މި އިންތިޚާބު ވާނީ ވޯޓުލުމުގެ އަަސާސީ ހައްގު ލިބޭ ފަރާތްތަކަށް ވޯޓުލުމުގެ ފުރުސަތު އެންމެ ބޮޑަށް ހަނިކުރި އިންތިޚާބަށް، ސައްހަ ކަމާ މެދު ސުވާލު އުފެދޭ: އެމްޑީޕީ
ކުރިއަށް އޮތް އިންތިޚާބުތަކުގައި ރިސޯޓުތަކާއި، ސިނާއީ ރަށްރަށުގެ އިތުރުން ރާއްޖެއިން ބޭރުގައި ވޯޓުފޮށި ނުބަހައްޓަން ނިންމުމަކީ ގިނަ ބައެއްގެ ވޯޓުލުމުގެ ހައްގު ހަނިވެގެންދާނެ ކަމެއް ކަމަށް އެމްޑީޕީން ބުނެފި. އެ ޕާޓީން ބޭއްވި ނޫސްވެރިންގެ ބައްދަލުވުމެއްގައި ތަރުޖަމާން އަބްދުﷲ ވަހީދު ވިދާޅުވީ، މިއީ ސަރުކާރާއި އިލެކްޝަންސް ކޮމިޝަން ގުޅިގެން ރާވައިގެން ހިންގާ ކަމެއް ކަމަށާއި، މީގެ ސަބަބުން އިންތިޚާބުގެ ސައްހަކަމާ މެދު ސުވާލު އުފެދޭ ކަމަށް. އަދި މިކަމާ ގުޅިގެން އާންމުންނާއި ޖަމިއްޔާތަކުން ފާޅުކުރާ ކަންބޮޑުވުންތަކަށް އެކަށީގެންވާ ހައްލެއް ލިބިފައި ނުވާކަންވެސް އޭނާ ފާހަގަކުރެއްވި.
ކުރިއަށް އޮތް ލޯކަލް ކައުންސިލްތަކުގެ އިންތިޚާބާއި ގުޅޭގޮތުން އެމްޑީޕީ އިން ބޭއްވި ޕްރެސް ބްރީފިން | އެމްޑީޕީ ސެކްރިޓޭރިއެޓް
ކުރިއަށް އޮތް ލޯކަލް ކައުންސިލް އިންތިޚާބާ އަންހެނުންގެ ތަރައްގީ އަށް މަސައްކަތް ކުރާ ކޮމިޓީތަކުގެ އިންތިޚާބު އަދި ރައްޔިތުންގެ ޚިޔާލު ހޯދުމުގެ ވޯޓަކީ ވޯޓު ލުމުގެ އަސާސީ ހައްގު ލިބޭ ފަރާތްތަކަށް ވޯޓު ލުމުގެ ފުރުސަތު އެންމެ ބޮޑަށް ހަނިކުރި އިންތިޚާބަށް ވެގެންދާނެ ކަމަށް އެމްޑީޕީ އިން ބުނެފި އެވެ.
ބުދަ ދުވަހު އެމްޑީޕީ އިން ބޭއްވި ނޫސްވެރިންގެ ބައްދަލުވުމުގައި، ލޯކަލް ކައުންސިލް އިންތިޚާބަށް އެމްޑީޕީން ހަމަޖައްސާފައިވާ ތަރުޖަމާން ދިއްދޫ ދާއިރާގެ ރައީސް އަބްދުﷲ ވަހީދު ވިދާޅުވީ، ފެންމަމުން ދަނީ މި އިންތިޚާބާ ގުޅިގެން ރާއްޖޭގެ ހުރިހާ ކަންކޮޅުތަކުން ވެސް ކަންބޮޑުވުން ފާޅުކުރަމުންދާ މަންޒަރު ކަމަށެވެ.
އެގޮތުން އަމިއްލަ ފަރާތްތަކާ، އެންޖީއޯތަކުން ވެސް އެ ކަންބޮޑުންފާޅު ކުރަމުންދާއިރު، އެތައް ބަޔަކު މިކަމުގައި ސަރުކާރަށް ލަފާދިނުމަށް މަސައްކަތް ކުރާ ކަމަށް ވެސް އޭނާ ވިދާޅުވި އެވެ. ނަމަވެސް މިއަދާ ހަމައަށް ވެސް އެއްވެސް ބައެއްގެ ކަންބޮޑުވުމަކަށް އެކަށީގެންވާ ހައްލެއް ލިބިފައި ނުވާ ކަމަށް ވަހީދު ވިދާޅުވި އެވެ.
އޭނާ ވިދާޅުވީ މި އިންތިޚާބުގައި ރާއްޖޭގެ ގިނަ ބަޔަކަށް ވޯޓު ނުލެވޭނެ ކަން މިއަދު ޔަގީން ވެފައިވާ ކަމަށެވެ. އެހެންކަމުން މިއީ ސައްހަ އިންތިޚާބެއް ތޯ ވެސް ސުވާލު އުފެދޭ ކަމަށް ވަހީދު ވިދާޅުވި އެވެ.
ފެނިގެން މިދިޔައީ ކުރީގެ އިންތިޚާބުތަކުގައި ވީ ވަރަކުން އެންމެ ބޮޑަށް މަސައްކަތް ކުރަމުން ދަނީ އިންތިޚާބުގައި ވޯޓު ލެވޭ ފަރާތްތަކަށް ވީ އެންމެ ރަނގަޅަކަށް ވޯޓު ލެވޭނެ ގޮތް ހަދައިދިނުން. ރާއްޖޭގެ ހުރިހާ ރިސޯޓުތަކެއްގަިއ ހެން ވޯޓު ލުމުގެ ޖާގަ ތަނަވަސްކޮށްދިން. އެކަމު މިއަދު އަޅުގަނޑުމެންނަށް ފެނިގެން މި ދަނީ ރިސޯޓުތަކުގައި ވެސް ވޯޓު ފޮއްޓެއް ނުބެހެއްޓޭ، ސިނާއީ ރަށްރަށުގައި ވެސް ވޯޓު ފޮއްޓެއް ނުބެހެއްޓޭ، އަދި ރާއްޖެ އިން ބޭރުގައި ވެސް ވޯޓު ފޮއްޓެއް ނުބެހެއްޓޭ. އެހެން ވީމާ މި އިންތިޚާބަކި ވޯޓުލުމަށް އަަސާސީ ހައްގު ލިބިގެންވާ ފަރާތްތަކަށް ވޯޓު ލެވޭނެ އެންމެ ބޮޑަށް ހަނިކުރި އިންތިޚާބަށް ވެގެންދާނެ.ލޯކަލް ކައުންސިލް އިންތިޚާބަށް އެމްޑީޕީން ހަމަޖައްސާފައިވާ ތަރުޖަމާން ދިއްދޫ ދާއިރާގެ ރައީސް އަބްދުﷲ ވަހީދު
ލޯކަލް ކައުންސިލް އިންތިޚާބާ އެކު ގައުމީ އިންތިޚާބެއް ބާއްވާއިރު ވީހާވެސް ގިނަ ބަޔަކަށް ވޯޓު ލެވޭނެ އިންތިޒާމު ހަމަޖައްސައިދިނުމަށް މީގެ ކުރިން ވެސް އިލެކްޝަންސް ކޮމިޝަން ގައި އެދިފައި ވާނެ ކަމަށް ވަހީދު ވިދާޅުވި އެވެ. އެހެން ނަމަވެސް އެ ކޮމިޝަނުން ކަންކަން ރާވާ އިންތިޒާމު ކޮށްފައި ވަނީ ގިނަ ބަޔަކަށް ވޯޓު ނުލެވޭނެ ގޮތަކަށް ކަމަށް ވަހީދު ވިދާޅުވި އެވެ.
އޭނާ ވިދާޅުވީ ރާއްޖެއިން ބޭރުގައި ވޯޓު ފޮށިތައް ނުބައްހައްޓަން ނިންމާފައިވާއިރު ޚާއްސަ ކޮށް އިންޑިއާ، ސްރީލަންކާ އަދި މެލޭޝިއާ ފަދަ ގައުމުތަކަކީ ގިނަ އަދަދެއްގެ ދިވެހި ރައްޔިތުން ދިރިއުޅެމުންދާ ގައުމުތަކެއް ކަމަށެވެ.
އެހެން ނަމަވެސް އެ ފަރާތްތަކުގެ ވޯޓު ލުމުގެ ހައްގު މިއަދު ނިގުޅައިގެންފައިވާ ކަން ފާހަގަ ކުރައްވާ ވަހީދު ވިދާޅުވީ އެ ގައުމުތަކުގެ އެމްބަސީތަކުގައި ތިބި ފަރާތްތަކުން މި ސަރުކާރުން މިހާރު ރާއްޖެ ގެނަސްފައިވާ ކަމަށެވެ.
އެގޮތުން އެމްބަސީތަކުގެ މުވައްޒަފުންނާ ބައެއް އެމްބެސެޑަރުން މިއަދު ޕީއެންސީ ގެ ކެމްޕެއިން ހަރަކާތްތަކުން ވެސް ފެންނަމުން ދާ ކަން އޭނާ ފާހަގަކުރެއްވި އެވެ. މިއީ ސީދާ ރޭވި، އިންތިޒާމު ކުރެވިގެން ޕީއެންސީ އާ އިލެކްޝަނުން ކޮށްފައިވާ ކަމެއް ކަމަށާ މިކަމަކީ އެ ޕާޓީ އިން އިންތިހާ އަށް ކަންބޮޑުވާ ކަމެއް ކަމަށް ވެސް އަބްދުﷲ ވަހީދު ވިދާޅުވި އެވެ.
