ފަލަސްތީނުގެ އަސީރުން ތިބޭ ޖަލު ވަށައިގެން ކިނބޫ ގެންގުޅެން އިސްރާއީލްގެ ސެކިއުރިޓީ މިނިސްޓަރު ނިންމި ނިންމުން، ކޯޓުން ހުއްޓުވައިފި
3 އޯގަސްޓު 2026 | ހޯމަ 05:40މި މައްސަލަ ބެއްލެވި ކޯޓުގެ ފަނޑިޔާރު ވިދާޅުވީ، ޖަލުގެ ސަލާމަތީ ކަންކަން ވަރުގަދަ ކުރުމުގެ ނަމުގައި ކިނބޫ ފަދަ ނުރައްކާތެރި ޖަނަވާރުތަކެއް އެ ސަރަހައްދަށް ދޫކޮށްލުމަކީ، އެ ޖަނަވާރަށް ގެއްލުން ލިބިދާނެ ކަމެއް ކަމަށް ބުނެ ހުށަހަޅާފައިވާ ޝަކުވާ ބަލަން ޖެހޭ ކަމަށް. އެހެންކަމުން މި ނިންމުން ނުވަތަ މަޝްރޫއު ކުރިއަށް ގެންދިޔުމުގެ ކުރިން، އޭގެ ސަބަބުން ޖަނަވާރުންނަށް ލިބިދާނެ ގެއްލުންތަކާ މެދު ފުންކޮށް ދިރާސާ ކުރަން ޖެހޭ ކަމަށް ވެސް ކޯޓުން ނިންނި ނިންމުމުގައި ބުނެފައިވޭ
އިސްރާއީލްގެ ސެކިއުރިޓީ މިނިސްޓަރު އިޓަމާ ބެން ގްވީރު ނިންމާފައި ވަނީ ޖަލުގެ ވަށައިގެން ކިނބޫ ގެންގުޅުމަށް | ރޮއިޓާސް
ފަލަސްތީނުގެ އަސީރުން ބަންދުކޮށްފައިވާ ކެޓްޒިއޮޓް ޖަލުގެ ވަށައިގެން ކިނބޫ ގެންގުޅުމަށް އިސްރާއީލްގެ ސެކިއުރިޓީ މިނިސްޓަރު އިޓަމާ ބެން ގްވީރު ނިންމެވި ނިންމުން، އެ ޤައުމުގެ ކޯޓަކުން ވަގުތީ ގޮތުން ހުއްޓުވައިފި އެވެ.
މި ނިންމުން ކޯޓުން ނިންމާފައި ވަނީ ޖަނަވާރުންގެ ޙައްގުތަކަށް މަސައްކަތް ކުރާ ޖަމިއްޔާއެއް ކަމަށްވާ، ލެޓް ދަ އެނިމަލްސް ލިވް އިން ހުށަހެޅި ޕެޓިޝަންއަކާ ގުޅިގެންނެވެ.
ފަލަސްތީނު ގައިދީން ގެންގުޅޭ ޖަލުތައް ބެލެހެއްޓުމަށް ކިނބޫ ބޭނުންކުރުމުގެ ހުއްދަ އިސްރާއީލް ސަރުކާރުން ދީފި
މި މައްސަލަ ބެއްލެވި ކޯޓުގެ ފަނޑިޔާރު ވިދާޅުވީ، ޖަލުގެ ސަލާމަތީ ކަންކަން ވަރުގަދަ ކުރުމުގެ ނަމުގައި ކިނބޫ ފަދަ ނުރައްކާތެރި ޖަނަވާރުތަކެއް އެ ސަރަހައްދަށް ދޫކޮށްލުމަކީ، އެ ޖަނަވާރުތަކަށް ގެއްލުން ލިބިދާނެ ކަމެއް ކަމަށް ބުނެ ހުށަހަޅާފައިވާ ޝަކުވާ ބަލަން ޖެހޭ ކަމަށެވެ. އެހެންކަމުން މި ނިންމުން ނުވަތަ މަޝްރޫއު ކުރިއަށް ގެންދިޔުމުގެ ކުރިން، އޭގެ ސަބަބުން ޖަނަވާރުންނަށް ލިބިދާނެ ގެއްލުންތަކާ މެދު ފުންކޮށް ދިރާސާ ކުރަން ޖެހޭ ކަމަށް ވެސް ކޯޓުން ނިންނި ނިންމުމުގައި ބުނެފައިވެ އެވެ.
ބެން ގްވީރު މިފަދަ ނިންމުން ނިންމާފައި ވަނީ، ޖަލުން ފިލަން މަސައްކަތް ކުރާ މީހުންނަށް ބިރު ދެއްކުމަށާއި ޖަލުގެ ސަލާމަތީ ފިޔަވަޅުތައް އިތުރަށް ވަރުގަދަ ކުރުމަށް ކަމަށް ވިދާޅުވެ އެވެ. ނަމަވެސް، ޖަނަވާރުގެ ޙައްގުތަކަށް ވަކާލާތު ކުރާ ފަރާތްތަކުން ބުނަމުން ދަނީ، މިއީ ޖަނަވާރުންނަށް ދެވޭ އަނިޔާއެއްގެ އިތުރުން، އެ ތަކެތީގެ ޤުދުރަކީ ދިރިއުޅުމަށް ހުރަސްއެޅޭނެ ފަދަ ކަމެއް ކަމަށެވެ.
ކެޓްޒިއޮޓް ޖަލަކީ ފަލަސްތީނުގެ ގިނަ އަދަދެއްގެ ސިޔާސީ ކުށްވެރިންނާއި އަސީރުން ބަންދު ކޮށްފައިވާ ތިބޭ ޖަލެކެވެ. އިސްރާއީލްގެ ހަރުކަށި ސިޔާސަތުގެ ބެން ގްވީރު ގެންދަވަނީ ޖަލުގައި ބަންދު ކޮށްފައި ތިބޭ ފަލަސްތީނުގެ ރައްޔިތުންނަށް ދޭ ޚިދުމަތްތައް މަދުކޮށް، އެ މީހުންނަށް ދެމުން އަންނަ އަދަބުތައް ހަރުކަށި ކުރުމަށް އެކި ފިޔަވަޅުތައް އަޅުއްވަމުންނެވެ.
މި މައްސަލައިގައި ކޯޓުން ވަކި ނިންމުމެއް ނިންމަންދެން، ޖަލު ސަރަހައްދަށް ކިނބޫ ގެންދިޔުމުގެ އެއްވެސް މަސައްކަތަކެއް ކުރިއަށް ނުގެންދިޔުމަށް ވަނީ އަންގައިފަ އެވެ. މިއީ އިސްރާއީލްގެ މިނިސްޓަރަކު، ޖަނަވާރުން ބޭނުން ކޮށްގެން ޖަލުގައި ތިބޭ މީހުންނަށް ނަފްސާނީ ގޮތުންނާއި ޖިސްމާނީ ގޮތުން ބިރު ދެއްކުމަށް ރޭވި ފުރަތަމަ ފަހަރެއް ނޫނެވެ.
