ޓެކްސްޓް ފޮތްތައް ހަމަޔަށް ފޮނުވާފައިވާ ކަމަށް އެޑިއުކޭޝަނުން ބުނި ނަމަވެސް އައު އަހަރުގެ ކިޔަވައިދޭން ފެށި އިރު ސްކޫލްތަކަށް ފޮތްތައް ހަމަ އެއް ނުވޭ
އަހަރުގެ ދިރާސީ އަހަރު ކިޔެވުން ފެށުމުގެ ކުރިން އެޑިއުކޭޝަން މިނިސްޓްރީ އިން އެކަމަށް ދުރާލާ ތައްޔާރުވާން ފަށާ، ޚާއްސަކޮށް ސަރުކާރުގެ ސްކޫލްތަކުގެ ދަރިވަރުންނަށް ޓެކްސްޓްފޮތްތައް ފޮނުވާ ނިންމާފައިވާކަމަށް އެޑިއުކޭޝަން މިނިސްޓްރީން ވަނީ ބުނެފައި.
ރައީސުލްޖުމްހޫރިއްޔާ ޑރ. މުއިއްޒު ހުޅުމާލެ ދެވަނަ ފިޔަވަހީގައި ހުންނަ ޝަހީދު ޢަލީ ސްކޫލް ހުޅުވުމުގެ ރަސްމިއްޔާތުގައި ބައިވެރިވެވަޑައިގަތުން - 27 ޖެނުއަރީ 2026. | ރައީސް އޮފީސް
ދިރާސީ އައު އަހަރުގެ ކިޔެވުން ފެށި އިރު ރާއްޖޭގެ އަތޮޅުތަކުގެ ބައެއް ސްކޫލްތަކަށް ފޮތްތައް ހަމަ ނުވާ ކަން ހާމަ ވެއްޖެ އެވެ.
ރާއްޖެ އެމްވީ އާ ވާހަކަ ދެއްކި ބައެއް ސްކޫލުތަކުގެ ވެރިން ވިދާޅުވީ، އަދި ވެސް ބައެއް ގްރޭޑްތަކަށް ފޮތްތައް ހަމަ ނުވާ ކަމަށާއި، ކިޔެވުން ފެށުނު ދުވަހު ވެސް ބައެއް ފޮތްތައް އަންނަމުންދާ ކަމުގަ އެވެ.
ދަރިވަރުން ސްކޫލުތަކަށް ނުކުތް އިރު ފޮތްތައް ހަމަވެފައި ނުވާ އިރު، އެޑިޔުކޭޝަން މިނިސްޓަރު ޑރ. އިސްމާއީލް ޝަފީއު ވިދާޅުވެފައިވަނީ ސްކޫލް ފަށަންވާއިރަށް އެ މިނިސްޓްރީން ކުރަންޖެހޭ ކަންކަން އަދި ސްކޫލްގެ މާހައުލުގައިވެސް ކުރަންޖެހޭ ކަންކަން ފުރިހަމަކަމާއެކު ދަރިވަރުންގެ އުނގެނުމަށް އެއްވެސް ވަރެއްގެ ގޮންޖެހުން ކުރިމަތިނުވާ މިންވަރަށް ތައްޔާރުވެފައިވާ ކަމަށެވެ.
އޭގެ އިތުރުން، އަހަރުގެ ދިރާސީ އަހަރު ކިޔެވުން ފެށުމުގެ ކުރިން އެޑިއުކޭޝަން މިނިސްޓްރީ އިން އެކަމަށް ދުރާލާ ތައްޔާރުވާން ފަށާ، ޚާއްސަކޮށް ސަރުކާރުގެ ސްކޫލްތަކުގެ ދަރިވަރުންނަށް ޓެކްސްޓްފޮތްތައް ފޮނުވާ ނިންމާފައިވާކަމަށް އެޑިއުކޭޝަން މިނިސްޓްރީން ވަނީ ބުނެފަ އެވެ.
މިއަހަރުގެ ދިރާސީ އަހަރުގެ ކިޔެވުން ފަށުނު އިރު ސަރުކާރުގެ 218 ސްކޫލްގައި 77،000 އަށް ވުރެ ގިނަ ދަރިވަރުން ތިބޭނެ ކަމަށް އެޑިއުކޭޝަނުން ބުނެފައިވެ އެވެ.
ރާއްޖޭގެ އަތޮޅުތަކުގެ ތައުލީމީ ހާލަތު ދަށްވެ، ރަނގަޅު ތައުލީމު ދަރިވަރުންނަަށް ހޯދައިދިނުމަށް މިއަހަރު އަތޮޅުތަކުން މާލެ އަށް 1530 ދަރިވަރުން ބަދަލުވެފައިވެ އެވެ.
މިއަހަރުގެ ދިރާސީ އަހަރުގެ ކިޔެވުން ފަށާއިރު ސަރުކާރުގެ ސްކޫލްތަކުގައި 10،500 މުދައްރިސުން ހަރަކާތްތެރިވާނެ ކަމަށާއި އޭގެ ތެރޭގައި 8،000 ދިވެހި މުދައްރިސުންނާއި 2،500 ބިދޭސީ މުދައްރިސުން ހިމެނޭ ކަމަށް އެޑިއުކޭޝަނުން ބުނެފައިވެ އެވެ.
