ހިޔާ ފްލެޓް ކުއްޔަށް ދޭ މައްސަލަ: އެއީ މަނާކަމެއް ކަމަށް ގާނޫނުން ކަނޑައަޅަނީ
ހިޔާ ފްލެޓުތަކުގެ ތެރެއިން ބައެއް ފްލެޓުތައް ކުއްޔަށް ދޭ މައްސަލަ ބޮޑުވެފައިވާއިރު އެކަން ހުއްޓުވަން ގާނޫނު އިސްލާހު ކުރުމުގެ މަސައްކަތް ކުރަމުން އަންނަ ކަމަށް ހައުސިންގް މިނިސްޓަރު މުއްތަލިބް ވިދާޅުވެއްޖެ. ނޫސްވެރިންގެ ބައްދަލުވުމެއްގައި ވާހަކަދައްކަވަމުން މިނިސްޓަރު މުއްތަލިބު ވިދާޅުވީ މި ފްލެޓުތައް ދޫކުރަން ހަދައިފައިވާ އެއްބަސްވުމުގެ ދަށުން، އެ ފުލެޓުތައް ކުއްޔަށް ދިން ނަމަވެސް ދައުލަތަށް އެ ފްލެޓުތައް އަތުލެވޭނެ ގޮތެއް މިހާރު ނެތް ކަމަށް. އެހެންކަމުން އެ ފަރާތްތަކަށް ފިޔަވަޅު އެޅުމަށްޓަކައި ގާނޫނު އިސްލާހު ކުރަން ޖެހޭ ކަމަށް ވިދާޅުވި.
ހިޔާ ފްލެޓުތަކުގެ ތެރެއިން ބައެއް ފްލެޓުތައް ކުއްޔަށް ދޭ މައްސަލަ ވަނީ ބޮޑުވެފަ | ރާއްޖެއެމްވީ
ހިޔާ ފްލެޓުތަކުގެ ތެރެއިން ބައެއް ފްލެޓުތައް ކުއްޔަށް ދޭ މައްސަލަ ބޮޑުވެފައިވާއިރު އެކަން ހުއްޓުވަން ގާނޫނު އިސްލާހު ކުރުމުގެ މަސައްކަތް ކުރަމުން އަންނަ ކަމަށް ރައީސް ޑރ. މުހައްމަދު މުއިއްޒުގެ ހައުސިން މިނިސްޓަރު ޑރ. އަބްދުﷲ މުއްތަލިބު ވިދާޅުވެއްޖެ އެވެ.
ހުޅުމާލޭ ދެ ވަނަ ފިޔަވަހީގައި ގާއިމްކޮށްފައިވާ ހިޔާ ފްލެޓުތަކުގެ ތެރެއިން އެޕަރޓްމަންޓެއް 21،000 ރުފިޔާ އަށް ކުއްޔަށް ދޫކުރަން އިއުލާނު ކުރި މައްސަލައެއް މިދިޔަ ޑިސެމްބަރު މަހު ވެސް ވަނީ ފެންމަތިވެފަ އެވެ. އަދި މީގެ ކުރިން ވެސް ހިޔާ ފްލުލެޓްތަކުގެ ތެރެއިން ބައެއް އެޕަރޓްމަންޓްތައް ވަނީ 12،000 ރުފިޔާ އަށް އަދި 8000 ރުފިޔާއަށް ކުއްޔަށް ދޫކޮށްފަ އެވެ. އަދި ބައެއް ފްލެޓުތައް ބިދޭސީ މަސައްކަތްތެރިން ދިރިއުޅޭ ގޮތަށް ކުއްޔަށް ދޫކޮށްފައިވާ ކަމުގެ މައުލޫމާތު ވެސް ލިބިފައިވެ އެވެ.
ބުދަ ދުވަހު ބޭއްވި ނޫސްވެރިންގެ ބައްދަލުވުމެއްގައި، މިކަމާ ގުޅިގެން ވާހަކަދައްކަވަމުން މިނިސްޓަރު މުއްތަލިބު ވިދާޅުވީ މި ފްލެޓުތައް ދޫކުރަން ހަދައިފައިވާ އެއްބަސްވުމުގެ ދަށުން، އެ ފުލެޓުތައް ކުއްޔަށް ދިން ނަމަވެސް ދައުލަތަށް އެ ފްލެޓުތައް އަތުލެވޭނެ ގޮތެއް މިހާރު ނެތް ކަމަށެވެ. ނަމަވެސް އެއީ ކުރެވިގެން ވާނެ ކަމެއް ނޫން ކަމަށް ވެސް ވިދާޅުވި އެވެ.
މުއްތަލިބު ވިދާޅުވީ އެހެންކަމުން އެ ފަރާތްތަކަށް ފިޔަވަޅު އެޅުމަށްޓަކައި ގާނޫނު އިސްލާހު ކުރަން ޖެހޭ ކަމަށެވެ. އަދި ވަރަށް އަވަހަށް އެ ގޮތަށް ގާނޫނަށް އިސްލާހު ގެންނަވާނެ ކަމަށް ވެސް މިނިސްޓަރު ވިދާޅުވި އެވެ.
ގާނޫނުން ކަނޑައަޅަން މި އުޅެނީ އެގޮތަށް ކުއްޔަށް ދިނުމަކީ މަނާ ކަމެއް ކަމަށްރައީސް ޑރ. މުހައްމަދު މުއިއްޒުގެ ހައުސިން މިނިސްޓަރު ޑރ. އަބްދުﷲ މުއްތަލިބު
ހުޅުމާލޭ ދެ ވަނަ ފިޔަވަހީގައި ގާއިމްކޮށްފައިވާ ހިޔާ ފްލެޓުތަކުގެ ތެރެއިން ބައެއް ފްލެޓުތައް ބޮޑު އަގުގައި ކުއްޔަށް ދޭ މައްސަލަ ބޮޑުވުމުން އޭރު އެޗްޑީސީ އިން އާންމު ކުރީ ސޯޝަލް ހައުސިންގ ޔުނިޓުތައް ބިދޭސީންނަށް ކުއްޔަށް ދީފައިވޭތޯ ބަލައި ފިޔަވަޅު އެޅުމާގުޅޭ އުސޫލެކެވެ.
އެއާއެކު ބިދޭސީންނަށް ސޯޝަލް ހައުސިން ކުއްޔަށް ނުދޭން އަންގާ އުސޫލެއް ނެރުނު އިރު އެޗްޑީސީން އެކުލަވާލި އެއްބަސްވުމުގައި އެއްވެސް ބަޔަކަށް އެތަން ކުއްޔަށް ދެވޭނެ މަގު ފަހިވެފައި ނެތްކަން ނޭނގުނީތޯ އާއްމުން ވަނީ ސުވާލު އުފައްދާ ސަރުކާރާއި. އެޗްޑީސީ އަށް ވަރަށް ބޮޑަށް ފާޑު ކިޔާފަ އެވެ.
