އެޗްއާރްސީއެމްގެ ރައީސް އަކަށް ރަމީލާ އައްޔަނު ކުރުމަށް ފަހު 15 މިނެޓުން މަޖިލީހުގެ ޖަލްސާ ނިންމާލައިފި
އަންގާރަ ދުވަހު ދައުރުން ބޭރުން މަޖިލީހުގެ ޖަލްސާ އެއް އެޖެންޑާ ކޮށް ޖަލްސާ ބޭއްވީ ރަމީލާ އެޗްއާރްސީއެމްގެ ރައީސްކަމަށް އައްޔަންކުރުމަށް ވޯޓަށް އެހުމަށް. ރަމީލާ އެ މަގާމަށް އައްޔަނު ކުރަށް ފާސް ކުރީ ވޯޓުގައި ބައިވެރިވެވަޑައިގެންނެވި 38 މެންބަރުންގެ އިއްތިފާގުން. އޭނާ އެ މަގާމަަށް އައްޔަނު ކުރަން ފެންނަ ކަމަށް ފާސް ކުރުމަށްފަހު 8 މިނެޓު ތެރޭ އަންގާރަ ދުވަހުގެ މަޖިލީހުގެ ޖަލްސާ ވަނީ ނިންމާލާފަ.
ހިއުމަން ރައިޓްސް ކޮމިޝަން އޮފް ދަ މޯލްޑިވްސްގެ މެންބަރުކަމުގެ މަޤާމަށް ގ.އާބިން، ޑޮކްޓަރ ޢާއިޝަތު ރަމީލާ ޢައްޔަން ކުރަން ވަނީ ފާސްކޮށްފައި | ރައީސް އޮފީސް
ހިއުމަން ރައިޓްސް ކޮމިޝަން (އެޗްއާރުސީއެމް)ގެ ރައީސް ކަމަށް, ރައީސް މުއިއްޒުގެ ވަޒީރަކަށް ކުރިން ހުންނެވި ޑރ. އާއިޝަތު ރަމީލާ އައްޔަންކުރަން ރައްޔިތުންގެ މަޖިލީހުން ފާސް ކޮށްފި އެވެ.
އަންގާރަ ދުވަހު ދައުރުން ބޭރުން މަޖިލީހުގެ ޖަލްސާ އެއް އެޖެންޑާ ކޮށް ޖަލްސާ ބޭއްވީ ރަމީލާ އެޗްއާރްސީއެމްގެ ރައީސްކަމަށް އައްޔަންކުރުމަށް ވޯޓަށް އެހުމަށެވެ. ރަމީލާ އެ މަގާމަށް އައްޔަނު ކުރަށް ފާސް ކުރީ ވޯޓުގައި ބައިވެރިވެވަޑައިގެންނެވި 38 މެންބަރުންގެ އިއްތިފާގުންނެވެ.
އޭނާ އެ މަގާމަަށް އައްޔަނު ކުރަން ފެންނަ ކަމަށް ފާސް ކުރުމަށްފަހު 15 މިނެޓު ތެރޭ އަންގާރަ ދުވަހުގެ މަޖިލީހުގެ ޖަލްސާ ވަނީ ނިންމާލާފަ އެވެ.
ވޯޓަށް ފަހު ރިޔާސަތުގައި އިންނެވި މަޖިލީހުގެ ރައީސް އަބްދުއްރަހީމް އަބްދުﷲ ވިދާޅުވީ ޖަލްސާ ނިންމާލަނީ މަސައްކަތް ނެތިގެން ނޫން ކަމަށެވެ. އަދި މިއީ މަޖިލީހުގެ އާންމު ޖަލްސާ އެއް ނޫން ކަމަށާ ދައުރުން ބޭރުން ބާއްވާ ޖަލްސާތަކުގައި ކުރާނީ އެ ޖަލްސާ އަށް ހުށަހެޅޭ މަސައްކަތްތައް އެކަނި ކަމަށް އަބްދުއްރަހީމް ވިދާޅުވި އެވެ.
މަޖިލީހުގެ ރައީސް މިހެން ވިދާޅުވި ނަމަވެސް ކުއްލި ގޮތަކަށް ދައުރުން ބޭރުން މަޖިލީސް ހުޅުވައިގެން ކުރަމުން ގެންދަނީ އެ ނޫން ދުވަސްވަރު ވެސް މަޖިލީހުގައި ކުރަމުން ގެންދާ ޒާތުގެ މަސައްކަތްތައްކަން ފާހަގަ ކުރެވެ އެވެ. އެ ގޮތުން އާންމު ބިލުތަކުގެ މަސައްކަތްތަކާއި ކޮމިޓީ ބައްދަލުވުން ފަދަ މަސައްކަތްތައް މަޖިލީހުގައި ދަނީ ހިނގަމުންނެވެ.
މަޖިލީހުގެ ރައީސް ވިދާޅުވީ މިކަންކަން ތަފުސީލުކޮށް ދިނީ މަޖިލީހުގެ ޖަލްސާތަކުގެ ރަނގަޅު ޚަބަރު ގެނަސްދިނުމަށް ފަސޭހަ ކުރުމުގެ ގޮތުން ކަމަށެވެ.
ދައުރުން ބޭރުން މިހާރު ކުރިއަށް ގެންދާ މަޖިލީހުގެ ޖަލްސާތަކަކީ ޣައިރު ގާނޫނީ އަދި ގާނޫނުއަސާސީއާ ހިލާފު ޖަލްސާތަކެއް ކަމަށް އެމް.ޑީ.ޕީގެ ޕާލިމަންޓަރީ ގްރޫޕުން ގަބޫލުކުރާތީ އެ ޖަލްސާތައް ބޮއިކޮޓް ކުރުމަށް އެމްޑީޕީ ގެ ޕާލިމެންޓަރީ ގްރޫޕުން ވަނީ ނިންމާފަ އެވެ. އެހެންވެ އަންގާރަ ދުވަހުގެ ޖަލްސާ އަށް އެމްޑީޕީ ގެ މެންބަރުން ހާޒިރުވެވަޑައިގެންފަ އެއް ނުވެ އެވެ.
