އަންހެނަކަށް ހެދިގެން މީހުންގެ ބަރަހަނާ ފޮޓޯ ހޯދައި ބްލެކްމެއިލް ކުރި މައްސަލަ ބޭރުކޮށްލީ ގޯސްކޮށް: ސުޕްރީމް ކޯޓު
24 ޖުލައި 2026 | ހުކުރު 07:08އަންހެނަކަށް ހެދިގެން މީހުންގެ ބަރަހަނާ ފޮޓޯ ހޯދައި ބްލެކްމެއިލް ކުރި މައްސަލައެއްގައި، މުހައްމަދު ފަވާޒު ލުތުފީގެ މައްޗަށް ކުރި ދައުވާތައް ބޭރުކޮށްލަން ދަށު ކޯޓުންނާއި ހައިކޯޓުން ނިންމި ނިންމުން ސުޕްރީމް ކޯޓުން ވަނީ ބާތިލްކޮށްފައި. އެ ކޯޓުން ކަނޑައެޅީ މިއީ މަދަނީ މިންގަނޑުން ކުރިއަށް ގެންދެވޭނެ މައްސަލައެއް ކަމަށް. އެހެންކަމުން މި މައްސަލަ އަލުން ބެލުމަށް ކްރިމިނަލް ކޯޓުގެ މައްޗަށް ވަނީ އަމުރުކޮށްފައި
ރާއްޖޭގެ ސުޕްރީމް ކޯޓް. މި މައްސަލަ އަލުން ބެލުމަށް ކްރިމިނަލް ކޯޓުގެ މައްޗަށް އަމުރުކޮށްފައިވޭ | ރާއްޖެއެމްވީ
އަންހެނަކަށް ހެދިގެން މީހުންގެ ބަރަހަނާ ފޮޓޯ ހޯދައި، އެ ތަކެތި ބޭނުންކޮށްގެން ބްލެކްމެއިލް ކުރި މައްސަލައެއްގައި ދަށު ކޯޓުންނާއި ހައިކޯޓުން ނިންމި ނިންމުންތައް ގޯސް ކަމަށް ސުޕްރީމް ކޯޓުން ކަނޑައަޅައިފި އެވެ.
މި މައްސަލާގައި ދައުވާ ލިބޭ މުހައްމަދު ފަވާޒު ލުތުފީގެ މައްޗަށް ކުރި ދައުވާތައް ބޭރުކޮށްލީ ގާނޫނާ ހިލާފަށް ކަމަށް އެންމެ މަތީ ކޯޓުން ވަނީ ހުކުމްކޮށްފަ އެވެ.
މި މައްސަލައަކީ މުހައްމަދު ފަވާޒު ލުތުފީ، އަންހެނަކަށް ހެދިގެން މުވާސަލާތީ ވަސީލަތްތައް މެދުވެރިކޮށް މީހުންގެ އޮރިޔާން ކާޑާއި މަންޒަރުތައް ހޯދައި، އެ ތަކެތި ބޭނުންކޮށްގެން ބްލެކްމެއިލް ކުރި ކަމަށް ބުނެ ޕްރޮސެކިއުޓަރ ޖެނަރަލްގެ އޮފީހުން ޖިންސީ ކުށުގެ ގާނޫނުގެ 35 ވަނަ މާއްދާގެ ދަށުން އުފުލި ދައުވާއެކެވެ. ނަމަވެސް، ކްރިމިނަލް ކޯޓުން ކުރިން ނިންމާފައިވަނީ ޖިނާއީ އިޖުރާއަތުގެ ގާނޫނުގެ 115 ވަނަ މާއްދާގެ ދަށުން މި މައްސަލަ މަދަނީ މިންގަނޑުން ކުރިއަށް ނުގެންދެވޭނެ ކަމަށެވެ.
ކްރިމިނަލް ކޯޓުން އެ މައްސަލަ ބާތިލުކުރީ ބްލެކްމެއިލް ކުރުމުގެ ކުރިން ސީދާ ޖިސްމާނީ ނުވަތަ މާއްދީ ބީހުމެއްގެ ޖިންސީ އަމަލެއް ހިނގާފައިނުވާ ކަމަށް ބަލައިގެންނެވެ. އަދި ހައިކޯޓުގެ އަގުލަބިއްޔަތުން ވެސް ވަނީ ކްރިމިނަލް ކޯޓުގެ އެ ނިންމުމަށް ތާއީދުކޮށްފަ އެވެ.
ނަމަވެސް ސުޕްރީމް ކޯޓުގެ ފަނޑުޔާރުންގެ އިއްތިފާގުން ނިންމެވީ، ކްރިމިނަލް ކޯޓާއި ހައިކޯޓުގެ ނިންމުން ބާތިލް ކުރުމަށެވެ. ސުޕްރީމް ކޯޓުން ކަނޑައެޅުއްވީ ޕީޖީ އޮފީހުން ހުށަހެޅި ބްލެކްމެއިލް ކުރުމުގެ ދައުވާއަކީ މަދަނީ މިންގަނޑުން ކުރިއަށް ގެންދެވޭނެ ދައުވާއެއް ކަމަށެވެ.
މީގެ އިތުރުން، މުހައްމަދު ފަވާޒު ލުތުފީގެ މައްޗަށް ކޮށްފައިވާ ދައުވާގެ މައްސަލަ އަލުން ކްރިމިނަލް ކޯޓުން ބަލައި ގޮތެއް ކަނޑައެޅުމަށް ސުޕްރީމް ކޯޓުން ވަނީ އަމުރުކޮށްފަ އެވެ. ޕީޖީ އޮފީހުން މި މައްސަލަ އަލުން ހުށަހަޅައިފިނަމަ، މައްސަލަ މިހާރު އޮތް ހިސާބުން ކުރިއަށް ގެންދަން ޖެހޭނެ ކަމަށް ވެސް އެ ކޯޓުގެ ހުކުމުގައިވެ އެވެ.
