މަސްތުވާތަކެތީގެ މައްސަލައެއްގައި ދެ ދިވެހިން ސްރީލަންކާއިން ހައްޔަރުކޮށްފި
26 ޖުލައި 2026 | އާދީއްތަ 07:02މަސްތުވާތަކެތީގެ ބައިނަލްއަގުވާމީ ނެޓްވޯކްތަކާ ދެކޮޅަށް ސްރީލަންކާ ފުލުހުން ހިންގި ޚާއްސަ އޮޕަރޭޝަނެއްގައި، މަސްތުވާތަކެތި އެތެރެކުރަން އުޅުނު ކަމުގެ ތުހުމަތުގައި ދެ ދިވެހިން ހައްޔަރުކޮށްފި. މި މައްސަލަ އެ ގައުމުގެ އިދާރާތަކުން އިތުރަށް ތަހުގީގު ކުރަމުންދާއިރު، ހައްޔަރުކުރި މީހުންގެ ތަފްސީލާއި އަތުލައިގަތް މަސްތުވާތަކެތީގެ ބާވަތް އަދި ހާމަކޮށްފައެއް ނުވޭ.
ކޮލަމްބޯގެ ޕާލަމަންޓް ކައިރީގައި ތެލާއި އެހެނިހެން ޒަރޫރީ ތަކެތީގެ އަގު އިންތިހާއަށް އުފުލުމާއި، އެ ތަކެތި ލިބުން ދަތިވުމާ ގުޅިގެން 2022 އޭޕްރީލް 5 ވަނަ ދުވަހު ކުރިއަށްދިޔަ މުޒާހަރާގެ ބައިވެރިން އެ ސަރަހައްދަށް އެއްވެ ތިބިއިރު، ފުލުހުން އެ ސަރަހައްދު ބަލަހައްޓަނީ. | ގެޓީ އިމޭޖަސް
އިންޑިއާ ކަނޑުގެ ސަރަހައްދުގައި ހިނގާ މަސްތުވާތަކެތީގެ ވަގުފާރީގެ މައްސަލަތަކާ މެދު ކަންބޮޑުވުން އިތުރުވެފައިވާ ދަނޑިވަޅެއްގައި، މަސްތުވާތަކެތި އެތެރެކުރަން އުޅުނު ކަމުގެ ތުހުމަތުގައި ދެ ދިވެހިން ސްރީލަންކާގެ ކަމާބެހޭ ފަރާތްތަކުން ހައްޔަރުކޮށްފި ކަމަށް ލަންކާގެ ނޫހަކުން ރިޕޯޓުކޮށްފި އެވެ.
މަސްތުވާތަކެތީގެ ޣައިރުގާނޫނީ ހަރަކާތްތަކާ ދެކޮޅަށް ސްރީލަންކާގެ ފުލުހުން ހިންގި ޚާއްސަ އޮޕަރޭޝަނެއްގައި ހައްޔަރުކޮށްފައިވަނީ ދިވެހިރާއްޖެއަށް ނިސްބަތްވާ ދެ ރައްޔިތުން ކަމަށް އެ ނޫހުން ކަށަވަރުކޮށްދީފައިވެ އެވެ. މި ހައްޔަރުކުމަކީ ސްރީލަންކާ މެދުވެރިކޮށް ހިންގާ ބައިނަލްއަގުވާމީ މަސްތުވާތަކެތީގެ ނެޓްވޯކްތައް ނައްތާލުމަށް އެ ގައުމުގެ ތަންފީޒީ އިދާރާތަކުން ކުރަމުންދާ މަސައްކަތްތަކުގެ ތެރެއިން ހިންގުނު އޮޕަރޭޝަނެއް ކަމަށް ބުނެފައިވެ އެވެ.
މި މައްސަލައިގައި ހިމެނެނީ ކޮން ބާވަތެއްގެ މަސްތުވާތަކެއްޗެއް ކަމެއް އަދި ހައްޔަރުކުރި ދެމީހުންނާ ބެހޭ މައުލޫމާތެއް ވެސް އަދި އެމީހުންނާ ގުޅިފައިވާ ވަގުފާރީގެ ނެޓްވޯކް ފެތުރިފައިވާ މިންވަރެއް އަދި އެމީހުން ހައްޔަރުކުރީ ކޮންތާކުން ކަމެއް މިހާތަނަށް ސާފެއް ނުވެ އެވެ.
މި މައްސަލައިގެ ޝަރުއީ މަރުހަލާތައް ކުރިއަށްދާ ވަރަކަށް، އިތުރު ތަފްސީލުތައް ލިބޭނެ ކަމަށް ބެލެވޭ ކަމަށް އެ ނޫހުގައި ބުނެފައިވެ އެވެ.
މަސްދަރު: ލަންކާނިއުސްޕޭޕާސް
