"ބޮސް" ގެ ޓިކެޓް މާދަމާ ވިއްކަން ފަށަނީ!
މި ފިލްމު ސިނަމާތަކަށް އަންނާނީ އަންނަ މަހުގެ 31 ގައި
"ބޮސް" ގެ އެއް އެކްޓްރެސް ކަމަށްވާ މަރިޔަމް އައްޒަ
ކުޅަދާނަ ވާހަކަ ލިޔުންތެރިޔާ ފާތިމަތު ނަހުލާ ޕްރޮޑިއުސްކޮށްފައިވާ ފިލްމު "ބޮސް" ގެ ޓިކެޓް ވިއްކުން މާދަމާ ފަށާނެ ކަމަށް އޭނާ ބުނެފިއެވެ.
މި ފިލްމު ޕްރޮޑިއުސްކޮށްފައިވަނީ އައިޝަތު ރިޝްމީއެވެ.
ފިލްމުގެ ލީޑް ރޯލުން ފެނިގެން ދަނީ އަލަށް ތައާރަފުވާ މުހައްމަދު ޔުނާންއާ އެކު، ރިޝްމީގެ ކޮއްކޮ އަދި މިހާރު އެންމެ ވިދާ ބަތަލާ މަރިޔަމް އައްޒަ އެވެ.
ފިލްމްގެ އިތުރު ކާސްޓުންގެ ތެރޭގައި އިބްރާހީމް ޖިހާދު (ޖިމީ)، ފާތުމަތު އާޒިފާ (އަޒޫ)، އަލީ އާޒިމް (ދޮންއައްޔަ) އަދި އަލީ ޝަމީލް ހިމެނެ އެވެ.
މީގެ ކުރިން ނަހުލާ ބުނެފައިވަނީ ފިލްމުގެ ހުރިހާ ލަވަ ކިޔާފައިވާ ގޮތް ވަރަށް ވަރަށް ރީތިކަމަށާއި ކުރިން ނަހުލާ އުފައްދާފައިވާ ފިލްމު ޒުލޭހާ، ޔޫސުފް ފަދަ ފިލްމުގެ ލަވަތައް އާންމުންނަށް ކަމުދިޔައީ ކޮޕީ ރާގުގެ ލަވަތަކަކަށް ވުމާއިއެކު ކަމަށް ގަބޫލުކުރާ ކަމަށެވެ. ނަހުލާ ބުނީ އެހެން ނަވެސް "ބޮސް" ފިލްމުގެ ލަވަތައް އާންމުންނަށް މާ ކަމުދާނެ ކަމަށެވެ.
މި ފިލްމުގެ ޓްރެއިލާ ފޭސްބުކްގައި ނެރުމާއެކު ފިލްމަށް ދަނީ ތައުރީފު ވެސް އޮހެމުންނެވެ. އަދި ޓްރެއިލާ ބެލި މީހުންގެ އަދަދުވެސް ވަނީ 100،000 އަށް ވުރެ މައްޗަށް އަރާފައެވެ. މި ފިލްމު ސިނަމާތަކަށް އަންނާނީ އަންނަ މަހުގެ 31 ގައެވެ.
