އެއާޕޯޓަށް ދަތުރު ކުރި އުޅަނދެއް ފުރޮޅާލައިފި
ހުޅުމާލެއިން އެއާޕޯޓަށް ދަތުރުކުރި އުޅަނދެއް ކޮންޓްރޯލުން ނެއްޓި ފެންސްގައި ޖެހި ބުދަ ދުވަހު ހިނގި އެކްސިޑެންޓެއްގައި ދެ މީހަކަށް އަނިޔާވެގެން ހޮސްޕިޓަލުގައި ފަރުވާދޭން ފަށައިފި. މި ހާދިސާއާ ގުޅިގެން ފުލުހުން ބުނީ، އުޅަނދު ފުރޮޅާލުމުގެ ސަބަބުން އަނިޔާވި ދެ މީހުންނަށް ފަރުވާ ދެމުންދާއިރު، މި މަހުގެ ކުރީކޮޅުވެސް ހައިވޭގައި ނުރައްކާތެރި އެކްސިޑެންޓެއް ހިނގައި ބަޔަކަށް އަނިޔާވެފައިވޭ.
ހުޅުމާލެ އިން އެއާޕޯޓަށް ހައިވޭގައި ދަތުރު ކުރި އުޅަނދެއް ފުރޮޅާލުން | ސޯޝަލް މީޑިއާ
ހުޅުމާލެ އިން އެއާޕޯޓަށް ދިއުމަށް ހައިވޭގައި ދަތުރު ކުރި އުޅަނދެއް ފުރޮޅާލައިފި އެވެ.
ފުލުހުން ބުނީ ހުޅުމާލެއިން އެއާޕޯޓަށް ދިއުމަށް ހައިވޭގައި ދަތުރު ކުރި އުޅަނދެއް މަގުގެ އެއްފަރާތުގައި ހުރި ފެންސް ގައި ޖެހި އެކްސިޑެންޓް ވެފައިވާ ކަމަށެވެ. މި ހާދިސާ ހިނގީ ބުދަ ދުވަހުގެ މެންދުރުގެ ވަގުތެއްގަ އެވެ.
ފުލުހުން ބުނީ މި އެކްސިޑެންޓް ގައި އުޅަނދުގައި ތިބި ދެ މީހަކަށް އަނިޔާ ވެފައިވާ ކަމަށެވެ. އެ ދެމީހުންނަށް ވެސް ފަރުވާ ދިނުމަށް ހޮސްޕިޓަލަށް ގެންގޮސްފައިވާ ކަމަށް ވެސް ފުލުހުން ވަނީ ބުނެފަ އެވެ.
މި މަހުގެ 7 ވަނަ ދުވަހު ވެސް ހައިވޭގައި ނުރައްކާތެރި އެކްސިޑެންޓެއް ހިނގައި ދެ މީހަކަށް ވަނީ އަނިޔާވެފަ އެވެ.
ދެ ކާރާއި 2 ސައިކަލު ޖެހި ހިނގި މި އެކްސިޑެންޓުގައި އަނިޔާވި ދެމީހުންނަށް ވެސް ހޮސްޕިޓަލުގައި ފަރުވާ ދީފައިވެ އެވެ.
