ބޭސް ލިބިމުގައި ދަތިތަކެއް ހުރިކަމަށް ރައީސް މުއިއްޒު އެއްބަސްވެވަޑައިގެންފި
26 ޖުލައި 2026 | އާދީއްތަ 11:30ރާއްޖޭގައި ބޭހުގެ އަގު ބޮޑުކޮށް، ނާޖާއިޒު ފައިދާ ނަގަމުންދާ "ބޭސް މާފިއާ" ހުއްޓުވުމަށް ސަރުކާރުން ފިޔަވަޅުތަކެއް އަޅަމުންދާ ކަމަށް ރައީސް ވިދާޅުވެއްޖެ. މި މައްސަލަ ހައްލުކުރުމަށް "ސްޓޭޓް ފާމާ" ކުންފުނި އުފައްދައި، ކުރިއަށް އޮތް ދެތިން މަސް ތެރޭގައި ބޭސް ލިބުމުގެ ދަތިކަމަށް ދާއިމީ ހައްލެއް ލިބޭނެ ކަމަށް އެމަނިކުފާނު ވިދާޅުވި. ނަމަވެސް މީގެ ކުރިން ވެސް މި މައްސަލަ ހައްލުކުރުމަށް އެކި ތާރީޚުތައް ދެއްވާފައިވޭ.
އާސަންދަ މެދުވެރިކޮށް ބޭސް ނުލިބި ސަލާންޖަހަންޖެހޭ ހާލަތަށް ވަނީ ގޮސްފައި، މިއަދާ ހަމައަށް އެކަން ދޮގު ކުރެއްވުމަށްފަހު އެންމެ ފަހުން ބޭސް ލިބިމުގައި ދަތިތަކެއް ހުރިކަމަށް ރައީސް މުއިއްޒު އެއްބަސްވެވަޑައިގެންފި | ރާއްޖެއެމްވީ
ބޭސް ލިބިމުގައި ދަތިތަކެއް ހުރިކަމަށް ރައީސް ޑރ. މުހައްމަދު މުއިއްޒު އެއްބަސްވެވަޑައިގެންފި އެވެ.
މިނިވަން ދުވަހުގެ ރަސްމީ ޖަލްސާގައި ވާހަކަފުޅު ދައްކަވަމުން ރައީސް މުއިއްޒު ވިދާޅުވީ، މިހާރު ކަޑައްތު ކުރަމުން ދަނީ ބޭސް ލިބުމުގައި ދަތި ދުވަސްތަކެއް ކަމަށެވެ.
ރައީސް ވިދާޅުވީ، 2023 ވަނަ އަހަރު ވެރިކަމަށް ވަޑައިގެންނެވި އިރު ރާއްޖޭގައި އޮތީ ބޭހުގެ މާފިއާ އެއް ކަމަށެވެ. އަދި ބޭހުގެ ދަތިކަން އައީ، ބޭހުގެ މާފިއާ ސަރުކާރުން ހުއްޓުވުމުގެ ސަބަބުން ބޭސް އެތެރެ ކުރާ ފަރާތްތަކުން ގަސްތުގައި ރައްޔިތުން ހާލުގައި ޖައްސަން ކުރަމުން ދިޔަ ކަންތައްތަކެއްގެ ސަބަބުން ކަމަށް ރައީސް ވިދާޅުވި އެވެ.
އަޅުގަނޑުމެން އެމްއާރުޕީ ތަންފީޒުކުރީ، މެކްސިމަމް ރީޓެއިލް ޕްރައިސްއެއް ކަނޑައެޅީ، އެނގިލައްވާތޯ އަޅުގަނޑުމެން ރައްޔިތުންގެ ފައިސާއިން ސަބްސިޑީ ގޮތުގައި ނޫނީއާ މި އާސަންދައިގެ ތެރެއިން މާފުކުރައްވާ އާސަންދައިގެ ތެރެއިން ބޭހުގެ ބައެއް ބާވަތްތަކަށް 2000 ޕަސަންޓަށް ވުރެ ބޮޑު ޕްރޮފިޓްއެއް ބައެއް ބޭސްތަކުން އަމިއްލަ ފަރާތްތަކުން ނަގަމުން ދިޔައީރައީސް މުއިއްޒު
ބޭހުގެ މައްސަލަ ހައްލު ކުރުމަށް ސްޓޭޓް ފަރމާގެ ނަމުގައި ކުންފުންޏެއް އުފައްދައި މިހާރު ދަނީ ފަހަރަކު މަރުހަލާއެއް ނިމި ކުރިއަށް ކަމަށް ރައީސް ވިދާޅުވި އެވެ. އަދި ކުރިއަށް އޮތް ދެތިން މަސް ތެރޭގައި ބޭސް ލިބުމުގެ ދަތިތަކަށް ދާއިމީ ހައްލެއް ލިބިގެން ދަނެ ކަމަށް ވެސް ވިދާޅުވި އެވެ.
ރައީސް މުއިއްޒު މިފަދައިން ވިދާޅުވެފައިވާއިރު، މީގެ ކުރިން ވެސް ބޭހުގެ މައްސަލަ ހައްލު ކުރުމަށް އެކި ޑެޑްލައިންތައް ދެއްވާފައިވެ އެވެ.
އެގޮތުން 2024 ވަނަ އަހަރު ޖުމްހޫރީ ދުވަހުގެ ރަސްމީ ޖަލްސާގައި ބޭހުގެ މާފިއާ ކޮންޓްރޯލްކޮށް ބޭހުގެ ދަތިކަމަށް ހައްލެއް ހޯދައިދޭނެ ކަމަށް ރައީސް ވިދާޅުވި އެވެ. އޭގެ ފަހުން 24 ފެބްރުއަރީ 2025 ގައި އަސާސީ ހުރިހާ ބޭހެއް އެ އަހަރުގެ މާޗް 15 އާއި ހަމައަށް ދާއިރު ގެންނަވާނެ ކަމަށް ވިދާޅުވި ނަމަވެސް، ރައީސް ދެއްވި ޑެޑްލައިން ހަމަވިއިރު ވެސް ބޭހުގެ ދަތިކަމަށް ހައްލެއް ހޯދައިދެއްވާފަ އެއް ނުވެ އެވެ.
މިހުރިހާ ޑެޑްލައިންތަކެއް ދެއްވުމަށްފަހު އަނެއްކާ ވެސް 2026 ވަނަ އަހަރު މެއި 24 ގައި "ނޭޝަން ޗެޓް" ޕޮޑްކާސްޓްގައި ކުރިއަށް އޮތް 2 މަސް ތެރޭގައި ބޭސް ނުލިބުމުގެ މައްސަލައަށް ހައްލެ ހޯދައިދެއްވާނެ ކަމަށް ވެސް ވިދާޅުވެފައިވެ އެވެ.
