"ބިގް ބޮސް" ހުށަހަޅައި ދިނުމަށް ފޫހިވާ ފަހަރުވެސް އާދޭ: ސަލްމާން ޚާން

"ބިގް ބޮސް" ހުށަހަޅައިދިނުމަށް ފޫހިވާ ފަހަރުވެސް އަންނަކަމަށް މިއަންނަ އޮކްޓޯބަރު މަހުގެ 1 ވަނަ ދުވަހު ފަށާ ރިއަލިޓީ ޝޯ "ބިގް ބޮސް" ގެ 11 ވަނަ ސީޒަންގެ ޕްރެޒެންޓާ އަދި ބޮލީވުޑްގެ ތަރި ސަލްމާން ޚާން ބުނެފިއެވެ.

ސަލްމާން ޚާން އަންނަނީ 2010 ވަނަ އަހަރުން ފެށިގެން އެ ޝޯ ހުށަހަޅައި ދެމުންނެވެ.

ސަލްމާން ބުނީ އޭނާ އެ ޝޯ ކުރިއަށް ދާއިރު ފޫހިވާ ފަހަރު އަންނަ ގޮތަށް އެ ޝޯ ދެކެ ލޯބިވާ ފަހަރުވެސް އަންނަ ކަމަށެވެ. ބައެއް ދިރިއުޅޭ ގޮތް ދައްކާއިރު އެކަހަލަ ކަންތައް ދިމާވާނެ ކަމަށާއި އިންޑިއާގެ މިހާތަނަށް "ބިގް ބޮސް" ވަރުގެ ޝޯއެއް ނުދައްކާމަށް ސަލްމާން ބުންޏެވެ. އަދި އެތައް އޯޑިއެންސެއް އެ ޝޯ ބަލާ އެ ޝޯ ދެކެ ލޯބިވާކަމަށް އޭނާ ބުންޏެވެ.

ބިގް ބޮސް" ޝޯ އަކީ މަޝްހޫރު ފަރާތްތައް ބައިވެރިކޮށްގެން ގެއެއްގެ ތެރޭގައި ދިރިއުޅެން ޖެހޭ ޝޯއެކެވެ. މި ޝޯގައި އެފަރާތްތަކަށް އެކި ޓާސްކްތައް ހަވާލު ކުރެވެއެވެ. އެ ޓާސްކްތައް ފުރިހަމަ ނުކުރެވޭ ފަރާތްތައް އެ ގެއިން ބޭރު ކުރެވޭ ގޮތަށް އޮންނަ މި ޝޯ ގައި އެ ގެތަކުގައި ސަރވައިވް ވާ 3 މީހުންގެ ތެރެއިން އެއްވަނައަށް ދާ ފަރާތްތަކަށް އަގުބޮޑު އިނާމެއް ދެއެވެ. ގެއިން ބޭރު ކުރެވޭނީ އެގޭގައި އުޅޭ މީހުންނާއި އާންމުންގެ ވޯޓުންނެވެ.

މިޝޯއަކީ 3 މަސް ދުވަހަށް ކުރިއަށް ގެންދާ ޝޯއެކެވެ.

ރިޕޯޓްތައް ބުނާގޮތުގައި މިފަހަރުގެ ސީޒަނުގައި އެހެން ސީޒަންތަކަށް ވުރެ ސަވައިވް ވާން އުނދަގޫވާނެއެވެ.