ޓެނިހުގެ ކެރިއަރުގައި ލިބުނު އެންމެބޮޑު ކާމިޔާބީއަށްފަހު އިނގިރޭސިވިލާތުގެ ޖޮހޭނާ ކޮންޓާ ދުނިޔޭގެ އެއްވަނަ އަންހެން ޓެނިސް ކުޅުންތެރިއާވުމަށް އަމާޒް ހިފައިފިއެވެ.

އިނގެރޭސިވިލާތުގެ އެއްވަނަ އަންހެން ޓެނިސްކުޅުންތެރިޔާ ޖޮހޭނާ މިއާމީ އޯޕެން ކާމިޔާބުކުރީ ފައިނަލުގައި ޑެންމާކުގެ ކެރޮލިން ވޮޒްނިއާކީ ބަލިކުރުމަށްފަހުއެވެ.

މިހާރު ދުނިޔޭގެ 7 ވަނަ އަންހެން ޓެނިސް ކުޅުންތެރިޔާގެ ގޮތުގައި ސީޑްކުރެވިފައިވާ ޖޮހޭނާ، ވޮޒްނިއާކީ ބަލިކުރީ 3-6 4-6 އިން ސެޓުތައް ގެންގޮސްގެންނެވެ.

މި މުބާރާތް ކާމިޔާބު ކުރުމުން، އުމުރުން 25 އަހަރުގެ ޖޮހޭނާއަށް ވަނީ ފައިސާގެ އިނާމުގެ ގޮތުގައި 940.000 ޕައުންޑް ލިބިފައެވެ.

މިއަމީ އޯޕެން ކާމިޔަބުކުރި ޖޮހޭނާއަކީ 2015 އަހަރުގެ ޖޫން މަހުގެ ތެރޭގައި އާންމުކުރި ރޭންކިންގައި 146 ވަނަގައި ސީޑްކުރެވިފައިވަ ކުޅުންތެރިއެކެވެ. ނަމަވެސް ފާއިތުވެދިޔަ އަހަރަކަށްވުރެ މަދު ދުވަސްކޮޅުގެ ތެރޭގައި އޭނާ ވަނީ ދުނިޔޭގެ ހަތްވަނަ ކުޅުންތެރިޔާގެ މަޤާމަށް ވާސިލްވެފައެވެ.

މިއާމީ އޯޕެންފަދަ ބޮޑު މުބާރާތެއް ކާމިޔާބު ކުރެވުމަކީ އިތުރަށް ކުރިއަށް ދިޔުމަށް ލިބުނު ފުރުސަތެއް ކަމަށް ޖޮހޭނާ ޤަބޫލުކުރެވެއެވެ. އެ މި ކާމިޔާބާއެކު އޭނަ ބޭނުންވަނީ ދުނިޔޭގެ އެއްވަނަ އަންހެން ޓެނިސް ކުޅުންތެރިއާއަށް ވުމަށެވެ.

"އަހަރެން ބޭނުންވަނީ ދުނިޔޭގެ އެންމެ މޮޅު ކުޅުންތެރިޔާ އަށް ވުމަށް، އެކަމަކު އަދި އެކަމަށް ކުރަންޖެހޭ މަސައްކަތްތައް ވަރަށް ގިނަ" ޖޮހޭނާ ބުނެފައިވެއެވެ.

މީގެ ކުރިން 2015 ވަނަ އަހަރު ތެރޭގައި ލިބެމުންދިޔަ ނާކާމިޔާބީތަކާ ގުޅިގެން ޖޮހޭނާ ވަނީ އޭނާ ކޯޗު ބަދަލުކޮށްފައެވެ. އަލުން ކޯޗުކޮށްދޭން ފެށި ސްޕެއިންގެ އެސްޓެބަންއާއެކު ޖޮހޭނާ އަންނަނީ ގިނަ ކާމިޔާބީތަކެއް ހޯދަމުންނެވެ.

އެގޮތުން އެންމެ ފާހަގަކޮށްލެވެނީ ސިޑްނީ އިންޓަނޭޝަލްގައި ޖޮހޭނަ ކުޅުނު މެޗެއް އެންމެ ސެޓެއްވެސް ގެއްލުވާ ނުލާ ކާމިޔާބު ކުރުމެވެ.