމްދުﷲ އިތުރަށް ވިދާޅުވީ އެމަނިކުފާނު ގާޒާ އަށް ވަޑައިގެންނެވީ ރައީސް މަހްމޫދު އައްބާސްގެ އޯޑަރަށް ކަމަށާއި، އެމަނިކުފާނު ބޭންފުޅުވަނީ މުޅި ދުނިޔެއަށް ފަލަސްތީނުގެ ދައުލަތް ގާޒާ އާއި ހުޅަނގު އައްސޭރިއާ އެއްބައިނުވެ ވުޖޫދުގައި ނޯވެވޭނެ ކަން ހާމަކުރެއްވުމަށް ކަމަށެވެ.
ހަމްދުﷲ ގާޒާ އަށް މި ވަޑައިގެންނެވީ ދެއަހަރުގެ ތެރޭ ފުރަތަމަ ފަހަރަށެވެ.
ގާޒާ ގައި 2007 ވަނަ އަހަރުން ފެށިގެން ވެރިކަން ކުރަމުން ދަނީ ހަމާސް އިންނެވެ. އެކަން އެހެން ދިމާވާން މެދުވެރިވީ ހަމާސް އިން ރައީސް މަހްމޫދް އައްބާސްގެ ފަތަހަ ޕާޓީ ގާނޫނު ހަދާ މަޖިލީހުގެ އިންތިޚާބުގައި ބަލިކުރުމާ ގުޅިގެންނެވެ.
