ހިޔާ ފްލެޓް 5 ގައި ހިނގި އަލިފާނުގެ ހާދިސާގައި ގެއްލުންވި ނަރުދަމާގެ ނިޒާމު މަރާމާތުކޮށް، އަލުން ޚިދުމަތް ދީފި
ހިޔާ ފްލެޓުގެ 5 ވަނަ ޓަވަރުގައި އަލިފާނުގެ ހާދިސާ ހިނގާފައިވަނީ މިދިޔަ ހުކުރު ދުވަހު އިރުއޮއްސި 6:45 ހާއިރު. މި ހާދިސާގައި 5 ވަނަ ޓަވަރުގެ 38 އެޕާޓްމަންޓުގެ ނަރުދަމާ ހޮޅިތަކަށް ގެއްލުން ވެފައިވޭ. އަދި 31 އެޕާޓްމަންޓެއްގެ 148 މީހުންނަށް ވަގުތީ ބޯހިޔާވަހިކަން ފޯރު ކޮށްދީފައިވޭ.
ހިޔާ ޓަވަރުގައި އަލިފާނުގެ ހާދިސާއެއް ހިނގުމުން، ފުލުހުންނާއި، އެންޑީއެމްއޭގެ އޮފިޝަލުން ހަރަކާތްތެރި ވަނީ. | އެންޑީއެމްއޭ
ހުޅުމާލެ ދެވަނަ ފިޔަވަހީގެ ހިޔާ ފްލެޓް 5 ގައި ހިނގި އަލިފާނުގެ ހާދިސާގައި ގެއްލުންވި ނަރުދަމާގެ ނިޒާމު މަރާމާތުކޮށް، ހުރިހާ އެޕާޓްމަންޓްތަކަކަށް ފެނާއި ކަރަންޓުގެ ޚިދުމަތް ދީފި އެވެ.
ބުދަ ދުވަހު ނެޝަނަލް ޑިޒާސްޓާ މެނޭޖްމަންޓް އޮތޯރިޓީ (އެންޑީއެމްއޭ) އިން ބުނީ، ހިޔާ ފްލެޓް 5 ގައި ހިނގި އަލިފާނުގެ ހާދިސާގައި ގެއްލުންވި ނަރުދަމާގެ ނިޒާމު މަރާމާތުކޮށް ނިމި، ހުރިހާ އެޕާޓްމަންޓްތަކަކަށް ފެނާއި ކަރަންޓުގެ ޚިދުމަތް އަލުން ދީފައިވާ ކަމަށް އެޗްޑީސީން ހާމަ ކޮށްފައިވާ ކަމަށެވެ.
އެހެންކަމުން، މި ހާދިސާއާ ގުޅިގެން ވަގުތީ ބޯހިޔާވަހިކަން ފޯރުކޮށްދިން 31 އެޕާޓްމަންޓެއްގެ 148 މީހުންނަށް ދިން އެހީތެރިކަމުގެ މުއްދަތު ހަމަވުމާއެކު، އެ އާއިލާތައް އަނބުރާ އެމީހުންގެ އާންމު ދިރިއުޅުމަށް ރުޖޫއަވެފައިވާ ކަމަށް އެ އޮތޯރިޓީން ބުންޏެވެ.
ހިޔާ ފްލެޓުގެ 5 ވަނަ ޓަވަރުގައި އަލިފާނުގެ ހާދިސާ ހިނގާފައިވަނީ 30 ޖެނުއަރީ 2026 ވީ ހުކުރު ދުވަހު އިރުއޮއްސި 6:45 ހާއިރު އެވެ. މި ހާދިސާގައި 5 ވަނަ ޓަވަރުގެ 38 އެޕާޓްމަންޓުގެ ނަރުދަމާ ހޮޅިތަކަށް ގެއްލުން ވެފައިވާއިރު، އަލިފާން ފުރަތަމަ ރޯވެފައިވަނީ އެ ޓަވަރުގެ ވައިގޮޅީގައި ހުރި އައުޓްޑޯ އޭސީ ޔުނިޓެއްގައި ކަމަށް މައުލޫމާތު ލިބެ އެވެ.
ބޮޑު އާބާދީއެއް އޮންނަ ހިޔާ ޓަވަރުތަކުގައި މީގެ ކުރިން ވެސް އަލިފާނުގެ ހާދިސާތައް ހިނގައި ގެއްލުންތައް ވެފައިވެ އެވެ.
