އެޗްއާރުސީއެމްގެ ރައީސް ކަމަށް ރަމީލާ އައްޔަން ކުރުމަށް ރުހުން ދިނުމަށް އަންގާރަ ދުވަހު ޖަލްސާ އެއް ބާއްވަނީ
އަންގާރަ ދުވަހު މަޖިލީހުގެ ޖަލްސާ އެއް ގައި އެޗްއާރުސީއެމްގެ ރައީސް ކަމަށް އައިޝަތު ރަމީލާ އައްޔަން ކުރުމަށް ވޯޓަށް އެހުމަށް ހަމަޖެހިފައިވޭ. ރަމީލާ އަކީ ރައީސް މުއިއްޒުގެ ކުރީގެ އެގްރިކަލްޗާ މިނިސްޓަރު. އެޗްއާރުސީއެމް މެންބަރު ކަމަށް އޭނާ އައްޔަން ކުރެއްވީ 3 ޑިސެންބަރު 2024 ގައި އަދި އެޗްއާރުސީއެމްގެ ރައީސް ކަމަށް އައްޔަން ކުރުމާއި ގުޅޭ މައްސަލަ ކޮމިޓީން ދިރާސާކޮށް ނިންމީ 24 ގަޑި އިރު ނުވަނީސް.
ހިއުމަން ރައިޓްސް ކޮމިޝަން އޮފް ދަ މޯލްޑިވްސްގެ މެންބަރުކަމުގެ މަޤާމަށް ގ.އާބިން، ޑޮކްޓަރ ޢާއިޝަތު ރަމީލާ ޢައްޔަންކުރެއްވުން 12-03-2025
އެޗްއާރުސީއެމްގެ ރައީސްކަމަށް، ރައިސް މުއިއްޒުގެ ވަޒީރަކަށް ކުރިން ހުންނެވި އައިޝަތު ރަމީލާ އައްޔަން ކުރުމަށް ރުހުން ދިނުމަށް އަންގާރަ ދުވަހު މަޖިލީހުގެ ޖަލްސާ އެއް ބާއްވަން ތާވަލުކޮށްފި އެވެ.
ރައްޔިތުންގެ މަޖިލީހުގެ އަންގާރަ ދުވަހުގެ ޖަލްސާގައ އެޖެންޑާ ކޮށްފައިވަނީ ދެ ކަމެކެވެ. އެއީ ގާނޫނު ނަންބަރު 6/2006 (ހިޔުމަން ރައިޓްސް ކޮމިޝަނުގެ ޤާނޫނު) ގެ 8 ވަނަ މާއްދާގެ (ނ) ގައިވާ ގޮތުގެމަތިން، ހިޔުމަން ރައިޓްސް ކޮމިޝަން އޮފް ދަ މޯލްޑިވްސްގެ ރައީސް ޢައްޔަންކުރެއްވުމަށްޓަކައި ރައީސުލްޖުމްހޫރިއްޔާ ފޮނުއްވާފައިވާ މައްސަލަ، ހިއުމަން ރައިޓްސް އެންޑް ޖެންޑަރ ކޮމިޓީން ދިރާސާކޮށް ނިންމިގޮތުގެ ރިޕޯޓު ހުށަހެޅުމެވެ.
މީގެ އިތުރުން ދެން އޮތީ މި ރިޕޯޓަށް ވޯޓަށް އެހުމެވެ. މިއީ ދައުރުން ބޭރުން ބާއްވާ ދެވަނަ ޖަލްސާ އެވެ.
ހިއުމަން ރައިޓްސް ކޮމިޝަން އޮފް ދަ މޯލްޑިވްސްގެ މެންބަރުކަމުގެ މަޤާމަށް ގ.އާބިން، ޑރ. އައިޝަތު ރަމީލާ އައްޔަންކުރެއްވީ 3 ޑިސެމްބަރު 2024 ގަ އެވެ. ޑޮކްޓަރ ޢާއިޝަތު ރަމީލާ މިމަގާމަށް އައްޔަން ކުރައްވާފައިވަނީ، ރައީސް ޑރ. މުހައްމަދު މުއިއްޒު، ދިވެހިރާއްޖޭ ގެ ޖުމްހޫރިއްޔާގެ ގާނޫނުއަސާސީ ގެ 190 ވަނަ މާއްދާގެ (ށ) އާއި، ގާނޫނު ނަންބަރު 6/2006، (ހިޔުމަން ރައިޓްސް ކޮމިޝަނުގެ ގާނޫނު) ގެ 5 ވަނަ މާއްދާގެ (ހ) ގައިވާ ގޮތުގެމަތިންނެވެ.
ރަމީލާއަކީ ރައީސް މުއިއްޒުގެ ފުރަތަމަ އެގްރިކަލްޗާ މިނިސްޓަރެވެ. ކެންސަރު ބައްޔަށް ފަރުވާ ހޯއްދަވަން ރަމީލާ މިނިސްޓަރުކަމުން އިސްތިއުފާދެއްވީ ޑިސެންބަރު 1، 2024 ގައެވެ. މިނިސްޓަރުކަން ކުރެއްވުމުގެ ކުރިން ރަމީލާ ވަނީ ދެ ފަހަރެއްގެ މަތިން ހެލްތު މިނިސްޓްރީގެ ސްޓޭޓް މިނިސްޓަރުކަން ކުރައްވާފަ އެވެ.
އެޗްއާރްސީއެމަށް ރަމީލާ އައްޔަންކުރަން އޮކްޓޯބަރު 29 ވަނަ ދުވަހު މަޖިލީހު ގެ ތަޅުމުގައި ނެގި ވޯޓުގައި ބައިވެރިވެވަޑައިގެން 63 މެންބަރުންގެ އިއްތިފާގުން ވަނީ އޭނާއަށް ރުހުން ދޭން ފާސްކޮށްފަ އެވެ. އަދި އެނާ އެޗްއާރުސީއެމް ގެ ރައީސް ކަމަށް އައްޔަން ކުރުމަށް މަޖިލީހަށް ރައީސް މުއިއްޒު ނަން ފޮނުއްވީ 3 ޑިސެމްބަރުގަ އެވެ. އަދި އެ މައްސަލަ ހޯމަ ދުވަހުގެ ޖަލްސާގައި ހިމަނައި ކޮމިޓީއަށް ވަނީ ދިރާސާކުރުމަށް ފޮނުވާފަ އެވެ.
އެހެންކަމުން ރަމީލާ އެޗްއާރުސީއެމްގެ ރައީސް ކަމަށް އައްޔަން ކުރުމާއި ގުޅޭ މައްސަލަ ކޮމިޓީގައި ދިރާސާކޮށް ގޮތެއް ނިންމީ 24 ގަޑި އިރު ނުވަނީސް އެވެ. އެކަމާއި ގުޅޭ ކޮމިޓީ ބައްދަލުވުމެއް އޮތީ ވެސް ހޯމަ ދުވަހުގެ ހެނދުނު 10:0 ގަ އެވެ.
