ވޮލީބޯލް އެސޯސިއޭޝަން ކަޕްގެ މެޗުތައް ފަށައިފި

ވޯލީބޯލް އެސޯސިއޭޝަން އޮފް މޯލްޑިވްސްއިން އިންތިޒާމް ކޮށްގެން ކުރިޔަށް ގެންދާ ވޮލީބޯލް އެސޯސިއޭޝަން ކަޕްގެ މެޗުތަށް ފަށައިފިއެވެ.

މި މުބާރާތުގެ ފުރަތަމަ މެޗުގައި ވާދަކުރީ މޯލްޑިވިއަން ސްޕޯރޓްސް އެންޑް ރެކްރިއޭޝަން އާއި އެސްޕިރޭޝަން އެންޑް އިންސްޕިރޭޝަން ސްޕޯޓްސް ކްލަބެވެ. މި މެޗު ތިން ސެޓު އެއް ސެޓުން ކާމިޔާބު ކުރީ މޯލްޑިވިއަން ސްޕޯޓްސް އެންޑް ރެކްރިއޭޝަންއެވެ. އެގޮތުން އެ ޓީމުން މި މެޗުގެ ސެޓުތަށް ގެންގޮސްފައި ވަނީ 25-14، 25-10، 26-24 އަދި 25-10 އަކުންނެވެ. މި މެޗުގެ މޮޅު ކުޅުންތެރިޔަކަށް ހޮވުނީ މޯލްޑިވިއަންގެ ޖާޒީ ނަމްބަރު 18 އަހުމަދު ފާޒިލްއެވެ.

މި މުބާރާތުގެ ދެވަނަ މެޗުގައި ޕޮލިސް ކްލަބްއިން ވަނީ ތިން ސެޓު އެއް ސެޓުން މަލްސަން ސްޕޯޓްސް ކްލަބް ބަލިކޮށްފައެވެ. ޕޮލިސް ކްލަބްއިން މި މެޗުގެ ސެޓުތަށް ގެންގޮސްފައިވަނީ 27-25، 26-24، 25-23 އަދި 25-21 އިންނެވެ. މި މެޗުގެ މޮޅު ކުޅުންތެރިޔަކަށް ހޮވިފައިވަނީ ޕޮލިސް ކްލަބްގެ ބިދޭސީ ކުޅުންތެރިޔާ ދީޕްތީ ރޮމޭޝްއެވެ.

މި މުބާރާތުގައި ޖުމްލަ އަށް ޓީމު ވަނީ ބައިވެރިވެފައެވެ. އެގޮތުން މުބާރާތުގެ ޕޫލް އޭގައި ހިމެނިފައިވަނީ މޯލްޑިވިއަން ސްޕޯޓްސް އެންޑް ރެކްރިއޭޝަން ކްލަބާއި ޕޮލިސް ކްލަބާއި އެސްޕިރޭޝަން އެންޑް އިންސްޕިރޭޝަން ސްޕޯޓްސް ކްލަބްގެ އިތުރުން މަލްސަން ސްޕޯޓްސް ކްލަބެވެ. ޕޫލް ބީގައި ހިމެނިފައި ވަނީ ދިވެހި ސިފައިންގެ ކްލަބާއި ސީ ލައިފް ސްޕޯޓްސް ކްލަބާއި ގުޑީސް ސްޕޯޓްސް ކްލަބްގެ އިތުރުން ވަން އެންޑް އޮންލީ ރީތި ރަށެވެ.

މި މުބާރަތުގެ ކުޅުން މި މަހުގެ 28 ވަނަ ދުވަހާ ހަމަޔަށް ސޯޝަލް ސެންޓަރުގެ އިންޑޯ ކޯޓުގައި ކުރިޔަށް ދާނެއެވެ.