އިންތިހާބުގައި ނާކާމިޔާބުވި ޕީޕީއެމްގެ ކެނޑިޑޭޓަކަށް ވިލިނގިލީ ހޮސްޕިޓަލްގެ މެނޭޖަރުކަން!
މެނޭޖަރުގެ މަގާމަށް ހަމަޖެއްސެވީ އެ ރަށު މެޖިސްޓްރޭޓްގެ ކޮއްކޮ
މެނޭޖަރު ކަމަށް ހަމަޖެއްސެވިގއ. ވިލިނގިލީ ފީރޯޒުގޭ ނަޒްލީން ނަޖީބް
ލޯކަލް ކައުންސިލް އިންތިހާބުގައި ގއ. ވިލިނގިލީ ކައުންސިލަށް ޕީޕީއެމްގެ ޓިކެޓުގައި ވާދަކޮށް ނާކާމިޔާބުވި ޕީޕީއެމް މެންބަރަކަށް އެ އަތޮޅު ހޮސްޕިޓަލުގެ މެނޭޖަރުގެ މަގާމު ދީފިއެވެ.
ގއ. އަތޮޅު ހޮސްޕިޓަލުގެ މެނޭޖަރ ހެލްތް ސަރވިސަސްގެ މަގާމަށް ހަމަޖައްސަވާފައި ވަނީ ގއ. ވިލިނގިލީ ފީރޯޒުގޭ ނަޒްލީން ނަޖީބެވެ. އޭނާ އެ މަގާމަށް ހަމަޖައްސަވައި، ރައީސް އޮފީހުން ސިޓީ ހަވާލުކޮށްފައި ވަނީ އާދިއްތަ ދުވަހު އެވެ.
ހޮސްޕިޓަލުގެ މެނޭޖަރު ކަމަުގެ މަގާމަށް ހަމަޖައްސަވާފައިވާ ނަޒްލީން ނަޖީބަކީ، އެ ރަށު މެޖިސްޓްރޭޓް ހަސަން ނަޖީބުގެ ކޮއްކޮ އެވެ.
ގއ. އަތޮޅު ހޮސްޕިޓަލުގެ މެނޭޖަރުގެ މަގާމު ހުސްވީ، އެ މަގާމުގައި ހުންނެވި ޝާފިޒް މޫސާ އޭޕްރީލް މަހު ކުއްލިގޮތަކަށް މަގާމުން ވަކިކުރުމުންނެވެ.
ޝާފިޒް މޫސާއަކީ، ސަރުކާރު ހިންގާ ޕީޕީއެމްގައި ހުންނެވުމަށް ފަހު އިދިކޮޅު ފަރާތްތަކާ އެކު މަސައްކަތް ކުރައްވަމުން ގެންދަވާ ވިލިނގިލީ ދާއިރާގެ މެންބަރު ސައުދު ހުސެއިންގެ އަރިސް ބޭފުޅެކެވެ.
