ސައިމާ އެވޯޑް2017  މާދަމާ!

"ސައުތު އިންޑިއަން އިންޓަނޭޝަނަލް މޫވީ އެވޯޑްސް" (ސައިމާ) އެވޯޑް ހަފްލާ މާދަމާ އޮންނާނެއެވެ.

"ސައިމާ އެވޯޑް 2017" އޮންނާނީ ޖޫންމަހުގެ 30 އިން ޖުލައިމަހުގެ 1 ވަނަ ދުވަހުގެ ނިޔަލަށް އަބޫ ދާބީގައެވެ. ސައިމާ އެވޯޑަކީ ދެކުނު އިންޑިއާގެ ފިލްމީ އިންޑަސްޓްރީ އަށް އަމާޒުކޮށްފައިވާ އެވޯޑެކެވެ. އޭގެ ތެރޭގައި ތަމަޅަ، ތެގުލޫ، މަޅަޔާލަމް، ކަންނަޑާ ފިލްމު އިންޑަސްޓްރީގެ ފަރާތްތަކަށް އެވޯޑް ދޭނެއެވެ.

"ސައިމާ އެވޯޑް 2017" ގައި ބައިވެރިވުމަށް އަބޫދާބީއަށް ދިއުމަށް މިހާރު ވަނީ އެކި ފަންނާނުން ފުރަން ފަށާފައެވެ. އޭގެ ތެރޭގައި މި އަހަރު ނުކުން އެންމެ ކާމިޔާބު އެއް ފިލްމްކަމަށްވާ "ބާހުބަލީ"ގެ ތަރިން ހިމެނެއެވެ.

ސައިމާގެ ރަސްމީ ވެބްސައިޓްގައި ވަނީ މެއި މަހުގެ 31 ވަނަ ދުވަހު ނޮމިނޭޝަން ލިސްޓް އާންމުކޮށްފައެވެ.

މިއީ "ސައިމާ އެވޯޑް" ބާއްވާ 6 ވަނަ ފަހަރެވެ. އެންމެ ފުރަތަމަ "ސައިމާ އެވޯޑް" ބާއްވާފައި ވަނީ 2012 ވަނަ އަހަރު ދުބާއީގައެވެ.

ޚަބަރުތައް ބުނާ ގޮތުގައި އަންނަ މަހު ރިލީޒްކުރާ "ޖައްގާ ޖާސޫސް" އިޝްތިހާރުކުރުމަށް އެ ފިލްމްގެ ދެ ތަރިން ކަމަށްވާ ކެޓްރީނާ އާއި ރަންބީރު ކަޕޫރު ވެސް "ސައިމާ އެވޯޑް" ގައި ބައިވެރިވާނެއެވެ.