ކްރިމިނަލް ކޯޓުގެ ދެ މުވައްޒަފަކު ކުއްލި ގޮތަކަށް ވަޒީފާއިން ވަކިކޮށްފި
13 ސެޕްޓެމްބަރު 2017 | ބުދަ 11:07ސެކިއުރިޓީގައި މަސައްކަތް ކުރި މުވައްޒަފަކާއި ޑްރައިވަރެއް
ކްރިމިނަލް ކޯޓް
ކްރިމިނަލް ކޯޓުގެ ދެ މުވައްޒަފަކު ކުއްލި ގޮތަކަށް ވަޒީފާއިން ވަކިކޮށްފި އެވެ.
ރާއްޖެއެމްވީ އަށް މައުލޫމާތު ލިބިފައިވާ ގޮތުގައި ދެ މުވައްޒަފުން ވަކިކޮށްފައި ވަނީ ޖުޑިޝަލް އެޑްމިނިސްޓްރޭޝަން ޑިޕާޓްމެންޓް(ޑީޖޭއޭ) އިންނެވެ.
މައުލޫމާތު ލިބިފައިވާ ގޮތުގައި ވަޒީފާއިން ވަކިކޮށްފައި ވަނީ ކޯޓުގެ ސެކިއުރިޓީގައި މަސައްކަތް ކުރި މުވައްޒަފަކާއި ޑްރައިވަރެއްގެ މަގާމުގައި މަސައްކަތް ކުރި މުވައްޒަފެކެވެ.
އެ ދެ މުވައްޒަފުން ސަސްޕެންޑް ކުރުމަށް ފުރަތަމަ ނިންމި ނިންމުން ބާތިލްކޮށް، ޑީޖޭއޭ އިން ފަހުން ނިންމީ ދެ މުވައްޒަފުން ވަޒީފާއިން ވަކިކުރުމަށެވެ.
އެނގިފައިވާ ގޮތުގައި އެ ދެ މުވައްޒަފުންނަކީ، ކްރިމިނަލް ކޯޓުގެ ކުރީގެ އިސް ގާޒީ އަބްދުލް ބާރީ ޔޫސުފާ އަރިސް ދެ މީހުންނެވެ.
މިކަމާ ގުޅޭ ގޮތުން ޑީޖޭއޭގެ ބަހެއް ހޯދަން ކުރި މަސައްކަތް ވަނީ ކާމިޔާބުވާގޮތް ނުވެފަ އެވެ.
