ހިޔާ ފްލެޓުގެ 5 ވަނަ ޓަވަރުގެ ތިރީގައި ބަހައްޓާފައި ހުރި އޭސީ އައުޓްޑޯ ޔުނިޓްތައް ނުނަގާ މައްސަލަ ރާއްޖެޓީވީން ސަމާލު ކަމަށް ގެނައުމުން އެތަކެތި ނަގައިފި
ރާއްޖެއެމްވީއަށް މައުލޫމާތު ދިން މީހުން ބުނީ، އޭސީގެ އައުޓްޑޯ ޔުނިޓްތަކާއި އެހެނިހެން ވެސް އަނދާފައިވާ ތަކެތި ބަހައްޓާފައި ހުރުމުން ވަރަށް ނުބައި ބާރުގަދަ ވަހެއް ހުންނަ ކަމަށާއި، އެވަހުގެ ސަބަބުން ނޭވާއަށް އުދަނގޫވެ، ބޮލުގައި ރިއްސާ، ކެއްސުން ކުރިމަތިވާ ކަމަށް. މި މައްސަލައާ ގުޅިގެން މިމަހުގެ 10 ވަނަ ދުވަހު ފަށާއިރު ޕްރޮގްރާމްގެ ތެރެއިން އެޗްޑީސީއަށް ގުޅައި، މިކަން ސަމާލު ކަމަށް ގެނެސްފައިވޭ. އަދި މިމަހުގެ 10 ވަނަ ދުވަހުގެ ރޭގަނޑުގެ ވަގުތެއްގައި މުޅި ސަރަހައްދު އެޗްޑީސީން ވަނީ ސާފުކޮށްފައި.
ހިޔާ ފްލެޓް 5 ގައި ހިނގި އަލިފާނުގެ ހާދިސާގައި ގެއްލުންވި އޭސީތަކުގެ އައުޓްޑޯ ޔުނިޓްތައް ބަހައްޓާފައި ހުރީ ޓަވަރަށް ވަންނަ ދޮރުމަތީގައި، މިހާރު އެސަރަހައްދު ވަނީ ސާފުކޮށް އާއްމުންނަށް ހުޅުވާލާފައި | ރާއްޖެއެމްވީ
އަލިފާނުގެ ހާދިސާ ހިނގި ހިޔާ ފްލެޓުގެ 5 ވަނަ ޓަވަރުގެ ތިރީގައި ބަހައްޓާފައި ހުރި އޭސީ އައުޓްޑޯ ޔުނިޓްތައް ނުނަގާ މައްސަލަ ސަމާލު ކަމަށް ގެނައި ދުވަހުގެ ރޭގަނޑު ނަގައިފި އެވެ.
މި އަލިފާނުގެ ހާދިސާ ހިނގާފައިވަނީ 30 ޖެނުއަރީ 2026 ވީ ހުކުރު ދުވަހު އިރުއޮއްސި 6:45 ހާއިރު އެވެ. މި ހާދިސާގައި 5 ވަނަ ޓަވަރުގެ 38 އެޕާޓްމަންޓުގެ ނަރުދަމާ ހޮޅިތަކަށް ގެއްލުން ވެފައިވެ އެވެ. އަލިފާން ފުރަތަމަ ރޯވެފައިވަނީ އެ ޓަވަރުގެ ވައިގޮޅީގައި ހުރި އައުޓްޑޯ އޭސީ ޔުނިޓެއްގަ އެވެ.
މިހާދިސާގައި ގިނަ އަދަދެއްގެ އޭސީ އައުޓްޑޯ ޔުނިޓްތައް ވަނީ ހަލާކުވެފަ އެވެ.
ހައުސިން ޑިވެލޮޕްމަންޓް ކޯޕަރޭޝަން (އެޗްޑީސީ)ން މަރާމާތުގެ މަސައްކަތް ކޮށް، ހަލާކުވި އޭސީ އައުޓްޑޯ ޔުނިޓްތައް ހިޔާ ފްލެޓުގެ 5 ވަނަ ޓަވަރު ބޭރުގައި ބެހެއްޓި އެވެ. 31 ޖެނުއަރީ 2026ން 10 ފެބްރުއަރީ 2026 ވަނަ ދުވަހާ ހަމައަށް އެ ސަރަހައްދު ބޭރުގައި އަނދާފައިވާ ގިނަ އާލަތްތައް ވަނީ ބަހައްޓާފަ އެވެ.
މިތަކެތި އެތަނުގައި ބަހައްޓާފައި ހުރުމުންގެ ސަބަބުން އެސަރަހައްދުގައި ދިރިއުޅޭ އާއްމު ރައްޔިތުން ކަންބޮޑުވުންފާޅު ކޮށްފައިވެ އެވެ.
ރާއްޖެއެމްވީއަށް މައުލޫމާތު ދިން މީހުން ބުނީ، އޭސީގެ އައުޓްޑޯ ޔުނިޓްތަކާއި އެހެނިހެން ވެސް އަނދާފައިވާ ތަކެތި ބަހައްޓާފައި ހުރުމުން ވަރަށް ނުބައި ބާރުގަދަ ވަހެއް ހުންނަ ކަމަށާއި، އެވަހުގެ ސަބަބުން ނޭވާއަށް އުދަނގޫވެ، ބޮލުގައި ރިއްސާ، ކެއްސުން ކުރިމަތިވާ ކަމަށެވެ. އަދި ބައެއް މީހުން ހޮނޑުލާ ކަމަށާއި، ބޮޑަށް މައްސަލަ ކުރިމަތިވަނީ އުމުރުން ދުވަސްވީ މީހުންނާ ކުޑަކުދިންނަށް ކަމަށް އެމީހާ ބުންޏެވެ.
މި މައްސަލައާ ގުޅިގެން މިމަހުގެ 10 ވަނަ ދުވަހު ފަށާއިރު ޕްރޮގްރާމްގެ ތެރެއިން އެޗްޑީސީއަށް ގުޅައި، މިކަން ސަމާލު ކަމަށް ގެނެސްފައިވެ އެވެ. އަދި އެތަކެތި ނާގާނީ ކޮންއިރަކުންތޯ ސުވާލު ކުރުމުން އެޗްޑީސީގެ އޮފިޝަލް ވިދާޅުވީ އަނދާފައިވާ ތަކެތި ބަހައްޓާފައި ހުރީ މަސައްކަތްތައް ކުރިއަށް ދާތީ ކަމަށެވެ.
ނަމަވެސް މިމަހުގެ 10 ވަނަ ދުވަހުގެ ރޭގަނޑުގެ ވަގުތެއްގައި މުޅި ސަރަހައްދު އެޗްޑީސީން ވަނީ ސާފުކޮށްފަ އެވެ. އަދި އެތަނުގައި ބަހައްޓާފައި ހުރި ހުރިހާ އައުޓްޑޯ އޭސީ ޔުނިޓުތައް ވަނީ ނަގާފަ އެވެ.
