އައްޑޫ ސިޓީ ފޭދޫ ސްކޫލުގައި އަލިފާނުގެ ހާދިސާއެއް ހިނގައި ބޮޑެތި ގެއްލުންތަކެއް ލިބިއްޖެ
ބުދަ ދުވަހުގެ ހެނދުނު 7:20 ހާއިރު ހިނގި މި ހާދިސާގައި އަލިފާން ރޯވީ އެ ސްކޫލުގެ ލައިބްރަރީ ހުންނަ ސަރަހައްދުގައި. ހާދިސާއާ ގުޅިގެން ދަރިވަރުންގެ ސަލާމަތަށް އިސްކަންދީ، ވަގުތުން ސްކޫލު ހުސްކުރުމުގެ މަސައްކަތް ކޮށްފައިވޭ.
އައްޑޫ ސިޓީ ފޭދޫ ސްކޫލުގައި އަލިފާނުގެ ހާދިސާއެއް ހިނގައި ބޮޑެތި ގެއްލުންތަކެއް ވަނީ ލިބިފައި. | ރާއްޖެއެމްވީ
އައްޑޫ ސިޓީ ފޭދޫ ސްކޫލުގައި އަލިފާނުގެ ހާދިސާއެއް ހިނގައިފި އެވެ.
އެމްއެންޑީއެފުން ބުނީ، މި ހާދިސާގެ މައުލޫމާތު ހޯމަ ދުވަހުގެ ހެނދުނު 08:20 ހާއިރު އެމްއެންޑީއެފް ސަދަން އޭރިއާ ކޮމާންޑަށް ލިބުމާ އެކު، އެމްއެންޑީއެފް ސަދަން އޭރިއާ ކޮމާންޑް، ހިތަދޫ ފަޔަރ ސްޓޭޝަނުގެ ފަޔަރފައިޓަރުން އެ ސަރަހައްދަށް ގޮސް އަލިފާން ނިއްވުމުގެ މަސައްކަތް ކޮށްފައިވާ ކަމަށެވެ. އަދި ފަޔަރފައިޓަރުން ކުރި މަސައްކަތުން އަލިފާންގަނޑު ނިއްވާލެވުނީ ހެނދުނު 08:56 ހާއިރު ކަމަށް އެމްއެންޑީއެފުން ބުންޏެވެ.
އަލިފާނު ރޯވެފައިވަނީ ލައިބްރަރީ ހުންނަ ސަރަހައްދުގައި ކަމަށާއި، އެވަގުތު ސްކޫލު ހުސް ކުރުމުގެ މަސައްކަތް ކޮށްފައިވާ ކަމަށެވެ. އަދި ދަރިވަރުންގެ ސަލާމަތާއި ރައްކާތެރިކަމަށް ވަރަށް ބޮޑަށް އިސްކަންދީފައިވާ ކަމަށެވެ.
ފޮޓޯތަކުން ފެންނަ ގޮތުގައި ރޯވެފައިވާ ސަރަހައްދުގެ ގޯޅި އާއި ސީލިންގަށް ވަނީ ބޮޑެތި ގެއްލުންތަކެއް ލިބިފަ އެވެ. އަދި އެތަނުގައި ހުރި އޭސީގެ އައުޓުޑޯ ޔުނިޓްތައް ހިމެނޭ ގޮތަށް އެހެނިހެން އެއްޗެހިތައް ވެސް ބޭނުން ނުކުރެވޭ ވަރަށް ވަނީ އަނދާފަ އެވެ.
އަލިފާނުގެ މި ހާދިސާ ހިނގަން މެދުވެރިވި ސަބަބެއް ނޭނގެ އެވެ.
