"ބޮސް" އަޅުވާ ތާރީހު މިމަހުގެ 31 އަށް ފަސްކޮށްފި
ސެޕްޓެމްބަރ މަހުގެ 26 ވަނަ ދުވަހު ޓިކެޓް ވިއްކަން ފަށާނެ
ދިވެހި ފިލްމު "ބޮސް" ގެ ބައެއް ތަރިން
އޮކްޓޯބަރު މަހުގެ 24 ވަނަ ދުވަހު ސިނަމާތަކަށް އަންނާނެކަމަށް ނިންމި ދިވެހި ފިލްމު"ބޮސް" މިމަހުގެ 31 ވަނަ ދުވަހަށް ފަސްކޮށްފިއެވެ.
ކްރިސްޓަލް އެންޓަޓައިންމަންޓުން ނެރޭ ފިލްމު "ބޮސް" އާއި ބެހޭގޮތުން އެފިލްމުގެ ޕްރޮޑިއުސަރ ނަހުލާ ބުނެފައިވަނީ ފިލްމުގެ ހުރިހާ ލަވަ ކިޔާފައިވާ ގޮތް ވަރަށް ވަރަށް ރީތިކަމަށާއި ކުރިން ނަހުލާ އުފައްދާފައިވާ ފިލްމު ޒުލޭހާ، ޔޫސުފް ފަދަ ފިލްމުގެ ލަވަތައް އާންމުންނަށް ކަމުދިޔައީ ކޮޕީ ރާގުގެ ލަވަތަކަކަށް ވުމާއިއެކު ކަމަށް ގަބޫލުކުރާ ކަމަށެވެ.
ނަހުލާ ބުނީ އެހެން ނަވެސް "ބޮސް" ފިލްމުގެ ލަވަތައް އާންމުންނަށް މާ ކަމުދާނެ ކަމަށެވެ. ސެޕްޓެމްބަރ މަހުގެ 26 ވަނަ ދުވަހު ޓިކެޓް ވިއްކަން ފަށާނެ ކަމަށް ވަނީ "ބޮސް" ފިލްމުގެ ޓީޒާ އަދި އޯޑިއޯ ހަތަރު ލަވަ ރިލީޒް ކުރި ހަފްލާގައި
އިއުލާން ކޮށްފައެވެ.
މި ފިލްމުގެ މައިގަނޑު ތަރިންނަކީ މުހައްމަދު ޔުނާން، މަރިޔަމް އައްޒަ، ފާތިމަތު އަޒްލިފާ (އަޒޫ)، އިބްރާހީމް ޖިހާދު (ޖިމީ)، އަލީ އާޒިމް(ދޮން އައްޔަ)، ޝަމީލް، އަޝްރަފް އަދި ފާރޫގް އެވެ.
