އާމިރު ޚާން "ތަގްސް އޮފް ހިންދުސްތާން"ގައި ވެސް ތަފާތު ގޮތަކަށް

އާމިރު ޚާނު މިހާރު ޝޫޓް ކުރަމުންދާ ފިލްމު "ތަގްސް އޮފް ހިންދުސްތާން" ގައި ތަފާތުގޮތަކަށް ހުންނަ ފޮޓޯތަކެއް ވައިރަލް ވެއްޖެއެވެ.

އެ ފޮޓޯއިން ފެންނަ ގޮތުގައި އާމިރު ޚާންގެ ތުބުޅި ވަނީ އެއްކޮށް ދިގުކޮށްލާފައެވެ. އަދި އޭނާގެ އިސްތަށިގަނޑުވެސް ވަނީ ދިގުވެފައެވެ. ޚަބަރުތައް ބުނާގޮތުގައި އާމިރު ޚާން"ތަގްސް އޮފް ހިންދުސްތާން" ކުޅުމަށް ވަނީ އެތަށް ކިލޯއެއް ހަށިގަނޑުން ލުއިކޮށްލާފައެވެ.

އަޑުތައް ފެތުރިފައިވާ ގޮތުގައި އާމިރު ޚާން މި ފިލްމުން ފެންނާނީ "ޕައިރެޓްސް" ނުވަތަ ކަނޑުފޭރޭ މީހެއްގެ ގޮތަށެވެ.

މި ފިލްމުގައި އާމިރު ޚާންގެ އިތުރުން ފެނިގެންދާނީ އަމީތާބް ބައްޗަން، ކެޓްރީނާ ކައިފް އަދި ފާތިމމާ ސަނާ ޝައިޚްއެވެ. މި ފިލްމު ސިނަމާތަކަށް އަންނާނީ އަންނަ އަހަރުގެ ނޮވެމްބަރު މަހުގެ 7 ވަނަ ދުވަހުގައެވެ. މި ފިލްމުގެ ޑައިރެކްޓަރަކީ ވިޖޭ ކްރިޝްނާ އަޗާރިޔާއެވެ.