ސަލްމާން ޚާންގެ ބަދަލުގައި "ބިގް ބޮސް" ހުށަހަޅަން މަޝްހޫރު އެކްޓަރ އަކްޝޭ ކުމާރަށް ހުށަނާޅާ ކަމަށް ރިޕޯޓްތައް ބުނެފިއެވެ.
ކަލާސްއިން ދައްކާ މަޝްހޫރި ރިއަލިޓީ ޝޯވް "ބިގް ބޮސް"ގެ މިހާރު ހުށަހަޅައިދެނީ ސުޕަ ސްޓަރ ސަލްމާން ޚާންއެވެ. އެހެން ނަމަވެސް ދެން އަންނަ ސީޒަނެއްގައި ސަލްމާންގެ ބަދަލުގައި މިޝޯވް ހުށަހަޅައިދޭނީ އަކްޝޭ ކަމަށް ވަނީ އަޑުތައް ފެތުރިގެން ގޮސްފައެވެ.
މިއީ ދޮގު ވާހަކައެއް ކަމަށް އަނެއްކާވެސް ރިޕޯޓްތައް ބުނަން ފަށައިފިއެވެ. މިވަގުތު އަކްޝޭ ދަނީ އޭނާގެ އެންމެ ފަހުގެ ފިލްމު "ޓޮއިލެޓް- އޭކް ޕްރޭމް ކަތާ" ގެ ޕްރޮމޯޝަންގައި ވަރަށް ބުރަކޮށް ހަރަކާތްތެރިވަމުންނެވެ. މިކަމާއި ގުޅިގެން ނޫސްވެރިންގެ ބައްދަލުވުމެއްގައި އަކްޝޭވެސް ވަނީ މިކަން ދޮގު ކޮށްފައެވެ.
މިކަމާއި ގުޅިގެން ނޫސްވެރިން ކުރި ސުވާލަށް ޖަވާބުދެމުން އަކްޝޭ ބުނީ ބިގް ބޮސް ހުށަހަޅައިދިނުމަށް އެދި އޭނާއަށް އަދި ހުށަހެޅުމެއް އައިސްފައި ނުވާ ކަމަށެވެ. ކުރިން ކަލާސްއިން ދެއްކި ބެލުންތެރިންގެ މަޤްބޫލު ޝޯވްއެއް ކަމަށްވާ "ހަތުރޯކި ކިލާޅީ" ކުރިން ހުށަހަޅާ ދީފައިވަނީ އަކްޝޭ ކުމާރުއެވެ.
އަކްޝޭ އާއި ސަލްމާނު އެކުގައި ފިލްމެއްގެ މަސައްކަތް ކުރުމަށް ދަނި ތައްޔާރުވަމުންނެއެވެ. އަދި މި ފިލްމުގެ ކޯ ޕްރޮޑިއުސަރަކީ ސަލްމާން ޚާން އާއި ކަރަން ޖޯހަރު ކަމަށްވާއިރު މި ފިލްމުގެ ލީޑް ރޯލުން އަކްޝޭ ކުމާރު ފެނިގެންދާނެއެވެ.
"ޓޮއިލެޓް، އެކް ޕްރޭމްކަތާ"އާއި ގުޅިގެން އަކްޝޭ ބުނީ މިއީ ދެބަޔަކަށް ބެހިގެންދާ ފިލްމެއް ކަމަށާއި ފިލުމު ފެށިގެން އަންނަ އިރު ސީރިއަސް މަންޒަރު ތަކެއް ފެނުނު ކަމުގައި ވިޔަސް ބޮޑަށް މިފިލްމުގައި ކޮމެޑީ ބައި ގިނަ ވާނެ ކަމަށެވެ. އަދި މިއީ ހަޤީޤީ ހަދީސާއެއްގެ މައްޗަށް ބިނާކޮށް ހަދާފައިވާ ފިލްމެކެވެ.
ކުރިން "ސަންދާސް އެކް ޕްރޭމްކަތާ" ގެ ނަން ދީފައިވާ މިފިލްމުގެ ޓައިޓްލް ނަން ބަދަލު ކޮށްފައިވާއިރު މި ފިލްމުގެ ސްކްރިޕްގެ މަސައްކަތް ހަތަރު އަހަރު ދުވަހު ވަންދެން ކޮށްފައިވެއެވެ.
އަދި އަކްޝޭއަށް މިފިލްމު ހުށަހެޅުމުގެ ކުރިން ވަރަށް ގިނަ އެހެން ފަންނާނުންނަށް މި ފިލްމު ކުޅުމަށް ހުށަހެޅި ކަމަށާއި އެހެން ނަމަވެސް އެއްވެސް ފަންނާނަކު މިފިލްމު ކުޅުމަށް އެއްބަސް ނުވި ކަމަށް އަކްޝޭ ބުންޏެވެ.
އަދި މި ފިލްމުގެ ސްކްރިޕްޓް ފެނިފައި ފިލްމަށް ޝައުގުވެރިކަން އުފެދުނީ ކަމަށްވެސް އޭނާ ބުންޏެވެ.
އިންޑިއާގެ ފަގީރު ހިސާބުތަކުގައި ފާޚާނާތައް ހެދުމުގެ މުހިންމު ކަމުގެ މައްޗަށް އަލިއަޅުވާލާ ހަދާފައިވާ"ޓޮއިލެޓް، އެކް ޕްރޭމްކަތާ" ވަނީ ލީކު ކޮށްލާފައެވެ. އެހެން ނަމަވެސް އެ ފިލްމު ވަނީ ބޮޑު ބަޔަކަށް ފިލްމު ނުފެނި މައްސަލަ ވަނީ ހައްލުކުރެވިފައެވެ.
"ޓޮއިލެޓް، އެކް ޕްރޭމްކަތާ"ގެ ޑޕްރޮޑިއުސަރ ޕްރާނާ އަރޯރާ ނެރެފައިފާ ސްޓޭޓްމަންޓެއްގައި ބުނެފައިވަނީ ފިލްމު ލީކް ކޮށްފައިވާ ކަމުގެ ރިޕޯޓް ލިބިފައިވާކަމަށާއި އެހެންނަމަވެސް އެ މައްސަލަ މިހާރު ހައްލު ކުރެވިފައިވާ ކަމަށެވެ.
އިންޑިއާގެ ކްރައިމް ބްރާންޗުން އެޅި އަވަސް ފިޔަވަޅަށް ޝުކުރު އަދާކުރާކަމަށް އޭނާ ބުނެފައި ވެއެވެ. ހިންދީ ފިލްމުތަކުގެ ތެރެއިން 'އުޅްތާ ޕަންޖާބް'، 'ސުލްތާން'، 'ކަބާލީ' އަދި 'ބާހޫބަލީ 2' ވެސް ވަނީ ރިލީޒް ކުރުމުގެ ކުރިން ލީކު ކޮށްލައިފަ އެވެ.
ޝްރީ ނަރަޔަން ސިންގު ޑައިރެކްޓް ކޮށްފައިވާ ކޯޕްރޮޑިއުސް ކޮށްފައިވަނީ އަކްޝޭ ކުމާރާއި ނީރާޖް ޕާންޑޭއެވެ. މި ފިލްމުގެ ލީޑުރޯލުން ފެނިގެންދަނީ އަކްޝޭ ކުމާރާއި ބޫމީ ޕެޑްނެކާއެވެ. މިއީ އަކްޝޭ ކުމާރާއި ބޫމީ ޕެޑްނެކާގެ ފުރަތަމަ ފިލްމެވެ.
