މިނިސްޓަރ ސައީދު ވިދާޅުވަނީ މިދިޔަ ދެ އަހަރު 595 ކުދި ވިޔަފާރި އަށް 349 މިލިއަން ރުފިޔާގެ ލޯނު ދިން ކަމަށް

މި ވޭތުވެދިޔަ 2 އަހަރުގެ ތެރޭގައި 595 ކުދި ވިޔަފާރިއަކަށް 349 މިލިޔަން ރުފިޔާގެ ކުދި ލޯނު ދޫކޮށްފައިވާ ކަމަށް އިކޮނޮމިކް މިނިސްޓަރ މުހައްމަދު ސައީދު ވިދާޅުވެއްޖެ އެވެ.

ރައީސް އޮފީހުގައި އޮތް ނޫސްވެރިންގެ ބައްދަލުވުމެއްގައި ބުރާސްފަތި ދުވަހު މިނިސްޓަރ ވިދާޅުވީ އަންނަ އަހަރު ކުދި ވިޔަފާރިތަކަށް ޚާޢްސަ ކޮށްގެން 500 މިލިއަން ރުފިޔާގެ ލޯނު ދިނުމަށް ނިންމާފައިވާ ކަމަށެވެ.

މިނިސްޓަރ ސައީދު އިތުރަށް ވިދާޅުވީ، ކުދި ވިޔަފާރިތަކަށް ޓީޓީ ހެދުމަށްޓަކައި ބީއެމްއެލްއިން ދޭ ޑޮލަރުގެ އަދަދު އިތުރުކޮށްފައިވާ ކަމަށާއި އެގޮތުން 2،500 އަށްވުރެ ދަށް އަދަދުތަކުގެ ބިލުތަކަށް 50 އިންސައްތަ އާ ހަމައަށް އަދި 2،500 އާއި، 5،000 އާ ދެމެދުގެ ބިލުތައް 30 އިންސައްތަ އާ ހަމައަށް ޓީޓީ ހެދުމަށް ރަސްމީ ރޭޓުގައި ޑޮލަރު ޑޮލަރު ދެމުން އަންނަ ކަމަށެވެ. އަދި 5،000 ން މަތީގެ ބިލުތަކަށް 15 އިންސައްތަ ޓީޓީ ހެދުމަށް ޑޮލަރު ދޫކުރާ ކަމަށް ވެސް ސައީދު ވިދާޅުވިއެވެ.