ދާދި ފަހުން ސްޕެއިންގެ ބާސެލޯނާއިން ފްރާންސްގެ ޗެމްޕިއަން ޕީއެސްޖީއަށް ދުނިޔޭގެ ރެކޯޑް އަގެއް ކަމުގައިވާ 222 މިލިއަން ޕައުންޑުގެ އަގަށް ބަދަލުވި ނޭމާއަކީ ދުނިޔޭގެ ދެވަނައަށް އެންމެ މުއްސަނދި ކުޅުންތެރިޔާ ކަމަށް ފުޓްބޯލް ލީކްސްއިން ބުނެފިއެވެ.

މަސްހޫރު ކުޅިވަރު ވެބްސައިޓެއް ކަމުގައިވާ ފުޓްބޯލް ލީކްސްއިން އާންމުކުރި ރިޕޯޓެއްގައި ބުނެފައިވަނީ  ނޭމާ ނުދިޔޭގެ ދެވަނައަށް އެންމެ މުއްސަނދި ކުޅުންތެރިޔާއަށް ވެފައިވަނީ ޕީއެސްޖީން މުސާރައިގެ ގޮތުގައި މަހަކު 3 މިލިއަން ޕައުންޑުގެ މަގުން އަހަރަކު 36.8 މިލިއަން ޕައުންޑް ނޭމާއަށް ލިބޭކަމަށް ބުނެއެވެ.

މި ރިޕޯޓުގައި ބުނެފައިވަނީ މިވަގުތު ދުނިޔޭގައި ހުރި އެންމެ ބޮޑު އާމްދަނީއެއް ލިބޭ އެންމެ މުއްސަނދި ކުޅުންތެރިންގެ ލިސްޓުގެ އެއްވަނާގައި އޮތީ  ޗައިނާގެ ސުޕަލީގުގެ ސަންހާއީއަށް ކުޅެމުންއަންނަ އާޖެންޓީނާގެ ފޯވާޑް ކާލޮސް ޓެވޭޒް ކަމަށާއި ޓެވޭޒް އަށް އަހަރަކު 38.4 މިލިއަން ލިބޭ ކަމަށެވެ. އެހެން ކަމުން މިވަގުތު ދުނިޔޭގައި ހުރި އެންމެ ބޮޑު އާމްދަނީއެއް ލިބޭ، އެންމެ މުއްސަނދި ކުޅުންތެރިޔާގެ ގޮތުގައި ޓެވޭޒް ވެފައިވާއިރު އޭނާއާ އެންމެ ގާތުން ދެވަނައަށް އެންމެ ބޮޑު އާމްދަނީއެއް ލިބޭ ކުޅުންތެރިއަކީ ނޭމާކަމަށެވެ. އެގޮތުން ނޭމާއަށް އަހަރަކު 36.8 މިލިއަން ޕައުންޑު ލިބޭކަމަށް މި ރިޕޯޓްގައި ބުނެފައިވެެއެވެ.

އެހެން ކަމުން  ނޭމާ އަކީ ދުނިޔޭގެ ދެވަނައަށް އެންމެ ބޮޑު އާމްދަނީއެއް ލިބޭ ދުނިޔޭގެ ދެވަނައަށް އެންމެ މުއްސަނަދި ކުޅުންތެރިޔާ ކަމަށް މި ރިޕޯޓްގައި ބުނެފައިވެއެވެ.

ފުޓްބޯޅަ ލީކްސްއިން އާންމުކުރި މި ރިޕޯޓްގައި ބުނެފައިވަނީ ޕީއެސްޖީން ނޭމާއަށް ދޭ މުސާރަ މިއަދާއި ހަމައަށް އޮތީ ސިއްރުކޮށްފައި ކަމަށާއި އެހެން ނަމަވެސް މިހާރު އެކަން ވަނީ އާންމުވެފައި ކަމަށެވެ. އެގޮތުން ޕީއެސްޖީން ނޭމާއަށް ދޭ މުސާރައަށް ބަލާއިރު، މިނެޓަކު 66 ޕައުންޑުގެ ރޭޓުން ގަޑިއަކު 4000 ޕައުންޑު ލިބޭކަމަށާއި، އެގޮތުން  ދުވާލަކަށް 100،000 ޕައުންޑް މުސާރައިގެ ގޮތުގައި ނޭމާއަށް ލިބެމުންދާކަމަށެވެ.

އަދި ދުވާލަކު ލިބޭ މުސާރައަށް ބަލާއިރު މަހެއްގެ މައްޗަށް 3 މިލިއަންގެ ރޭޓުން އަހަރަކު 36.8 މިލިއަން ޕައުންޑް ނޭމާއަށް ލިބޭކަމަށް ވެސް މި ރިޕޯޓްގައި ބުނެފައިވެއެވެ.

" ދުނިޔޭގައި މިވަގުތު ތިބި އެންމެ މުއްސަނދި ކުޅުންތެރިންގެ ލިސްޓުގެ ދެވަނާގައި އޮތީ ނޭމާ، ނޭމާއަށް މިނެޓަކު 66 ޕައުންޑް ލިބޭ، އެއީ ގަޑިއަކު 4000 ޕައުންޑް، މިރޭޓުން ބަލާއިރު ދުވާލަކަށް 100،000 ޕައުންޑް ލިބޭ، އަދި މިރޭޓުން މަހަކު 3 މިލިއަން ޕައުންޑްގެ ރޭޓުން އަހަރަކު ނޭމާއަށް ލިބޭ މުސާރައިގެ އަދަދު 36.8 މިލިއަނަށް އަރާ. " ފުޓްބޯލް ލީކްސްގައި ބުނެފައިވެއެވެ.