ކ. މާލެ
|
1 އޯގަސްޓް 2017 | އަންގާރަ 15:33
 "ބިގް ބޮސް" ލޯގޯ
"ބިގް ބޮސް" ލޯގޯ
ގޫގުލް
"ބިގް ބޮސް" ލޯގޯ
"ބިގް ބޮސް" ލޯގޯއަށް ބަދަލުތަކެއް ގެނެސްފި
 
ސީޒަންގެ ހޯސްޓަކީ ވެސް ބޮލީވުޑްގެ ތަރި ސަލްމާން ޚާން

އަންނަ ސެޕްޓެމްބަރު ރިލީޒް ކުރުމަށް ތައްޔާރުވަމުން އަންނަ، ގިނަ ބައެއްގެ މެދުގައި މަޤްބޫލުކަން ހޯދާފައިވާ ރިއަލިޓީ ޝޯވް "ބިގް ބޮސް" ލޯގޯއަށް ބަދަލުތަކެއް ގެނެސްފިއެވެ.

 

'ބިގް ބޮސް'ގެ ލޯގޯ ހަދާފައި ވަނީ ރީނދޫ އަދި ހުދު ކުލައިންނެވެ. އެ ޝޯގެ ރަސްމީ ފޭސްބުކް ޕޭޖު މެދުވެރިކޮށް އާ ލޯގޯ ވަނީ އާންމު ކޮށްފައެވެ.

 

ރިއަލިޓީ ޓީވީ ސީރީސް ބިގް ބޮސް ގެ 11 ވަނަ ސީޒަން އިއުލާން ކުރެވުނީއްސުރެ އެ ޝޯގެ ހުރިހާ ފޭނުން ވެސް ތިބީ އާ ސީޒަނަށްޓަކައި  ކެތްމަދުވެފަ އެވެ.

 

މިދިޔަ އަހަރާއި އެއްގޮތަށް މި ފަހަރު މަޝްހޫރު ތަރިންގެ އިތުރުން އާންމުން ވެސް ބައިވެރިވާނެ ކަމަށް ޚަބަރުތައް ވަނީ ފެތުރިފައެވެ. ބިގް ބޮސް 10 ގެ ކާމިޔާބީއަށް ފަހު، ބިގް ބޮސް 11 ގައި ތަރިންނާއި އާންމުން އެކީގައި ފެނިގެންދާނެ އެވެ. ޝޯގައި ބައިވެރިވުމަށްޓަކައި  އާންމުން ރަޖިސްޓްރީވުމަށް ހުޅުވާލި ފުރުސަތު ވަނީ ޖުލައި 21 ވަނަ ދުވަހާއި ހަމައަށް މުއްދަތު ހަމަވެފައެވެ.

 

މި ފަހަރުގެ ސީޒަންގެ ހޯސްޓަކީ ވެސް ބޮލީވުޑްގެ ތަރި ސަލްމާން ޚާން އެވެ. މީގެ ކުރިން ހަބަރުތައް ބުނިގޮތުން ސަލްމާން ޚާންގެ ބަދަލުގައި "ބިގް ބޮސް" ހުށަހަޅަން މަޝްހޫރު އެކްޓަރ އަކްޝޭ ކުމާރަށް ހުށަހެޅިކަމަށް އަޑުތައް ވަނީ ފެތުރިފައެވެ.

 

 މިވަގުތު އަކްޝޭ ދަނީ އޭނާގެ އެންމެ ފަހުގެ ފިލްމު "ޓޮއިލެޓް- އޭކް ޕްރޭމް ކަތާ" ގެ ޕްރޮމޯޝަންގައި ވަރަށް ބުރަކޮށް ހަރަކާތްތެރިވަމުންނެވެ. މިކަމާއި ގުޅިގެން ނޫސްވެރިންގެ ބައްދަލުވުމެއްގައި އަކްޝޭވެސް ވަނީ މިކަން ދޮގު ކޮށްފައެވެ.

 

މިކަމާއި ގުޅިގެން ނޫސްވެރިން ކުރި ސުވާލަށް ޖަވާބުދެމުން އަކްޝޭ ބުނީ ބިގް ބޮސް ހުށަހަޅައި ދިނުމަށް އެދި އޭނާއަށް އަދި ހުށަހެޅުމެއް އައިސްފައި ނުވާ ކަމަށެވެ.

 

ކުރިން ކަލާސްއިން ދެއްކި ބެލުންތެރިންގެ މަޤްބޫލު ޝޯވްއެއް ކަމަށްވާ "ހަތުރޯކި ކިލާޅީ" ކުރިން ހުށަހަޅާ ދީފައިވަނީ  އަކްޝޭ ކުމާރުއެވެ. އަކްޝޭ އާއި ސަލްމާނު އެކުގައި ފިލްމެއްގެ މަސައްކަތް ކުރުމަށް ދަނި ތައްޔާރުވަމުންނެއެވެ. އަދި މި ފިލްމުގެ ކޯ ޕްރޮޑިއުސަރަކީ ސަލްމާން ޚާން އާއި ކަރަން ޖޯހަރު ކަމަށްވާއިރު މި ފިލްމުގެ ލީޑް ރޯލުން އަކްޝޭ ކުމާރު ފެނިގެންދާނެއެވެ.

އެންމެ ފަހުން އަޕްޑޭޓް ކުރީ: 3 ހަފްތާ ކުރިން
ރިވިއު ކުރީ: ހުޝާމް މުހަޢްމަދް
0%
0%
0%
0%
0%
0%
ކޮމެންޓް