ނޯޓީ 40 - ޓިކެޓް ވިއްކުން ހޯމަ ދުވަހު ފަށަނީ

"ނޯޓީ 40"ގެ ޓިކެޓް ވިއްކުން ހޯމަ ދުވަހު ފަށަން ނިންމައިފިއެވެ.

މި ފިލްމުގެ ޓިކެޓް ވިއްކުމަށް ހަމަޖެހިފައިވަނީ އޮލިމްޕަހުގައެވެ.

"ނޯޓީ 40"ގެ ޕްރޮޑިއުސަރ ޝަފީގު ބުނީ، "ނޯޓީ 40"ގެ ޕްރިމިއަރ ޝޯގެ ޓިކެޓެތައް ވިއްކުމަށް ހަމަޖެހިފައިވަނީ 200 ރުފިޔާއަށް ކަމަށާއި ދެންހުރި ޝޯތަކުގެ ޓިކެޓްގެ އަގަކީ 100 ރުފިޔާ ކަމަށެވެ. އަދި ޖުލައި މަހުގެ 14 ވަނަ ދުވަހުގެ ރޭ އޮލިމްޕަހުގައި ބޭއްވުމަށް ހަމަޖެހިފައިވާ "ނޯޓީ 40"ގެ ހާއްސަ ހަފްލާގައި ދިވެހި ކޮމެޑީ ފިލްމު، ބައިވެރިޔާގެ ޚާއްސަ ޝޯއެއް ދެއްކުމަށް ނިންމާފައިވާ ކަމަށެވެ.

"ނޯޓީ 40"ގެ ޕްރިމިއަރ ނައިޓުގެ ޓިކެޓް ގަންނަ ފަރާތްތަކަށް ގަންނަ ކޮންމެ ޓިކެޓަކާއެކު ބައިވެރިޔާގެ ޓިކެޓެއް ހިލޭ ލިބޭނޭ ކަމަށްވެސް ޝަފީގު ބުންޏެވެ.

ޝަފީގު އިތުރަށް ބުނީ "ނޯޓީ 40"ގެ ޓިކެޓްތައް ވިއްކަން ފަށާނީ ހޯމަ ދުވަހުގެ މެންދުރު 14:00 ޖަހާއިރު ކަމަށާއި އޮލިމްޕަހުން ޖާގަ ލިބިފައިވަނީ 15 ޝޯއަށް ކަމަށެވެ.

"ނޯޓީ 40"ގެ ޝޯތައް ދެއްކުމަށް ހަމަޖެހިފައިވަނީ އޮގަސްޓް މަހުގެ 2 ވަނަ ދުވަހުން ފެށިގެން އޮގަސްޓް މަހުގެ 17 ވަނަ ދުވަހާއި ހަމައަށެވެ.